Jeremaia 4:5 - Nobonob Baibel

⁵ Yawe Nug da Jeremaia, Nug da amelppa inam ele aum. “Na nai imu Juda danab ah, Jerusalem danab ah ele amelagppa appe doyeg! ‘Trampet iwalak danab ag, ag trampet amu wan ohppa aben ohppa iwaleg!’ Na amu awona, na inam ele appe doyeg! ‘Ag Juda, ag qagmeppeg, ig oh aab ɠagattag aɗ ele anen anen amu, ig oolta, amuppa gotu!’

Jeremaia 4:5 ပူးပေါင်းရင်းမြစ်များ

Aisaia 28:19

Haen adekkuppa uug nau, okkai amu uɗikku amu, uug amuam ag diia auta aokku. Amu uug amu haen kuɗumnab amun, tuqan ele anidkkulagib.” Naɗi Yawe Nug anam atte. Amu aun aɗi ag nai imu doon, diignu doyak tutukku aoglag amu, ag aakku eheɗ nau baɗan daaglag.

Jeremaia 11:2

“Nug tituana nai qakkak nai da anukka hei, da Israel memetalkad ele hemut amu, na nai amuppa da aɗi hekkul, ag aɗi aɗi hekkulag daatte amu, na nai amu doon, na danab ah Jerusalem daatteb, Juda danab ah laa oh ele appe doyeg!

Jeremaia 35:11

Ig mamenig anukkanu anam haknunab anak amu mekke, ig dim lamittutut uɗie, gemu ele hettem, amge Babilon dilag king Nebukatnesar nug wan imu aokkunu nuhikkud daup ele ban hekkulagnu uɗin, wan imuppa beeg, ig amut. ‘Ahappeg, ig Babilon dilag daup, Aram dilag daup ele eppelagppa daamtanu, ig gota, Jerusalem appa teta, nakok daagnig,’ amut amunu, ig uɗit, ippa Jerusalem iikku daattem.” Rekap buɗub ag Jeremaia amegppa anam appig.

Jeremaia 5:20

Amu Yawe Nug da amelppa aum. “Jeremaia, na nai imu Jakop buɗub amelagppa appe doyeg! Ao, na Juda danab ah ag dooglagnu nai imu appe doyeg!

Jeremaia 6:1

Yawe Nug atte. “Ag Benyamin danab ah, ag ahan ooleg! Ao, ag Jerusalem appa aib daappig. Ag ahan ooleg! Uug naunab yawalti uɗitteppanu uɗitte. Appan laa uɗin heppeg, nauhak okkai nau daakku. Anam amunu, danab ah ag dooglagnu ag trampet Tekoa appa iwaleg! Ge, ag Bet Hakerem appa danab ah anidna, uug naunab uɗitte dooglagnu ag appa pilak, amunu at daakkunu qappeg!

Jeremaia 8:14

Juda ag akka akka ag inam akkulag. ‘Aɗinu ig ippa inam daattem? Ig qagmeta oolta, aab ɠagattag aɗ ele, amuppa gota, toettata daagnig. Ig amu hekkunignu diig am, ig Yawe, ihinig Kayak, ig nuhigppa hipunin hemut amunu, Nug he, ig oɗe qamutak ele, toettak daattem. Nug uud tiig mua nau ele lakkunignu mekkom.

Jeremaia 9:12

⌊Amu qinob laa nug oɗmak inam hekku.⌋ “Yawe Nug he, wan imu nauhakib daatte. Nug he, wan imuam nauhaknab, atu taɗak nau, danab appa oikkunu elele iitta daatte. Nug anam heum, amge diig aɗinu Nug anam heum? Danab laa nug amunu diig dookkunu doyak dabmak ena ele elele aɗattete? Yawe Nug laa ippunittom, amu nug amunu diig doya, ab doot, oonig maidkkunu elete?” ⌊Nug oɗmak anam hekku.⌋

Esekiel 7:14

Da dahil oppoɗil Israel danab ah dilagnu beum daatte amunu, ag ban hekkulagnu keeke oh bappaidkkulagtai, ag ban hekkulagnu trampet iwalkkulagtai, amge da heppi, laa nug banppa ii goma,” awa atte.

Hosea 8:1

Yawe Nug atte. “Dahilad danab ah ag uug uɗitte dooglagnu na trampet na ottinppa me! Ai igel laa doɗ laa aokkunu notte bia, kekeɗ ag da, Yawe, ag dahilad danab ah aqaglagnu ban haknu uɗitteb. Danab ah dahilad ag nug tituana nai qakkak nai da ag mattami tippalna; dahil ɗo tappaeg neum. Diig amunu amu, kekeɗ ag uɗitteb.

Joel 2:1

⌊Uug bekkun daatte amu, danab ah dooglagnu⌋ ag trampet Sion aab okkaippa appa iwaleg! Ao, ⌊danab ah ag haen nau bekkun daatte doon bappaidkkulagnu amu,⌋ ag qauko dahilnu tituanak daatteppa oqotti okkai heig! Yawenu deɗ naɗi uɗitte, uma iitta, miagnab daatte amunu, danab ah oh Israel wanppa daatteb, ag hahaɗeg!

Amos 3:6

Haen aab okkai laappan aɗi uɗitte anittak danab nug kekeɗ uɗitteb antta, nug trampet iwale amu, aab okkai amuppanu danab ag hamu doon, ii baɗattebte? Iitta! Ag baɗatteb. Ao, aab okkai laa, ⌊amuppan danab ah ag hipunin heeg,⌋ uug nau aab okkai amuppa bette amu, uug amuam Yawe eppegppanu iite uɗitte? Ge, nuhigppan uɗitte.

Amos 3:8

Laion laa nug gaya malom, danab laa nug iite baɗakku? Ao, amubia Naɗi Yawe Nug nai mattia malom, propet laa nug nai amu doyom ele, nug nuhig nai amu iite tuɗitta mehuqa, laa amelagppa madikku?

Namba 10:2

“Na appe, danab laa trampet aɗit silwappa haataɗ! Nug hamappa silwa qeebeb bekkulah. Trampet aɗit amu, aa danab ah onilagppa epeɗ uɗin qagmekkulagnu, amu ag haen tutu dayaknu aab kalak anen anenppanu ahan, aben amu uun laih gokkulagnu iwalaknu ele daaglah.

Namba 10:3

Haen danab aɗit aa trampet aɗit amu oh iwalatpeɗ amu, danab ah oh ag doppeg, na ele dahil mettid haknu peh lag danab ah appa qagmetteb ele, ag peh amunu odppa qagmekkulag.

Josua 10:20

Amu Josua, Israel daup ele ag Amo ban danab aqanna, daup ameg tanig ele amu ohbia aqaegeg ukke, laippu laippunab ag eɗun ahilkad aab okkai ɠagattag aɗ eleppa goppig.