Jeremaia 41:1 - Nobonob Baibel

¹ Aria, Gedalaia nug anam a daaeg te, maɗ amuppaib kalam eblaih aɗitppa Netania bekka Ismael, nug Elisama alag, nug king tiigppan laa, nug Juda dilag kingnu daup dilag okkai laa aakku, nug danab eblaih tanig ele diie, ag oh Ahikam bekka Gedalaia gumidna Mispa goppig. Ag gona teeg, ag Gedalaia ele ee lanana,

Jeremaia 41:1 ပူးပေါင်းရင်းမြစ်များ

2 Samuel 3:27

Anam daye, haen Apner nug eɗua Hebron uɗie amu, Joap nug aabnu aɗ odppa dayaya, nug Apner ele aa laih danab ii daattebppa goya, aya daayya, nai mattiglahnu he goya, appa Joap nug Apner big qep-ppa ye mauhom. Apner nug Asahel ye mauhom amunu, Joap nug gemu nob ma, Apner ye mauhom.

2 King 11:1

Amu Jehu nug Juda dilag king Ahasia qe mauhe, Ahasia anig Atalia nug nug bekka Ahasia mauhom doyowa, nug aha he, laa ag danab oh ag king ele tiig laippu amu, ag ag aqaeg mauhppig.

2 King 25:22

Amu Babilon dilag king Nebukatnesar nug Ahikam bekka Gedalaia, Sapan alag, nug nug Juda danab ah dilag okkai daakkunu tituanom.

2 King 25:25

Gedalaia nug anam dayom, amge maɗ amuppa kalam eblaih aɗitppa Netania bekka Ismael, nug Elisama alag, nug am king tiigppan laa, amu nug danab eblaih laih ele Mispa goppig. Ag gona tena, ag Gedalaia qeeg mauhe, Juda danab, Babilon danab ele ⌊nug ehanidkkulagnu⌋ nug ele Mispa appa daappig amu, ag ag ele aqaeg mauhppig.

2 Stori 22:10

Amu Jehu nug Ahasia qe mauhe, Ahasia anig Atalia nug nug bekka Ahasia mauhom doyowa, nug aha he, laa ag danab oh ag Juda dilag king ele tiig laippu amu, ag aqaeg mauhppig.

Sam 109:5

Da ag ena hadattem, amge ag eɗun, da eheɗ heɗatteb. Da ahilagnu ool mauhtte, amge ag eɗun, dahilnu nau ninig ele dootteb.

Sam 41:9

Am da layalnab, da nuhignu oolppa genab doyen, ool mettami, i oh ee lamuɗ ele, nug da kekeɗ meɗom.

Prowerb 13:10

Dada hak danab nug laa oɗeppanu ulum ena awaknu uutte amunu, nug laa ele, ag nug uɗa aoɗtteb; amge laa nug ulum ena awa, ooppa mette amu, nug am doyak dabmak ena ele.

Prowerb 27:4

Danab nug oo nauhkku dayeb amu, nug laa guittak medakkutai. Ao, danab nug oppoɗi be ameg kokoɗ ebatte dayeb amu, nug laa guittak nau medakkutai; amge danab nug dahil doya laa aomanu doyak aɗa daakku dayeb, nug heeb, laa padal mekkunu elele.

Jeremaia 36:12

Baruk nug ebqa male, Mikaia nug aha, kingnu lag enanagnab, appan nai yaak danabnu oo laa, nug oo amuppa ukkom. Kingnu ehanittak anuqak danab oh ag aguppa daappig. Ag daappig ele am nai yaak danab Elisama, aria Semaia bekka Delaia, Akbor bekka Elnatan, Sapan bekka Gemaria, Hanania bekka Sedekaia, amu kingnu ehanittak anuqak danab laa oh ele.

Jeremaia 36:20

Kingnu ehanittak anuqak danab ag Baruk amegppa anam awona, ag buk itoɗiak ele amu qagmaknu nai yaak danab Elisama, nug king laugppa oo laappa uɗat hette, ag buk itoɗiak ele oo amuppa mewona, ag king gumidna goppig. King nug nug laugppa oo laa haɗap heqoppa dayom amu, nug appa dayom. Nug appa dayeye, ag nug gumidna gona, ag keeke amu ohnu nug amegppa mattieg doyom.

Jeremaia 39:14

ag heeg, laa ag gona, Jeremaia nug daup Juda dilag king gumappig laulag haɗap-ppa maniguittak dayom amu, ag nug appanu aoeg, Babilon dilag okkai amu ag Jeremaia, Ahikam bekka Gedalaia eppegppa menana, ag nug amegppa nug Jeremaia ehanitteb, nug eɗua nug laugppa gokkunu appig. Ag anam appig amunu, Jeremaia nug Juda danab Juda wanppa daappig, Babilon appa diia ukka laih me dayak danab ah ii goppig, nug ag ele daappig. Gedalaia nug am Sapan alag.

Jeremaia 40:13

Aria, deɗ laa Karea bekka Johanan, amu daup dilag okkai laa ele, ag tatam aab dimittim daaegeg Babilon dilag daup ag ahan ukkaeg, ag ahan, Mispa appa Gedalaia gumidna goppig.

Jeremaia 40:5

Nebusaradan nug anam a, ⌊Jeremaia Juda wanppa daakkunu ana,⌋ nug aha gokkunu heehe, Nebusaradan nug eɗua amegppa aum. “Na ahan, eɗun gona, Ahikam bekka Gedalaia, alag am Sapan, Babilon dilag king nug Juda dilag okkai daakkunu nug tituanom amu, na eɗun, nug gumidna gona daakkut, o iitta, na laih adeppa gona daakkut am na nakka,” awa aum. Nug anam awowa, nug Jeremaia ee keeke mettowa, keeke enanag laa ele nuhig daakkunu hamu metta, he ukkom.

Jeremaia 40:6

Nebusaradan nug anam aum amunu, Jeremaia nug Ahikam bekka Gedalaia, Mispa dayom, nug nug gumitta ukkom. Nug ukke, nug danab ah Babilon dilag daup ag ag diia ukka laih me dayak danab ah Babilon wanppa daaglagnu ii diippig, Juda wanppa daappig, nug ag ele oh Gedalaia ele daappig.

Jeremaia 40:7

Amu Juda dilag daup okkai laa, ag ahilkad daup ele ag Babilon dilag daup ag Babilonnu uɗin, Juda dilag aabaab eɗadna diippig, haen amuppa ag aabppa ii daappig, ag aab dimittim atu laih laihppa daappig. Ag anam daanna, ag Babilon dilag king nug Ahikam bekka Gedalaia, nug Juda wannu gawana daakkunu, nug Juda danab ah daɗeknab daaegeg, Babilon wanppa diin appa diia ukka laih me dayak danab ah daaglagnu ii goppig ele gumadkkunu tituanom doyona,

Jeremaia 40:8

ag Gedalaia gumidna, Mispa goppig. Ag goppig ele am, Netania bekka Ismael, Karea bekoɗ Johanan amu Jonatan ele, Tanhumet bekka Seraia, Netopa danab Epai bekkod, amu Maka danab laa, nug bekka Jasania ele. Ag am ahilkad daup ele oh goppig.

Esekiel 17:13

Nug ag diia, Babilon gokkun dayaya, nug Dawit buɗub laa, ag Juda dilag king daaglagnu elele amu, nug ag oolagppan laa awe, nug king daakkunu nug ele nug tituanya, nai qakkaya, Babilon dilag king nug he, laa amu nug Babilon dilag king waappa dayaya, nuhig nai dim lamidkkunu nuhig nai ɠagattag qetta aum. Amu Babilon dilag king nug Juda dilag ikki danab laa ele diia, Babilon uɗiom.

Jon 13:18

Da madittem imu amu da ag oh ahilagnu ii attem. Da danab dahilad, da tituanadmi ele amu, da ag diilag doottem. Amge Kayak nai niitte amu genab meu bekku. Nai amu inam atte. ‘Am da layalnab, i oh ee lamuɗ ele, nug da kekeɗ meɗom.’