Jeremaia 4:19 - Nobonob Baibel

¹⁹ O gadon, da, ⌊Jeremaia, da⌋ guittak naunab nau doottem. Da danab guittak nau doya, beɗu itoɗia hette, guittak amubia da doottem. Da oolppa guittak nau anam doottem. Gamalppa uttu taub dahil huanaknab qutu qutu edatte. Da oɗel qamutak daakkulnu elele iitta. Aɗinu? Da ban bekkun daatte, da amunu trampet iwalak aakku doyen malami. Ao, da ban hettebnu ewak aakku doomi.

Jeremaia 4:19 ပူးပေါင်းရင်းမြစ်များ

Genesis 49:6

Ahilah nai mattiakppa da ii daapa. Ao, da ahilah qagmakppa ii gopa. Aɗinu? Aa oo nauhakppa danab aqaeh mauhppig. Ao, aa oo hak ahilah dim lamidya, makau okkai ebehi ele beɗulag hamu heeh nauhppig.

2 King 4:19

Nid nug ukka dayeye ukke, nug mameg amegppa aum. “Da ikkil e, da ikkil e, huanak guiɗttede,” awa aum. Nid anam a amu, mameg nug nuhig maɗi nid laa amegppa aum. “Nid nakok imu maon, anig toppa ukke!” awa aum.

2 King 8:11

Elisa nug nai amu awowa, nug ameg behabe, Hasael neekkitta daye ukke, Hasael nug uɗa ne, dabmak kuɗum awewe, aria Kayaknu danab Elisa nug digma gayom.

Sam 103:1

Da Yawe onig humakkul. Ao, da ool unuqag, meul oh ele, da amuppa Yawe onig oppiaawak ele humakkul.

Sam 116:7

Nug anam he, da dakka da amelppa, da dahilnu inam ami. “Yawe Nug nahip-ppa ena heum amunu, na baula maɗoɗ daye!” Da anam ami.

Sam 119:136

Danab ah ag nahip ɗo ii dim lamidtteb amunu, da gaai gaai, amel leb huana nette.

Sam 119:53

Nau hak danab ag nahip ɗo dim lamittaknu uutteb. Ag amu hetteb, kobol ahilag amuam he, da ool huana nauhtte.

Sam 146:1

Ag Yawe binag meig! Da Yawe binag mekkul!

Sam 16:2

Da Yawe amegppa inam ami. “Na aakkuib, na dahil Naɗi daattem. Keeke ena oh da eppelppa daatteb amu, na eppenppanu uɗiom.” Da anam amegppa ami.

Aisaia 15:5

Moap danab ah oolna gona, laih daaglagnu hena gona amu, ameg laa ag oolna gona, Soar batak tekkulag. Ameg laa ag oolna gona, Eklat Selisia batak tekkulag. ⌊Gadonnab,⌋ da Moap dilagnu oo doyak huan doottem. Aɗinu? Laala ag gona, Luhit tenana, ag qananna qananna gokkulag. Ele amu, laala ag Horonaim gokkulagnu gonana, ag ibppa gonana, ag eheɗ aoppignu qanaglag.

Aisaia 16:11

Anam amunu, da oolppa Moap wannu da uug eheɗ naunab doottem. Ao, da oolppanab da Kirheresnu anam doottem.

Aisaia 21:3

Yawe keeke amu ippuniɗaɗa, nuhig nai amu a doomi amunu, da beɗulppa guittak okkai doottem. Ao, da ah nid aoglagnu guittak dootteb bia guittak doottem. Da nai doomi am he, da nein qekkulnu hettem. Ao, keeke da anidmi am he, da dabmak huanaknab aottem.

Aisaia 21:4

Da keeke Yawe tulelegppa ippuniɗe anidmi am he, da dabmak iwe, amel qittinene, beɗul baɗeɗe ottaittem. Da aam paha paha noa tuebnab ma, uudoa, ⌊maɗoɗ daakkulnu⌋ ool huan hanhan dayom, amge iitta, da Yawe ippuniɗom am he, da amel iɗuak doottem.

Aisaia 22:4

⌊Uug amu dahilad danab ah dilagppa anam beum, amge laa naunab ele bekku⌋ amunu, da attem. “Da oo doyak okkai, mua ele doye gayeye daappi, amel leb mua ele na, amel mua qeebeb daakkul amunu, ag da aib neekkiɗppig! Dahilad danab ah ag nauhkkulag; ag ena iinab daaglag amunu, ag heppeg, da ool mekkunu aib ool aoppig!” Da anam awe attem.

Jeremaia 13:17

Amge ag nuhig nai dooglagnu uun, ii dim lamidkkulag dayeb amu, ahilag dada hak, diig amunu, da dakka piɗe dayeye gaakkul. Ge, ag Yawenu danab ah, ag nai dooglagnu uun, ii dim lamidkkulag dayeb amu, ahilag hak nau, diig amunu kekeɗ ag uɗin, eɗadna, aɗualadna diin goppeg, ag wan laappa diia ukka laih me dayak danab ah daaglag amunu, da eheɗ gaappi, da amel leb huanak nekku.

Jeremaia 20:9

Ag anam dahilppa hetteb. Amge Yawenu nai amu, da mehuqaknu ii uupa. Haen laala da attem. “Da Yawe, da baula danab ah Nug ii ippunadpa. Da nuhig nai baula ii mehuqpa,” awe attem. Amge da anam attem haenppa amu, nuhig nai da oolppa, o iitta da ebehil ooppa am aab aɗu bia bette. Da nuhig nai ii madipanu wagai mettem, amge elele iitta, da madikkulib.

Jeremaia 23:9

Propet dilagnu amu, da oolppa uug nau, kahipal aoɗom bia dooiyi, da ebehilad hahaɗtteb. Da danab spak meum bia daattem. Ao, da danab wain huanak lawowa, spak meum bia daattem. Aɗinu? Propet ag Yawenu, nuhig nai oppiaawak elenu hamu bia doon, Yawe noobppa mauhnoak oinna, nuhig nai tappaeg nette.

Jeremaia 4:21

Da neekkak dahilppa anam andette, da kekeɗ dilag pilak ele ge iitta anatten, ahilag trampetnu gayak ele anamib doottem; amu haen gane laa ele ukkeb, da amu baula ii anidkkul, baula ele ii dookkul?

Jeremaia 4:5

Yawe Nug da Jeremaia, Nug da amelppa inam ele aum. “Na nai imu Juda danab ah, Jerusalem danab ah ele amelagppa appe doyeg! ‘Trampet iwalak danab ag, ag trampet amu wan ohppa aben ohppa iwaleg!’ Na amu awona, na inam ele appe doyeg! ‘Ag Juda, ag qagmeppeg, ig oh aab ɠagattag aɗ ele anen anen amu, ig oolta, amuppa gotu!’

Jeremaia 42:14

ag, ‘Iitta. Ig Isip gota, appa daagnig. Appa ig ban hak laa ii anidmata. Appa ig ban uɗittenu trampetnu gayak ii doomta. Appa ig enug ii iqama,’ akkulag amu,

Jeremaia 49:2

Yawe Nug anam oɗ ma ana amu, Nug ele atte. “Gemu anam daatte, amge haen laa uɗitte. Haen amuppa da heppi, Amon dilag aab okkai Raba, appa ban ahakku. Ban aheb, aab amuam nauhakib dayebeb, aab naunau aab amu talilidna daatteb amu, aab eoglag. Ag Amon ag Israel lamadppig, amge haen amuppa Israel, ag ag lamadkkulag,” awa atte.

Jeremaia 50:22

Babilon wanppa ban hak oqotti okkai daakku. Ge, Babilon wanppa keeke huanaknab heeb, nauhaknu oqotti daakku.

Jeremaia 6:24

⌊O gadon, ig Juda⌋ ig daup amunu nai doot malamut, amu ig gai-iitta daattem. Ig eppenig am hamu daatte, danab eppeg laih laih oh mauhom, amubia. Ig doot, ig dabmakppa guittak okkainab doottem. Ao, ig ah nid aokkunu haaha, guittak okkainab dootte, amubia ig guittak okkainab oonigppa doottem.

Jeremaia 8:18

O Ehanittak dahil, da uug doottem. Da ool am gai-iitta meum daatte.

Jeremaia 8:21

Da ele tiinig laippu ag aakku guittak naɗi okkai aon malappig amunu, da oolppa ele guittak okkai naɗi doottem. Da mahiak okkai hettem. Da antten, ameg iɗuak doottem.

Jeremaia 9:1

O gadon, da tiinig laippu kekeɗ aqaeg mauhppig dilagnu amu, da ikkilppa le gottu dayeb, da amel leb ele le qeppuɗia bak dayeb, da amun, tuqan ele dahilad tiig laippu dilagnu gaappi, amel leb nekkunu ool daatte.

Jeremaia 9:10

Amu da, Jeremaia, da ami. “O gadon, Juda wanppa qauko nauhppig daatteb amunu, da gaye, mahiak ele hekkul. Ao, atu taɗakppa gikkiɗah dad ele anamib amunu, da nai oo doyak ele madikkul. Wan am hele-ettak daatte, danab ah appa ele ii oitteb. Appa makau daanna, gikkiɗah lanana ii gaatteb. Ai ag appanu oolna, hagagaɗna goppig. Doɗ laa ele ii daatteb. Ag oh oolna goppig. Amu diig amunu da kobol beum, da amunu gaye, mahiak ele hekkul,” awe ami.

Gayak Nai 1:16

Diig imunu ig Juda danab ah ig gaattem. Ao, diig imunu ig amenig leb am ig amenigppa ambaknab daatte. Diig amuam inam. Laa ig ehanikkeb, ig oonig mekkunu laa miag ii daatte; laa nug ehanikkeb, ig oonig eɗua, ɠagattag daakkunu laa iitta. Laa am, kekeɗ ag ig eɗigppig; amunu ig bekkankad, aɗenkad ele ag daɗeknab daatteb.

Gayak Nai 1:20

O Yawe, ig Juda, ig oonigppa uug nau doottem anidkkutnu oɗ medattem. Ig oonigppa guittak nau doottem, ig oonigppa maɗoɗ nakok laa ii daatte. Aɗinu ig anam daattem? Ig nahip nai tappaut na auta awom. Lag dimittim appa ig qep elabppa mauhttem, lag ooppa ig mauhak anidtata oittem.

Gayak Nai 2:11

Kekeɗ ag heeg, dahilad danab ah ag padal meeg, nid naunau, nid yuɗ ele ag aabnu ibppa niinna, mauhkkulagnu hetteb. Ao, am anam amunu, da huan gaaiyi, da amel nauhom daye, da oolppa eheɗ nau doottem. Da mahiak huanak hettem.

Daniel 4:19

King Nebukatnesar nug Daniel, onig laa Beltesasar, nug amegppa anam a, Daniel nug dabmak huan awe, nuhig dabmak he, nug eheɗ baɗe, king nug amu antta, Daniel amegppa aum. “Beltesasar, tul niiak dahil amunu, meu ele aib heeb baɗame,” awa aum. Nug anam a, Daniel nug eɗua, nob ma aum. “O dahil naɗi, tul niiak amuam nahip kekeɗ dilag ippuniglo am ena. Ge! Tul niiak amunu meu am laa ag na eheɗ heidkkulagnu hetteb dilag daalo am ena.

Daniel 7:15

Da, Daniel, da anam tuleglegppa keeke digdig anadmi, da amunu da oolppa uug nau doyen, da amunu dabmak huanaknab ele aomi.

Daniel 7:28

Da Daniel, da anam aakku antten doomi, amu da dabmak huanak aomi. Da iɗul am hakkab eppom, amge da laa amegppa amunu laa ii mattimi.

Daniel 8:27

Da, Daniel, da amu antten malen, da beɗul gai-iitta me, da deɗ nakok kuɗum oɗe mein daami. Da oɗe mein daai ukke, eɗue ahen, kingnu uɗat tuɗitten hemi. Da tulegleg anidmi amu, da amunu dabmak huananab aomi. Laa nug tulegleg amunu diignu doyak tutukku aɗakkunu elele iitta.

Amos 3:6

Haen aab okkai laappan aɗi uɗitte anittak danab nug kekeɗ uɗitteb antta, nug trampet iwale amu, aab okkai amuppanu danab ag hamu doon, ii baɗattebte? Iitta! Ag baɗatteb. Ao, aab okkai laa, ⌊amuppan danab ah ag hipunin heeg,⌋ uug nau aab okkai amuppa bette amu, uug amuam Yawe eppegppanu iite uɗitte? Ge, nuhigppan uɗitte.

Habakuk 3:16

⌊Uug ihinigppa bekku amu,⌋ da amunu daulppa doye, gamalppa uttu taub huan qutu qutu ettom. Ao, da oqotti amu doye, da eheɗ baɗen, da ottil hahaɗom. Da ebehil bodoettom. Da bael laih laih oh hahaɗpiɗ. Anam, amge na danab amu, nuhikkud daup ele eheɗ hadappe, ag nena qekkulag amunu, da deɗ amu ameg mekkul. Da tappaɗak heinne, ameg ii mepa. Iitta. Da na nahip haenppa heppe bekkunu ameg mekkul.

Namba 10:9

Haen kekeɗ ag uɗippeg, ag ele ag wanelagppa ban hekkulagnu heppeg amu, ag kekeɗ amu ele ban hekkulagnu henana, ag trampet amu huana iwalppeg, da Yawe, ahilag Kayak, da amu doyen, da ag kekeɗ eppelagppanu eɗuen diikkul.

Rom 10:1

O lailad, Kayak Nug danab dahilad, Israel, ag eɗua diikkunu ool unuqag ele doyeye, da amunu Kayak unuqidttem.

1 Korint 14:8

Amu trampet baag ena ii gayeb am, aun nug aha ban hekkunu bappaidkku?

Galesia 4:19

O nid dahilad, da ag Kristen bekkulagnu guittak naɗi, ah nid menukkunu guittak dootte, amubia doomi, amu gemu da ag Kristus daatte bia bekkulagnu guittak amubia baula doottem.

Ikki Danab 5:21

Kison le nug kekeɗ ⌊ag mattadna wakkulagnu heegeg,⌋ diia ukkom. Ao, Kison le, le amu nug appa haen elabnab daatte, le amu ag diia ukkom. Ge, ⌊Yawe Nug he, keeke amu oh ehanigppig amunu,⌋ da aib bahil yom. Iitta! Da ɠagattag doyen, ahe, ban hei!