Jeremaia 41:2 - Nobonob Baibel

² Netania bekka Ismael nug danab eblaih laih ele, nug ag ele oh ahan, Ahikam bekka Gedalaia, nug am Sapan alag, ag nug qep elabppa qeeg mauhom. Ge, ag laa Babilon dilag king nug Juda wannu gawana daakkunu tituanom amu, ag nug qeeg mauhom.

Jeremaia 41:2 ပူးပေါင်းရင်းမြစ်များ

2 Samuel 3:27

Anam daye, haen Apner nug eɗua Hebron uɗie amu, Joap nug aabnu aɗ odppa dayaya, nug Apner ele aa laih danab ii daattebppa goya, aya daayya, nai mattiglahnu he goya, appa Joap nug Apner big qep-ppa ye mauhom. Apner nug Asahel ye mauhom amunu, Joap nug gemu nob ma, Apner ye mauhom.

2 King 25:25

Gedalaia nug anam dayom, amge maɗ amuppa kalam eblaih aɗitppa Netania bekka Ismael, nug Elisama alag, nug am king tiigppan laa, amu nug danab eblaih laih ele Mispa goppig. Ag gona tena, ag Gedalaia qeeg mauhe, Juda danab, Babilon danab ele ⌊nug ehanidkkulagnu⌋ nug ele Mispa appa daappig amu, ag ag ele aqaeg mauhppig.

Sam 109:5

Da ag ena hadattem, amge ag eɗun, da eheɗ heɗatteb. Da ahilagnu ool mauhtte, amge ag eɗun, dahilnu nau ninig ele dootteb.

Sam 41:9

Am da layalnab, da nuhignu oolppa genab doyen, ool mettami, i oh ee lamuɗ ele, nug da kekeɗ meɗom.

Jeremaia 40:14

Ag gona, ag Gedalaia amegppa appig. “Gedalaia, Amon dilag king Balis nug Netania bekka Ismael na nitteb mauhkkutnu me uɗiom amu, na amu iite doottem,” aon appig. Ag anam appig, amge Ahikam bekka Gedalaia nug ahilag nai am doya, ooppa genab ii doyom.

Jeremaia 40:16

Johanan nug ukka, Gedalaia amegppa anam aum, amge Ahikam bekka Gedalaia nug Karea bekka Johanan amegppa aum. “Iitta! Na anam aib heme! Aɗinu? Na Ismaelnu attem am genab iitta,” awa aum.

Jeremaia 40:5

Nebusaradan nug anam a, ⌊Jeremaia Juda wanppa daakkunu ana,⌋ nug aha gokkunu heehe, Nebusaradan nug eɗua amegppa aum. “Na ahan, eɗun gona, Ahikam bekka Gedalaia, alag am Sapan, Babilon dilag king nug Juda dilag okkai daakkunu nug tituanom amu, na eɗun, nug gumidna gona daakkut, o iitta, na laih adeppa gona daakkut am na nakka,” awa aum. Nug anam awowa, nug Jeremaia ee keeke mettowa, keeke enanag laa ele nuhig daakkunu hamu metta, he ukkom.

Jeremaia 40:7

Amu Juda dilag daup okkai laa, ag ahilkad daup ele ag Babilon dilag daup ag Babilonnu uɗin, Juda dilag aabaab eɗadna diippig, haen amuppa ag aabppa ii daappig, ag aab dimittim atu laih laihppa daappig. Ag anam daanna, ag Babilon dilag king nug Ahikam bekka Gedalaia, nug Juda wannu gawana daakkunu, nug Juda danab ah daɗeknab daaegeg, Babilon wanppa diin appa diia ukka laih me dayak danab ah daaglagnu ii goppig ele gumadkkunu tituanom doyona,

Jeremaia 40:8

ag Gedalaia gumidna, Mispa goppig. Ag goppig ele am, Netania bekka Ismael, Karea bekoɗ Johanan amu Jonatan ele, Tanhumet bekka Seraia, Netopa danab Epai bekkod, amu Maka danab laa, nug bekka Jasania ele. Ag am ahilkad daup ele oh goppig.

Jeremaia 41:3

Ismael nug Gedalaia qe mauhe, nug Juda laa oh Gedalaia ele Mispa appa daappig, Babilon dilag daup Gedalaia ele daappig ele oh aqe mauhppig.

Jon 13:18

Da madittem imu amu da ag oh ahilagnu ii attem. Da danab dahilad, da tituanadmi ele amu, da ag diilag doottem. Amge Kayak nai niitte amu genab meu bekku. Nai amu inam atte. ‘Am da layalnab, i oh ee lamuɗ ele, nug da kekeɗ meɗom.’