Jeremaia 39:16 - Nobonob Baibel

¹⁶ “Na ahan gona, Kus danab Ebetmelek amegppa inam appe doyaɗ! ‘Yawe Nukka Ɠagattag Oh Ele, Nug Israel dilag Kayak, Nug inam atte. “Da matu aab okkai imuam nauhakib daakkunu, ena ii daamanu ami. Da anam ami, amu haen elab iitta, da heppi, nai amu meu okku. Haen amuppa na amenppanab nai amu meu oobob anidkkut,” awa atte.

Jeremaia 39:16 ပူးပေါင်းရင်းမြစ်များ

2 Stori 36:21

Yawe Nug anukka Juda danab ah ag wan ahilkad atognonana, ag maɗ eblaih aɗit eleppa hanhan keeke ii eppamnanu aum. Ag amu heppeg, wan eɗua, ittag ele daakkunu dabmaama, anam aum. Nug anam aum, amge Juda danab ah ag uueg, kekeɗ uɗin heeg, Juda wanppa danab ah qainqainib daaeg, wan am hele-ettak daye ukke, maɗ 70 iitta meum batak, wan am, maɗ ebqak eblaih aɗit ele, maɗ amuam wannu sabat maɗ, nug maɗ amu nuhig elele awom. Yawe Nug Jeremaia oɗeppa anam bekkunu aum amu, Nug aakku he beum.

Sam 92:11

O Yawe, na da ehaniɗe, dahil kekeɗ ag nena qeeg, amelppa anidmi. Ao, Yawe, na ehaniɗe, dahil kekeɗ, ag nau hak danab amu, ag oolnana, eegeg doomi.

Jeremaia 26:15

Amge ag imu tutukku doon oiyeg! Da keeke laa ag hak amunu iuppeg mauhkkulnu laa ii hemi amunu, ag da iuppeg ii mauhkkuloitte. Ag da iuppeg mauhkkul amu, ag aakku eheɗ heppeg, ag beɗulagppa aab daakku amunu, Yawe Nug ag, aab okkai imu, amu danab ah aab imuppa daatteb ele bu madakku. Amuam genabnab daattenu diig am, Yawe, laa iitta, Nugib keeke imu oh appi dooglagnu meiɗe uɗimi.” Jeremaia nug nai amu ag amelagppa mattiom.

Jeremaia 26:18

“Hesekaia nug ig Juda, ihinig king dayeye, propet onig Maika, Moreset ted, nug dimppa aɗi bekkunu nai mattia, nug Juda danab ah amelagppa inam aum. ‘Yawe Nukka Ɠagattag Oh Ele, Nug inam atte. “Kekeɗ ag heppeg, Sion am datta wan buuak bia daakku. Ao, kekeɗ ag heppeg, Jerusalem am kinipan ameg okkai hume tak daakku. Anam amu, dahil mettid lag, nuhig tomppan keeke oh ele qauko nakokppa daatte amu, aben amu oh am ad naunau qataiettak bena, wan tonan daaglag.” Yawe Nug anam atte,’ awa aum.

Jeremaia 26:20

Amu Semaia bekka Uraia, nug Kiriat Jearim ted, nug ele Yawe oɗeppanu nai awa, dimppa aɗi bekkunu nai mattiom amu, nug Jeremaia uug okkainab Jerusalem, amu Juda wan ohppa ele bekkunu aum bia, nug ele anamib aum.

Jeremaia 34:22

Da appi, Babilon dilag king, nuhikkud daup ele ag eɗun, aab okkai imuppa daanna, ban hekkulag. Ag aab imu eɗidna aon, ag manappeg eokku. Amu da heppi, Babilon dilag daup ag Judanu aab heppeg nauhattakib daappeg, danab ah laala ag amuppa daaglagnu elele iitta daaglag.” Yawe Nug anam awa atte.

Jeremaia 35:17

Ag amu hetteb amunu, da, Yawe, da am Kayak Dakka Ɠagattag Oh Ele, da Israel dilag Kayak, da attem. “Doyeg! Da heppi, uug naunab oh, amu da Jerusalem danab ah oh dilagppa, amu Juda danab ah laa oh ele dilagppa bekkunu ami amu, uug amu oh am bekkulag. Da ag amelagppa nai mattimi, amge ag daulag ii human dooppig. Da ag onilagppa emi, amge ag nai nob laa ii meɗappig.” Da Kayak, da anam awe attem.

Jeremaia 36:31

Da nug, nug bekkod amu nuhikkud ehanittak danab laa, ag nau heppig amunu, nau hak amunu da ag bu madakkul. Da Jehoiakim aɗi dilagppa, danab ah Jerusalem daatteb, amu Juda danab ah ele, da uug naunab digdig ahilagppa hekkulnu ami amu, uug amu oh, da heppi, ag aakku bekkulag. Ag dahil nai dooglagnu uun ii dooppig amunu, da anam aakku hekkul.’ ” Yawe Nug anam aum.

Jeremaia 40:3

Nug anam aum amu, gemu Yawe Nug anamib bekkunu he, aakku beum. Nug aɗi bekkunu aum, amuibnab gemu aakku beum daatte. Uug amu oh beumnu diig am, ag Juda danab ah, ag Yawe, nuhigppa hipunin heppig. Ag Nug oɗe ii dim lamidppig.

Jeremaia 44:27

Yawe Nug ahilagnu inam atte. “Aɗinu anam bekku? Da heppi, uug ahilagppa bekku. Da heppi, ena ahilagppa ii bema. Juda danab ah Isip daatteb ag qep elabppa, enugppa ele mauhadppeppeg ukkeb, iitta mekkulag

Jeremaia 5:14

Ag anamnab aakku atteb amunu, Yawe Kayak Nukka Ɠagattag Oh Ele Nug inam atte. “Danab ah ag anam aakku atteb amunu, Jeremaia, da heppi, dahil nai na oɗenppa daatte amu, nai amuam aab aɗu bia daakku. Da heppi, danab ah ag dahilnu anam atteb ele, ag am ad aab bau bia daappeg, aab aɗu aab bau amu ewebeb, iitta mekku,” awa atte.

Daniel 9:12

Na Moses oɗeppa ig, ihinkad danab okkai ele ig hipunin hekkunig dayeb, ig bu okkainab aognig ame amu, na he, nai amu meu o, ig nauhta autta aomut. Uug naunab Jerusalem beum amu, deɗ laa wan atu ohppa uug amubia aab o wan laappa ii beum. Iitta. Jerusalem bu okkainab awom.

Amos 9:4

Israel danab dilag kekeɗ ag eɗadna lamadppeg, ag diia ukka laih me dayak danab ah wan laappa gona daaglagtai, amge appa da haknunab appi, kekeɗ ag qep elabppa aqappeg mauhkkulag. Da ag neekkatten dayeye, da ag eheɗ hadakkul. Da ena ii hadapa.” Yawe Nug anam awa atte.

Sekaraia 1:6

amge da dahilad maɗi nid, ag propet amu, da ag oɗelagppa aɗi nai mattimi, aɗi ɗo memi, aɗi haknunab nai ami amu, keeke amu oh am genabib ag mamelkad aɗi, amu ahilagppa iite beum? Da ami bianab anam anam aakku beum. Anam beum amunu, haen amuppan danab ag oolag eɗue, ag appig. Ig hipunin heut, Yawe Nukka Ɠagattag Oh Ele bu elele iikku ig mekkom daatte. Nug ihinig haknu bu elele ig mekkom. Nug hekkunu dabmak awe ɠagattag eppom bianab aakku heum, aon appig.” Yawe Nug Sekaraia nuhig nai anam ⌊engel oɗeppa⌋ mettom.

Matyu 24:35

Hab wan ele am iitta mekkulah, amge nai dahil am iitta iinab mema.