Jeremaia 4:8 - Nobonob Baibel

⁸ Anam bekku amunu, ag lamen heɗiag ele takkanna, ag mahia, gayak okkai ele heig! Aɗinu? Ihinig hipunin haknu amu, Yawenu oo nauhak huanaknab aakku daatte. Ii iitta meum,” awe ami.

Jeremaia 4:8 ပူးပေါင်းရင်းမြစ်များ

Sam 78:49

Kayak Nug nuhikkud engel, engel amu ag danab, keeke ele heeg nauhtte amu, Nug he, ag Isip aqappig. Nug Isip dilagnu oo huanaknab nauhe, Nug engel amuppa anam Isip ippuanatta, bu mattom. Ao, engel amuppa Nug oppoɗi bak, oo nauhak, Isip dilagnu kekeɗ mettak ele Isip ippuanatta, Nug ag bu mattom.

Aisaia 10:4

Ag am keeke laa hekkulagnu ib iittanab iitta. Geha kekeɗ ag ag aqaglag, o iitta ag aɗualadppeg, ag ag eppelagppa daaglag. Anam, amge amuppa Yawe Nug nuhig oo nauhak am iinab bodoettama. Iitta. Nug ⌊bu tuɗitta madakkunu⌋ eppeg huma daakku.

Aisaia 13:6

⌊O Babilon danab ah,⌋ ag huan gayeg! Aɗinu? Yawenu deɗ naɗi miag doum. Deɗ amuppa amu Laa Nukka Ɠagattag Oh Ele Nug geha keeke kuɗum heeb nauhkkulag.

Aisaia 22:12

Uug imu bak haenppa Naɗi, Nug Yawe Nukka Ɠagattag Oh Ele, Nug ag haen amuppa ⌊eheɗ heppignu⌋ ag oo doyak doon gaan, ag ikkilag uɗug oh otaɗna, ag lamen heɗiag ele takkadkkulagnu amelagppa akku.

Aisaia 32:11

⌊Uug anam bekku amunu,⌋ ag Juda ah, ag hamu, uug laa iitta, eleleib doon daatteb amu, ag ottaieg! Ao, ag Juda ah, ag oolagppa, “Ig eheɗ laa ii anidmata,” dabmetteb amu, ag hahaɗeg! Ag lamen ena uɗadna, ag lamen heɗiag ele takkeg! Ag ee meu oh ena ii bemananu, ag grep muɗi am meu ii omananu, ag wan imuam ena ii daamanu, ag keeke amu ohnu mahieg! Aɗinu? Uud keeke qaun ele ag bena wan imu oh tonan, aab imu, lag laala imuppa daatteb ele, amuppa gamag ahak nau daatte, aab, lag amu ele tonaglag.

Aisaia 5:25

Diig amunu amu, Yawe Nug nuhikkud danab ah dilagnu oo nauhak naɗi dootte. Ge! Nug eppeg humom dayeye, Nug makkuɗadtte. Nug eppeg e, qauko oh uɗaltteb. Nug eppeg e, kuɗum mauheg, ag gaɗalkad aab okkainu ibppa kinipan bia niitteb. Anam, amge amuppa Nug nuhig oo nauhak amu iinab bodoettom. Iitta. Nug ⌊bu tuɗitta madakkunu⌋ eppeg humom daatte.

Aisaia 9:12

Nug heeb, aam nodeppanu danab Pilistianu, ag ahappeg, amu aam bedeppan daup Aramnu, ag ele ahappeg, ag oh Israel aqaglagnu uɗin, ag Israel qena, tabappeg nokku. Anam, amge amuppa Yawe Nug nuhig oo nauhak am iinab bodoettama. Iitta! Nug ⌊bu tuɗitta madakkunu⌋ eppeg huma daakku.

Aisaia 9:17

⌊Ikki danab aɗi ag anam hetteb,⌋ diig amunu ⌊Israel danab ah oh⌋ ag Kayaknu, nuhig haknu ele uuak doon, ag nau hak kobol henana, nai uɗig wak ele oɗelagppa anan oitteb. Anam amunu, Naɗi Nug Israel dilag nid bau dilagnu gamag ahak laa ii dootte. Diig amunu Nug ah qab, amu nid ag mamelkad mauhppig ele, Nug amu dilagnu ele oo ii madatte. Anam, amge Naɗi Nug nuhig oo nauhak amu iinab bodoettama. Iitta! Nug ⌊bu tuɗitta madakkunu⌋ eppeg huma daakku.

Aisaia 9:21

Manase buɗub ag ahan, Epraim buɗub tappadppeg nokkulagnu hebeppeg, Epraim buɗub ag ahan Manase buɗub tappadppeg nokkulagnu hekkulag. Amu aa oh anam heyaya, aa oh ahai, Juda tabapeɗ nokkunu hekkulah. Anam, amge amuppa Yawe Nug nuhig oo nauhak amu iinab bodoettama. Iitta. Nug ⌊bu tuɗitta madakkunu⌋ eppeg huma daakku.

Jeremaia 25:34

Ag gumak danab, ag danab sipsip gumadtte bia ag gumak danab daanna, danab ah gumadtteb, ag eheɗ gaanna, mahieg! Ao, ag gumak danab, ag danab sipsip gumadtte bia daan, ag danab ah gumadtteb amu, ag gappudppa niin, beɗulag itoɗinna dayeg! Aɗinu? Danab ag doɗ kuɗum aqaeg mauhtteb bia, kekeɗ ag banppa ag aqappeg mauhkkulagnu haen aakku beum daatte. Ao, ag aakku hinai enanag na qa aoɗtte, ag amubia daaglag.

Jeremaia 30:24

Yawe Nug bu madakkunu dabmak awe, ɠagattag eppom amunu, nuhig oo nauhak huanaknab am hamu ii iitta mema. Iitta. Bu mattak amu ha malak dimppa, am iitta mekku. Dimppa ag imu oh dabmena, oolag maidkku.

Jeremaia 48:20

⌊Amu oɗmak amunu nob am,⌋ kekeɗ ag heegeg, Moap ag nena qena, nauhppig daatteb amunu, ag uɗa nak nau guittak ele dootteb. Ag gaanna huana eig! Ag ahan, Arnon le daugppa kekeɗ ag Moap eɗadna heeg, ag nauhppig eig!

Jeremaia 6:26

O dahilad danab ah ag lamen heɗiag ele takkan, uhuɗppa niinna, beɗulag itoɗin, itoɗinna, danab bekka laippu mauhe, huanaknab qanak baag eleppa mahitte, ag amubia mahieg! Aɗinu? He nauhak danab nug ihinigppa pahanab tula bekku.

Gayak Nai 1:12

Ag danab ah ag oinna, ag neegna, ig Juda anignana, ag guittak nau ig tonikkom daatte am keeke hamu doottebte? Ao, Yawe Nug ig Juda ig hipunin huanak hemut antta, Nug oo nauhak huanaknab doya he, kekeɗ ag heeg, ig guittak okkainab aomut oittem amu, laa guittak ig aomut bia laa awomte?

Esekiel 21:12

Qep elab amuam danab ah dahilad aqeb mauhppeg, Israel dilag okkai ele aqeb mauhkkulag. Anam daatte amunu, danab bekka, na gaye! Na mahie! Israel dilag anuqak danab, dahilad danab ah ele ag qep elabppa mauhkkulag amunu, na momon qeute!

Esekiel 30:2

“Danab bekka, na dimppa aɗi bekkunu nai anan, na inam a! Naɗi Yawe Nug inam atte. ‘Gayeg! Gadon, deɗ naɗi uɗiom daatte,’ aig! Aɗinu? Dahil deɗ naɗi, deɗ amu aakku miag uɗiom daatte. Deɗ amuppa lombig hinqak ele daakku. Am deɗ amuppa wanppan wan oh ag uug naunab aoglag.

Joel 1:13

Ag mana mettak danab, ag lamen heɗiag ele takkanna mahieg! Ao, ag danab Kayaknu qaɗabppa nuhig ɗo maɗoɗnu uɗat hetteb ele, ag qaneg! ⌊Wit, bali, muɗi grep ele oh bunaɗna, iitta meppig amunu, danab ag ee aegnu ofa, wain gokkaɗaknu ofa ele aon gona, Kayak, ahilag Kayak, Nug laugppa mekkulagnu laa iitta.⌋ Ee amu iitta, mana mettak laa ii daatte amunu, ag danab, ag dahil Kayak noobppa nuhig ɗo maɗoɗnu uɗat henan daatteb ele, ag lamen heɗiag ele takkan, Kayak laug ooppa nona, tuqan appa daan, ⌊oolag eɗueg⌋!

Amos 8:10

Ag gemu hobul dayaknu gamag ahak dootteb, amge haen amuppa da heppi, ahilag hobul dayak haen anen anen am gamag ahak haen ii daamna. Iitta! Mahiak haen daaglag. Ao, gemu ag ahi edatteb, amge haen amuppa da heppi, ag ahi ii ettamna. Iitta. Ag gayakib gaaglag. Haen amuppa da heppi, ag oh oolagppa uug nau doon, lamen heɗiag ele takkan, ag ikkilkad uɗug hoiglag. Yo, da heppi, haen amuppa ag nid danab laippuib mauhe, anig mameg mahittep bia mahiglag. Ge, haen amu gogppa tak, amuam deɗ nau ninig ele daatte bia daakku,” awa atte.

Maika 1:16

⌊O gadon,⌋ ag Israel, ag ahilkad nid naunau, ahilagnu ag enanagnab dootteb, amge ag nid ahilkad dilagnu oolagppa uug naunab nau doon, ag mahina, aakku ikkilag uɗug ohnab otaɗatteg! Ao, ag uug naunab doon, ag mahin, ikkilkad uɗug oh otaɗna aon, ag ai walsa igippa uɗig laa iitta, ag amubia dayeg! Aɗinu? Kekeɗ ag nid naunau ahilkad diin gona, ag wan laappa diia ukka laih me dayak danab ah daaglagnu maadppeg daaglag,” awa atte.

Namba 25:4

Israel ag anam heegeg, Yawe Nug ahilagnu oo huanak nauhe, Nug Moses amegppa aum. “Danab aun aɗi ag Peornu hambuppuak kayak Bal noobppa dup nona binag meppig ele amu, na amu dilag ikki danab oh diin aqappe mauheg! Aqan, danab ah oh anadkkulagnu gaɗalkad amu miagib amahlakppa, da Yawe, da noolppa aihatteg! Na anam heppe amu, da, Yawe, dahil oo nauhak huanaknab ele am iitta meeb, amu geha da Israel oh ii hadappi nauhmana,” awa aum.