Jeremaia 39:11 - Nobonob Baibel

¹¹ Amge amu oh ii nak haenppa, Babilon dilag king Nebukatnesar nug Nebusaradan, nug daup Nebukatnesar gumappig dilag okkai amu, nug nug amegppa Jeremaianu haknunab anak imu ab, daup ag dooglagnu nug amegppa aum.

Jeremaia 39:11 ပူးပေါင်းရင်းမြစ်များ

Job 5:15

Kayak Nug daɗek ehanatte, laa naippa eheɗ hattaglagnu hetteb ele eppelagppa ii daatteb. Ge, Nug he, daɗek ag danab ɠagattag eppelagppa ii daatteb.

Job 5:16

Kayak anam hette amunu, daɗek ag ena bekkulagnu dabmak aɗan oiglagnu elele. Kayak anam hette amunu, nai doya mala, hettoɗia, epeɗia, elele ii mettak kobol iitta mette.

Job 5:19

Kayak Nug baubau ehanitteb, na qagaiettakppa ii daamna. Ge, haen kuɗum uug nahip-ppa bekkunu daakku, amge nahip-ppa ii bema.

Jeremaia 1:8

Da na ele daaɗa ehanidppi, na padal ii memana amunu, na danab ah dilagnu aib baɗame,” awa aum.

Jeremaia 15:11

Da anam ami, amge Yawe Nug da amelppa aum. “Genab, na ena hekkutnu da ehanidppi, na ena hekkut. Genab, uug nau laa, o uug naunab laa bekkunu haenppa, haen amuppa da heppi, nahipad kekeɗ amu ag na ehanadkkutnu, oo doyakppa unuqidkkulag,” awa aum.

Jeremaia 15:20

Geha da aab okkainu aɗ ɠagattag, amubia da na meidkkul. Ao, da aɗ ɠagattag, brasppa hak bia meidkkul. Da na anam aakku meidppi, Israel danab ah ag nahip-ppa ban hekkulag, amge ag na ii eɗidmana. Aɗinu? Da na ele daaɗa, ehanitten heppi, laa heeb nauhmananu aakku daattem.

Jeremaia 15:21

Da na nau hak danab ah eppelagppanu eɗue awidkkul. Yo, da na danab ah ag laa guittak mettaglagnu uug ii dootteb, da na ag eppelagppa dayaknu qagaiettakppanu eɗua uhuqak amu hein medakkul,” awa aum.

Jeremaia 37:2

Amge nug, nuhikkud ehanittak anuqak danab, amu Juda danab ah ele ag Yawenu nai Nug propet Jeremaia oɗeppa mattiom amu, ag daulag human, nai amu ii dabmedappig.

Jeremaia 40:1

Nebusaradan, nug daup Nebukatnesar gumappig dilag okkai amu, nug Rama dayaya, nug Jeremaia Jerusalem appa Jerusalem danab ah, amu Juda danab ah laa ele nug ag Babilon diia ukka maatteb, ag appa diia ukka laih me dayak danab ah daaglagnu daappig oolagppa maniguittakppa, senppa qakkak dayomnu uhuqak daakkunu a, dimppa Yawe Nug Jeremaia nai laa mette doyom.

Jeremaia 40:4

Gemu da hei, sen eppenppa qakkak ele am uhuqakib daatte. Na uɗippe, da ele oh Babilon gokkunihnu oot hette dayeb amu, oh goɗa, appa da na atognoidkkul. Amge na anam oiyaknu oot ii daatte dayeb amu, na ii gomana. Nahip-ppa daatte. Antte! Wan imu oh daatte. Na adeppa gokkut am na ukkakib gokkut.” Nebusaradan nug anam awa, Jeremaia amegppa aum.

Jeremaia 52:12

Babilon dilag king Nebukatnesar nug king dayaya, nuhig king dayaknu maɗ 18ppa, kalam ebqak tanig ele, kalam amunu deɗ eblaih laihppa Nebusaradan, nug daup Nebukatnesar gumappig dilag okkai amu, nug Babilon dilag king ehanittak anuqak laa aakku, nug Jerusalem beum.

Aposel 24:23

Nug anam awowa, nug ban daup 100 dilag ikki nug Pol aon maniguittakppa mekkunu aum, amge maniguittak ɠagattagnab iitta, amu ban daup 100 dilag ikki nug ele Pol laikkud uuatteb, ag nug ehanidna, keeke aon gona mettaglagnu amu aib ii aum.