Jeremaia 39:7 - Nobonob Baibel

⁷ Amu heeg, Nebukatnesar nug a, ag Sedekaia ameg laih laih oh ahuɗeg nauhe, ag nug qakkaknu keeke brasppa hak, ag amuppa nug qakkona, ag aon, Babilon wanppa gokkulagnu qagappig.

Jeremaia 39:7 ပူးပေါင်းရင်းမြစ်များ

2 King 25:7

Ripla appa, Babilon dilag king nug a, Sedekaia amegppa anattette, ag bekkod oh aqaeg mauhppig. Anam heeg, Nebukatnesar nug a, ag Sedekaia ameg laih laih oh ahuɗeg nauhe, ag nug qakkaknu keeke brasppa hak, ag amuppa nug qakkona, ag nug aon, Babilon wanppa goppig.

Sam 119:8

Da nahip ɗo dim lamidkkul. ⌊Da dahil dabmak dim lamidkkul dayeb amu, da padal mekkul⌋ amunu, gadon na da iinab uuiɗmananu oɗ medattem.

Jeremaia 20:4

Aɗinu na onin anam daakku? Yawe Nug amunu inam atte. ‘Da heppi, na eheɗ nau baɗanna oippe, na laipad ele ag eheɗ nau baɗan oiglag. Na amenppanab na laipad ag kekeɗ dilag qep elabppa mauhppeppeg anidkkut. Da Juda danab ah oh Babilon dilag king eppegppa maadppi, nug ag diia, Babilon gokku, o iitta nug qep elabppa aqeb mauhkkulag.

Jeremaia 34:3

Na genabnab genab king amu eppegppa daakkut. Na uug amu ii eɗidmana. Iitta. Babilon dilag kingnu daup ag na aɗaidna, aidna gona, nug eppegppa meidkkulag. Na Babilon dilag king amenppanab anidna, nug noobppa daappe, nug aɗi aɗi oɗ medakku amu, na nai amunu nob nug medakkut. Amu na Babilon gokkut,” ’ ” awe attem.

Jeremaia 44:30

At am inam. Da heppi, Isip dilag Paro, Hopra, nug kekeɗ ag nug qeppeg mauhkkunu oolag hette, nug ag eppelagppa daakku. Babilon dilag king Nebukatnesar, nug Juda dilag king Sedekaia qeeb mauhkkunu oo he, da hei, Sedekaia nug Nebukatnesar eppegppa dayom, amubia Paro, nug kekeɗ nug qeppeg mauhkkunu oolag hette, nug ag eppelagppa daakku.” Yawe Nug anam awa atte.

Jeremaia 52:11

Anam heeg, Nebukatnesar nug a, ag Sedekaia ameg laih laih oh ahuɗeg nauhe, ag nug qakkaknu keeke brasppa hak, ag amuppa nug qakkona, ag nug aon, Babilon wanppa goppig. Appa amu, Babilon dilag king he, ag maniguittakppa inaeg, maniguittakppaib daye ukke, mauhom.

Esekiel 12:13

Nug oolkkunu anam hekku, amge da uhui dahil meppi, nug amuppa tekku. Nug teeb, da Yawe, da heppi, kekeɗ ag omalna, Babilon wanppa, Kaldia danab daatteb, appa gokkulag. Ag omalna gona tekkulag, amge nug wan amu ii anidma. Nug appa mauhkku.

Ikki Danab 16:21

Samson anam daye, Pilistia ag nug aɗan, nug ameg doɗo kehatppig. Ag ameg doɗo kehatna, ag nug aon, Gasa gona, bras senppa qakkan, maniguittakppa mena heeg, nug ee aeg ganuɗaknu men okkai itoɗiaya dayom.