Jeremaia 39:5 - Nobonob Baibel

⁵ Ag anam oolppig, amge Babilon dilag daup ag dim lamadna gona, Sedekaia nug uɗem okkai Jeriko guguittak appa ugekke, ag nug qe-eɗidna aɗappig. Ag aɗan, Babilon dilag king nug Hamat wanppa aab onig Ripla appa dayom amunu, daup ag Sedekaia aon gona, appa Nebukatnesar eppegppa meeg, nug ag nuhignu aɗi aɗi hekkulagnu aum.

Jeremaia 39:5 ပူးပေါင်းရင်းမြစ်များ

2 Samuel 8:9

Amu Hamat dilag king Toi nug Dawit, Hadateser, nuhikkud daup oh ele eɗattom doyom.

2 King 17:24

Israel ag anam gona daaegeg amu, Asiria dilag king nug danab ah Babilonnu, Kutanu, Awanu, Hamatnu, am Separwaimnu ele diia ukka, Israelnu aab anen anenppa maatte, Israel oulag daaglagnu daappig. Danab ah amu ag Israel wan ahilag daakkunu aon, ag Israelnu aab anen anenppa aakku daappig.

2 King 23:33

King Neko, Isip dilag king, nug Jehoahas, Juda dilag king, nug Jerusalem appa king daamanu, nug Hamat wanppa, Ripla aabppa maniguittakppa meum. King Neko nug anam ha, nug he, Juda ag nug takis medappig; men doɗo medappig, nuhig melemel amu 3,400 kilogram silwa, am 34 kilogram gol.

2 King 25:6

amunu Babilon ag Sedekaia aɗappig. Ag nug aɗan, Babilon dilag king nug ⌊Hamat wanppa⌋ aab onig Ripla appa dayom amunu, daup ag Sedekaia aon gona, appa Nebukatnesar eppegppa meeg, nug ag nuhignu aɗi aɗi hekkulagnu aum.

2 Stori 33:11

Ag amu heegeg, Yawe he, Asiria kingnu daup dilag okkai ag ahilkad daup ele uɗin, Juda eɗadna, ag Manase aɗan, ag huk nug noobppa mena, ag qakkaknu keeke brasppa hak nug eppegppa, baegppa ele qakkan, ag nug aon, Babilon goppig.

Aisaia 22:3

Ahilkad okkai oh ag laippu oolppig. Ao, ag umanab oolna goppig. Jerusalem danab ah, ahilkad oola ukkak danab ag ooleg, kekeɗ ag oh laippu aɗalatteg, ag ag eppelagppa daappig. Ao, kekeɗ ag lat doɗo laippu ii ena, ag aɗualadna, diin goppig.

Jeremaia 21:7

Yawe Nug anam atte, amge Nug Sedekaianu imu ele atte. ‘Da amu hewoya, da Juda dilag king Sedekaia, nuhikkud ehanittak anuqak danab, amu Juda danab ah ele aab okkai ooppa daan, oɗe nau danab kuɗum aqe mauhttebppa, qep elabppa, enugppa ele ii mauhkkulag amu, da amu oh diie, Babilon dilag king Nebukatnesar, nuhikkud daup ag aqappeg mauhkkulagnu hetteb ele amu, da amu eppelagppa maadkkul. Da amu heppi, Babilon dilag king nug ahilagnu oo gai-iitta doya oo matta ehanittak kobol nakok laa iinab ii hema. Iitta. Nug qep elabppa kuɗum aqadkku,’ awa atte.

Jeremaia 24:8

Ag gemu Babilon diia ukka laih me dayak danab ah daatteb, ahilagnu am da anam hekkul, amge Sedekaia, nug Juda dilag king gemu daatte, nuhikkud ehanittak anuqak danab, amu Jerusalem danab ah laa ag ii mauhppig ele, da amu dilagnu ad fig meu naunab, ag amubia daatteb doottem. Ad fig meu amuam naunab, danab lakkunu elele iitta, amu da danab ad fig meu nau amubia attem attem hette, da anamib ahilagppa hekkul. Ag wan imuppa daaglagtai, o iitta ag oolna Isip wanppa gona appa daaglagtai, da anamib aakku hekkul.

Jeremaia 38:18

Amge na nakka, na beɗun Babilon dilag kingnu daup ikki eppelagppa ii mekkut dayeb, da heppi, Babilon dilag daup ag aab okkai imu eɗidna aon, ag eppelagppa dayebeb, ag maippeg eweb, na ele ag eppelagppa daakkut,” awa atte.

Jeremaia 38:23

Na nakka, na beɗun Babilon eppelagppa ii mekkut dayeb amu, nahipad ah oh, nahipad nid oh ele ag Babilon eppelagppa daaglag. Na ele, na ag eppelagppa daamnanu ib laa anidna, oolna laih ii gomana. Iitta. Babilon dilag king nug na aɗaitteb, na nug eppegppa daappe, Babilon dilag daup ag aab okkai imu manappeg eokku.” Jeremaia nug Sedekaia amegppa anam aum.

Jeremaia 4:12

Iitta! Ulah amuam ulah ɠagattagnab, danab ah aqadtte. Ulah amuppa da ag Juda danab ah bu madakkul.

Jeremaia 44:30

At am inam. Da heppi, Isip dilag Paro, Hopra, nug kekeɗ ag nug qeppeg mauhkkunu oolag hette, nug ag eppelagppa daakku. Babilon dilag king Nebukatnesar, nug Juda dilag king Sedekaia qeeb mauhkkunu oo he, da hei, Sedekaia nug Nebukatnesar eppegppa dayom, amubia Paro, nug kekeɗ nug qeppeg mauhkkunu oolag hette, nug ag eppelagppa daakku.” Yawe Nug anam awa atte.

Jeremaia 49:23

Damaskus danab ah dilagnu amu, Yawe Nug inam atte. “Danab ah Hamat, Arpat ele daatteb, ag oo uug nau qak dooglag. Aɗinu? Ag nai uug ele aakku dooglag. Ag nai amu doon, ag dabmak kuɗum aon, gai-iitta daaglag. Ag oolag maɗoɗ ele ii daama. Iitta. Ag oolag am yu nug hanhan noa gotte, eɗua bette, ag oolagppa anambia dooglag.

Gayak Nai 1:3

Juda danab ah ag Babilon wanppa diia ukka laih me dayak danab ah daatteb. Ao, appa ag guittak aonna, ag uɗat ɠagattag henana oitteb. Juda danab ah ag wanppan wan laalappa gona daan, ag toetta, maɗoɗ ele dayak laa ii anidtteb. Ge, Juda danab ah ag uug nau ahilagppa be anidna oolegeg, laa ag aɗualadkkulagnu lamadppig amu, ag aɗualadppig.

Gayak Nai 4:20

Amu danab laa, Yawe nug ihinig king daakkunu goɗen gokkaɗakppa tituane, ig ehanikka auta autanab awom amu; kekeɗ ag ahilag pelem meeg, nug amuppa teum. Ig nuhignu, “Ig nug waappa daat; wanppan wan laa oh oolagppa ena daagnig,” dabmemut, ⌊amge iitta⌋.

Esekiel 23:24

Ag daup huanak ele na ele ban hekkulagnu yawalti uɗitteppanu uɗiglag. Ag bannu karisppa, uɗatnu karisppa ele uɗiglag. Ag uɗin, ag talilidna daanna, ag guppiɗ okkai, guppiɗ nakok ele aɗan, ag ikkilagppa aen hat mekkulag. Na bu nau aokkutnu amu, da heppi, na ag eppelagppa daappe, ahilag ɗoppa na bu nittaglag.

Habakuk 1:7

Danab ah laa oh ag Babilon dilag eheɗ baɗatteb. Babilon ag laa dilag ɗonu ii dabmetteb. Iitta. Aɗi ɗo ag meppig amu, ag amuib dabmetteb. Ag akka, ag binalag okkai ele daaglagnu henan oitteb.

Namba 13:21

Moses nug anam ha aum amunu, ag aakku gona, wan laih Sin atu taɗakppanu, laih Rehop aab okkaippanu ukkak, appa anidnan goppig. Rehop nug am aab okkai Lebo Hamat guguittak dayom.

Josua 13:5

Wan, Kanan danab eppelagppa daatte maha laa amu, amuam wan laa Gebal danab, ag aguppa daatteb. Amu maha laa amu Lebanon wan ooppa, laih kaɗag uɗitteppanu, atu amu oh. Wan amuam Balgat, appa digma ukka, Lebo Hamat batak waum daatte. Balgat am qauko Hermon guguittak, yau uɗitteppanu daatte.

Josua 4:13

Ebqak 40,000 anam, ag Israel dilag huu okkai Rubennu, Gadnu, aria Manase mahaib ele, ag bannu bapaidna goppig. Ag ban hekkulagnu Yawe noobppa Jodan le mataɗna, uɗem aab okkai Jeriko guguittak dayom, amuppa teppig.

Josua 5:10

Israel ag Gilgal appa Jerikonu uɗem okkaippa haen tutu dayaknu aab kalan daappigppa daanna, kalam amuppa, deɗ 14ppa amu, deɗ amu tueb ag Pasowanu Hobul gamag ahak ele heppig.

Ikki Danab 3:3

Amu Kanan wanppa danab huu anen anen, ahilag wan obatak laala eleppa daaegeg, Yawe uuatte daappig ele am iikku: Pilistia aab okkai tanig ele, ahilkad gumattak danab ele, amu Kanan danab, Saidon danab, Hiwi danab ele ag Lebanon wanppanu qaukoppa daappig. Ag wan amuppa qauko onig Balhermon ukka, Lebo Hamat batakppa daappig.