Jeremaia 4:17 - Nobonob Baibel

¹⁷ Juda danab ah ag da dimeɗan, dahil nai tappaeg neum amunu, danab ag dad okkai laappa eheɗ laa bemanu wan maha amu talilidna daatteb, amubia daup amu ag Jerusalem talilidna daaglag,’ aon aig!

Jeremaia 4:17 ပူးပေါင်းရင်းမြစ်များ

Nehemaia 9:26

Na ahilagnu enanag anam heme, amge ag na oɗen ii dim lamidna, nahip nai tappaeg ne, ag nahip ɗo ag dimulagppa meppig. Ag nahipad propet danab, danab amu ag ag eɗun, na waatppa daaglagnu ag amelagppa madippig amu, ag ag aqaeg mauhppig. Ag dabittak nai nau ele madippig.

Nehemaia 9:30

Ig mamenkad aɗi ag anam heegeg, maɗ kuɗum na oot bodoette, bu ii mattame. Ag oolag eɗueb, na dim lamidkkulagnu haen mattame. Nahip Ouɗi Nug propet danab ehanatte, na propet danab amu oɗelagppa danab amu daulag batame. Na anam heme, amge ag dab-ii-medappig amunu, na hee, ag kekeɗ ag taliliadna daappig ele eppelagppa daappig.

Aisaia 1:8

Kekeɗ ag heeg, Sion nukkaib daatte. Nug grep dadppan peh ⌊uɗat malak haenppa⌋ nukka, hamu daatte amu, nug amubia daatte. Ao, nug dadppan peh ⌊uɗat malak haenppa⌋ nukka, hamu daatte amu, nug anam bia daatte. Nug kekeɗ ag aab okkai laa talilidna, oo mettaeg, aab amu nukka, piɗe daatte, amubia Jerusalem nukka ⌊laa nug ehanidkkunu iitta⌋ aakku daatte.

Aisaia 30:9

Nai amuam hanhan danab ah inam ippunadkku; Juda danab ah imu ag am nai tappe nak danab ah. Ag nid naunau dahilad, amge ag hambuppun oinna, ag hambuppuak danab ah daatteb. Ao, nid naunau ag mamelkad anilkad dilag nai dooglagnu uutteb, amubia danab ah imu ag da, Yawe, ag dahil nai uutteb.

Jeremaia 5:23

Yu nug anam dahil ɗo dim lamidtte, amge ag Juda danab ah, ag da oɗel dim lamidmananu dabmak ahilag ɠagattag eppe, ag da dimeɗan, dahil nai tappaeg nette. Ag oh ag dahil ibppa gomananu, ag ib laa aon, piɗe wappig.

Jeremaia 52:4

Nug Babilon dilag king Nebukatnesarnu nai tappe neum amunu, Nebukatnesar nug nuhikkud daup oh ele ag ahan uɗin, Jerusalem danab ah ele ban heppig. Nebukatnesar, nuhikkud daup ele ag Sedekaia king dayaya, nuhig king dayaknu maɗ eblaih waɗeleppa kalam eblaih laih elenu deɗ eblaih laih eleppa uɗin, Jerusalem guguittak daappig. Ag appa haen tutu dayaknu aab kalan daan, ag Juda danab Jerusalem daappig ele ban hekkulagnu aab okkai amu talilittak bannu keeke bappaidppig.

Gayak Nai 1:18

Yawe ⌊bu mekkomnu, ig⌋ Nug genab tutukku hak kobolib dim lamidtte ⌊dootu⌋! Amunu diig am ig Juda danab ah, ig nuhig nai tappaut neum. Ag wanppan wan ohppan danab, ag doyeg! Ag neegna ihinig guittak antteg! Ihinkad nid danab bau, ihinkad ah makkun ele, kekeɗ ag wan laappan diia ukka laih me dayak danab ah daaglagnu diiatteg gona, appa daan oitteb.

Gayak Nai 1:8

Juda danab ah ag hipunin huanak heppig amunu, ag Yawenu neekkakppa ag oolagppa dubuttid teum daatteb. Anukka laa ag Juda danab ah dilagnu, “Ag binalag ele,” anan oippig, amge Juda danab ah eheɗ heeg, laa ag ah gappai he, nuhig lamen uɗitteg, beɗu miag dayeye, ah amunu mudippan laippu ag nuhignu ena iinab dootteb, amubia ag Juda danab ah eheɗ heppig anidna, gemu ag diig amunu Juda danab ah dilagnu ena iinab dootteb. Juda danab ah ag akka akka eheɗ heppignu uɗa nak nau guittak ele doon, aiqagatteb.

Duteronomi 9:24

Ag hanhan Yawe oɗe tappaeg nette anidttem. Ag kobol amu ii uutteb, hakib hetteb. Haen oh da ag doyadttem ele amu, ag anamib aakku hetteb.