Jeremaia 39:18 - Nobonob Baibel

¹⁸ Aɗinu? Na dahilnu ootppa genab doottem amunu, da ehanidppi, na qep elabppa ii mauhmana. Nahip keeke am padal mekku amge na ii mauhmana.” Yawe Nug anam awa atte.’ ” Yawe Nug Jeremaia amegppa anam aum.

Jeremaia 39:18 ပူးပေါင်းရင်းမြစ်များ

1 Stori 5:20

Ag ban henana, ag Kayak unuqidppig amunu, Nug ehanatte, ag Hagri danab, ahilag ehanattak ele eɗadppig. Ruben danab, Gad danab, amu Israel dilag huu okkai Manase huu mahaib amunu danab, danab amu ag Kayaknu oolagppa genab dooppig amunu, ag Nug unuqitteg, Nug ag ehanattom.

Job 5:20

Enug haenppa Kayak Nug uug amunu qagaiettakppanu eɗua uhuqeb, na ii mauhmana. Ao, ban haenppa Nug heeb, laa qep elabppa ii duut oma.

Sam 147:11

Yawe Nug hosnu ɠagattag, o danabnu ɠagattag, Nug amunu gamag ahak ii dootte. Iitta. Nug laa ag nuhignu ebehilag oh bodoetta le mette ele, Nug amu dilagnu enanagnab dootte. Ao, laa ag Nug ahilagnu oo mauhaknab dootteb, ag nuhig kobol dabmenan daanna, ag amuppa ehanittak aon, gogppa tekkulagnu ameg metteb ele amu, Nug amu dilagnu enanagnab dootte.

Sam 2:12

Yawe Nug ahilagnu oo nauheb, ag nauhmananu amu, ag Yawe bekka waappa daan, Nug oɗe dim lamitteg! Aɗinu? Yawe, nuhig oppoɗi bak kobol nau haknu am paha ahatte. Amge danab ah ag Nug waappa padal mak eɗitteb ena dayaknu ehanittak aon daatteb amu, ag itittak ena aoppig daatteb.

Sam 33:18

Anam aakku daatte, amge Yawe Nug danab ag nuhignu ebehilag oh bodoetta le mette ele, Nug ag ehanadtte. Yo, Nug laa ag nuhig oo mauhaknab kobolnu dabmenan oitteb ele amu, ag ehanadtte.

Sam 34:22

Yawe Nug laa ag Nug waappa daanna nuhig maɗi nid daatteb amu, Nug ag qagaiettakppanu eɗua uhuqak dayaknu hette. Nug laa ag nuhignu, Nug am ahilag padal mak eɗitteb ena dayaknu ehanittak daatte doon, nuhigppa uɗitteb ele amu, Nug ag bu ii mattama.

Sam 37:3

Na Yawenu ootppa genab doonna, ena hee! Na wanppa daanna amu, na oo metta ii uuak kobol atognonana hee!

Sam 84:12

O Yawe Nakka Ɠagattag Oh Ele, laa ag nahipnu oolagppa genab dootteb ele, ag am itittak ena aoppig daatteb.

Sam 91:7

Oɗe amu digmekku dayeb, danab ah 1,000 ag na guguittak daatteb, am aqeb mauhlobtai, amge na oɗe ii aomna. Ge, 10,000 ag na eppen naɗiap-ppan, na guguittak daatteb mauhlobtai, amge na oɗe ii aomna.

Aisaia 26:3

O Yawe, danab ah ag nahipnu dabmenan oin, dabmak amu ɠagattag aɗan oitteb ele amu, na hee, maɗoɗ enanagnab ag oolagppa daatte. Aɗinu? Ag nahipnu oolagppa genab dootteb.

Jeremaia 21:9

Aun aɗi ag aab okkai ooppaib daaglagnu dabmenana, ag aab ooppa daanna, ag qep elabppa, enugppa, amu oɗe nau danab kuɗum aqe mauhtteb, amuppa ele mauhkkulag. Amge aun aɗi ag ahan, aab dimittim gona, akka akka ag Babilon dilag daup ag aab oo mattan, aqaglagnu maadna daatteb ele, ag akka ag beɗulag ag eppelagppa maadkkulag amu, ahilkad keeke padal mekku, amge ag ii mauhmana. Ag bau daaglag.

Jeremaia 38:2

Ag Jeremaia nai mattieye, Juda danab ah doyegeg dooppig am inam. “Yawe Nug inam atte. ‘Aun nug aab okkai imu ooppa tuɗitta daakku, nug qep elabppa mauhkku, o iitta nug enugppa mauhkku, oo iitta nug oɗe nau danab kuɗum aqe mauhtteb ele awa mauhkku. Anam mauhkkulag, amge aun nug aab uua ukka, nug nukka nug beɗu Babilon eppelagppa mekku amu, nug bau daakku. Nug mauhak ib qe-eɗidkku. Nug bau daakku,’ awa atte.

Rom 2:12

Danab oh ag ɗo ii dootteb ele amu, ag oolagppanu laa oh ag hipunin hetteb ele, ag am geha ag ɗo ii doonna, padal mekkulag. Am danab oh ag ɗo waappa daatteb ele, ag oolagppanu laa oh ag hipunin hetteb ele amu, geha Kayak Nug ag ɗoppa epeɗiatteb, padal mekkulag.

Epesus 1:12

Nug ig Kristusnu anuqta, nuhignu oonigppa genab doot Nug dim lamidttem amu, ig Kayak onig okkai humagnignu, ig binag amahlak oppiaawak ele nug mettagnignu tituanikkom.

1 Pita 1:21

Nuhigppa ag Kayaknu oolagppa genab dootteb. Nug mauhe, Kayak Nug he, Nug eɗua hibaitte, Kayak Nug binag amahlak oppiaawak ele Nug mettom amunu, ahilag ooppa genab doyak, keeke ena bekkunu dabmak aɗa oiyak ahilag ele amu, Kayak Nugib keeke aɗit amu diilah daatte.