Jeremaia 4:31 - Nobonob Baibel31 ⌊O gadon tuleglegppa da⌋ gayak doottem. Da ah nug nid tatamnu aokkunu haaha, ewawa aiqagatte, da gayak amubia doottem. Da gayak doottem am, ag Juda danab ah, ahilag. Ah laa nug laa ehanidkkunu eppeg bahia, “O gadonnab gadon, da mauhkkulnu hettem. Da danab nau eppelagppa daaiyi, ag heppeg mauhkkulnu hettem,” atte amu, ag Juda danab ah ag amubia daatteb doomi. အခန်းကိုကြည့်ပါ။ |
Jeremaia 4:31
35 ပူးပေါင်းရင်းမြစ်များ
⌊Na noomppa ig eheɗ heut,⌋ na bu mekkame ⌊amunu,⌋ ig ah nid aokkunu guitte, beɗu itoɗia akkoniaya, gayaya hette bia na noomppa hetat daamut. O Yawe, ig guittak okkai nau aota, ig dabmak ihinigppa, “Keeke ena laa geha bekku,” doomut, amge iitta. Ig ehanitteb padal ii maknu uɗat laa wanppa heut ii beum. Ig kekeɗ tappaladpput noppeg, ig hepput, ihinig dayak ena bekkunu amu, ig ii heut beum.
Yawe Nug ⌊nuhikkud danab ah Israel, Nug ahilagnu⌋ inam atte. “Haen elabnab da toetten dayeye, ⌊da ahilag kekeɗ ag ag aladppig ele, da ag ii hatti nauhppig⌋. Yo, da dakka oɗel qamute dayeye, ⌊da ahilag kekeɗ, ag ag hatteg nauhppig ele, da ag hadappi nauhkkulagnu ib amu, da oo nein,⌋ hamu daami. Amge gemu amu, da ah nug nid menukkunu wagai maama, ewawa, hik qe, hik huana awawa hette, amubia da uɗat okkai, guittak ele doyeye, ag ehanadkkul.
Laa yawalti uɗitteppanu uɗitteb amu, tatam ag Juda okkai, ag ag ele nug tituana nai qakkakppa daaglagnu wagai men heppig, amge Yawe heeb, amu dilag ag okkai ahilkad daappeg, ag ag waalagppa daaglag amunu, haen amuppa ag aɗi nai mattiglag? Iitta. Ag uug okkai, ah nid aokkunu guittak dootte, ag amubia dooglag.
Da aab okkai uuen, aab dimittim oiyeye amu, da laa ag qep elabppa mauhppig anadttem. Da aab okkai ooppa oiyeye amu, laa enugppa mauhppig, mauhkkulagnu oitteb ele anadttem. Aɗinu? Propet danab, mana mettak danab ele ag daanna, maɗi ahilag hetteb, amge ag diig doon ii hetteb. Iitta. Ag hamu hetteb,’ ” ⌊awe akkul.⌋
Da anam aakku daami amunu, da tuɗid eleib guittak doyeye oittem, da amunu diig amu, da ool ii maidtte. Ao, laa ag da ihil meɗaeg ii qaɗaiedatteb amu, da amunu diig ele, da ool ii maidtte. Le okkai laala ag qaɗaiettaeg, danab ah appa le ii aotteb. Ao, le qeppuɗia bak laala ag qaɗaiettaeg, danab ah ag le appanu ii aotteb. Am amubia na dahilnu hekkutte?” Da anam ami.
Juda danab ah ag am ah laa nug guittak okkai doyaya, laa ehanitteb, oo mekkunu eppeg bahitte bia daatteb, amge laa nug uɗia ii ehanidtte bia daatteb. Yawe Nug wan laala Juda guguittak daatteb, ag eɗun, Juda dilag kekeɗ daaglagnu ɗo nai mattia aum. Ao, Juda danab ah ag danab ah laa oh oolagppa ag keeke dubuttid ele bia daatteb.
Nid bau, kaino ele ag oh laippu ibnu gappudppa nena qena, mauhadppig niitteb. Juda dilag nid bau, ah makkun ele qep elabppa mauhppig niitteb. O Yawe, na Juda dilag hipuninnu oot nauhe, amu babaittak deɗppa na he, kekeɗ ag aqaeg mauhadppig. Ao, na oo gai-iitta doya oo metta ehanittak kobol ii dabmena he, kekeɗ ag aqaeg mauhadppig.
O Israel danab ah, kekeɗ ag heppeg, ag aab okkai ahilag uun, laih gona daaglagnu gonana, ag ib daugppa dad okkaippa haen tutu dayaknu aab nakok kalan daan, ahan gona, baula anamib henana gokkulag amunu, ag ah nid aokkun guittak nau doyaya, beɗu itoɗitte, ag amubia guittak doyeg! Kekeɗ ag heppeg, ag Babilon appa diia ukka laih me dayak danab ah daaglagnu gokkulag, amge Yawe Nug amunu qagaiettakppanu eɗua uhuqak ha madakku. Ao, Nug qagaiettakppanu ehanittak okkaippa uhuqatteb, ag ahilkad kekeɗ eppelkadppa ii daamna.
Da oolppa uug naunab, guittak bia, doottem! Aɗinu? Da am danab aam haenppan ad fig meu aotte bia daattem. Da ad fig meu tatam oɗutte laa awatte lalomnu ool okkai daatte, amge gemu meu amu laa ii daatte amunu, da ii lattem. Ao, da am uɗat nid grep meu laippu laippu uuppig daaegeg aotte bia daattem. Da grep meu aɗa auta awak laa awe lalomnu ool daatte, amge meu amu laa ii daatte amunu, da ii lattem.
ကြော်ငြာတွေ