Jeremaia 40:1 - Nobonob Baibel

¹ Nebusaradan, nug daup Nebukatnesar gumappig dilag okkai amu, nug Rama dayaya, nug Jeremaia Jerusalem appa Jerusalem danab ah, amu Juda danab ah laa ele nug ag Babilon diia ukka maatteb, ag appa diia ukka laih me dayak danab ah daaglagnu daappig oolagppa maniguittakppa, senppa qakkak dayomnu uhuqak daakkunu a, dimppa Yawe Nug Jeremaia nai laa mette doyom.

Jeremaia 40:1 ပူးပေါင်းရင်းမြစ်များ

2 Stori 16:1

Amu Asa nug Juda dilag king dayaya, nuhig king dayaknu maɗ 36ppa Israel dilag king Basa nug nuhikkud ban danab diie gona, Juda ele ban hena, ag aab Rama aona, danab ah ag Juda wanppa, Asa gumom ele, ag appa gomananu, appanu domananu Basa nug aɗ keeke, aab amuppa heum.

Sam 107:16

Aɗinu? Nug ahilag maniguittaknu aɗnu od brasppa heppig amu loppaɗe neum. Nug od manak qaknu keeke aenppa hak makkulatte neppig.

Sam 68:6

Kayak Nug he, danab ah aun aɗi ag baelkadppa iitta ele amu, ag baelkadppa laa bena daatteb. Kayak Nug danab ah ag maniguittak daatteb amu, Nug he, ag uhuqak aon, ag gamag ahak aotteb. Amge danab ah aun aɗi ag nai tappe nak hetteb, ag wan gakkaɗak qaɗaiettak, keeke laa amuppa ii betteb ele, ag amuppa daatteb.

Jeremaia 31:15

Yawe Nug inam atte. “Laa Rama appa gayeye dootteb. Ge, appa laa nug eheɗ gayaya, mahitte. Amuam Rahel, nug nid nuhikkud oh iitta meppig amunu, nug nid dilagnu gayaya, mahiadtte. Nug mahiatta gayeye, laa heeb, oo mekkunu uua daatte,” awa atte.

Jeremaia 39:9

Babilonnu daup laa onig Nebusaradan, nug daup Nebukatnesar gumappig dilag okkai amu, ⌊nug appa uɗat gumappig amu⌋, nug a, daup ag Juda danab ah Jerusalem daappig, ag oh, amu Juda danab ah laa ag matu gona, ag akka ag beɗulag Babilon daup eppelagppa meppig ele, ag amu ele oh diin ukkaeg, ag Babilon wanppa diia ukka laih me dayak danab ah daappig.

Jeremaia 42:7

Ag anam aeg, deɗ eblaih waɗele uue, deɗ eblaih laih eleppa Yawe Nug nuhig nai imu Jeremaia mettom.

Esekiel 33:21

⌊Nebukatnesar nug King Jehoiakin, amu ig laa ele awikka, Babilon wanppa diia ukka laih me dayak danab ah daagnignu uɗie daautut,⌋ maɗ 11 uue, maɗ 12ppa, kalam eblaih laih elenu deɗ tanig eleppa danab laa nug Jerusalem appanu uɗia, da gumiɗa beum. Nug tatam Jerusalem dayaya, dimittim uɗia, Babilon dilag ban danab qe-eɗatta oola uɗia, dahilppa beum. Nug dahilppa uɗia, nug da amelppa aum. “Nebukatnesar nug Jerusalem eɗitta, aab okkai amu awe, nug eppegppa daatte,” awa aum.

Aposel 21:13

Ig anam amut, amge Pol nug aum. “Ag aɗinu anam gaan, aakku da oolppa guittak okkai meɗatteb? Da Naɗi Jesus onig attan ta daakkunu Jerusalem appa maniguittakppa daakkulnu am elele doottem, amge amu aakkuib iitta. Da Jerusalem appa, Naɗi Jesus Nug onig attan ta daakkunu mauhkkulnu ele elele doottem,” awa aum.

Aposel 28:20

Diig amunu da ag gemu daatteb, da ag ele mattit, appi anidna dooglagnu am da ag anadkkulnu ele ool daye onilagppa emi. Da Israel dilag dabmak aɗa ameg ma dayak, ⌊amuam Kristus uɗikkunu dabmak⌋ da amunu gemu sen imuppa da eppel qakkak daattem,” awa aum.

Epesus 6:20

Ao, da Nai Ena imu madittem amunu da maniguittakppa daattem. Ge, da amu madikkulnu uɗat ele amunu amu, ag Kayak Nug heeb, da helom bia da baɗak iitta dayen, nuhig nai madikkulnu unuqitteg!

Josua 18:25

Josua aɗi ag aab laala ele ag madappig. Amuam Gibeon, Rama, Berot,

1 Samuel 7:17

Nug oiyak amu oh ha mala amu, nug hanhan eɗua, Rama ukka dayom. Aɗinu? Am nug appag diig, nug laug aguppa dayom. Appa ele amu, nug Israel danab ah epeɗiattom. Amu Rama appa Samuel nug Yawenu qaɗab ele qeum.