Jeremaia 39:10 - Nobonob Baibel

¹⁰ Amge Nebusaradan, nug daup Nebukatnesar gumappig dilag okkai amu, nug he, Juda danab ah daɗeknab, ag keeke iitta ele, nug ag daaglagnu uuatta he, ag dad okkai, grep dad daappig ele aoeg, ahilagnu daappig.

Jeremaia 39:10 ပူးပေါင်းရင်းမြစ်များ

2 King 25:12

Amge Nebusaradan, nug daup Nebukatnesar gumappig dilag okkai amu, nug Juda danab ah daɗeknab laa, ag wan keeke iitta ele, ag dad okkaippa, grep dad eleppa uɗat hekkulagnu uuatte daappig.

Aisaia 7:21

Haen amuppa geha inam bekku. ⌊Kekeɗ Asirianu, ag doɗ makau, sipsip, meeme keeke, am ohbia aqaglag, amge⌋ danab laippu laa nug nuhig makau balat laippu, am meeme aɗit laa ele nug heeb, ag daaglag.

Jeremaia 40:10

Da amu, da ippa Mispa daappi, Babilon dilag okkai ag anigkkulagnu uɗiglag amu, ag uɗippeg, ig qagmeta daat, nai mattignig. Amge ag amu, ag gona, ee laala, amuam grep meu wain haknu, ad meu aam haenppa lep mette, amu olip meu goɗen haknu ele, ag amu aon, hinaippa inana, aab anen anen ag aguppa daaglagnu aoppig amu, ag aguppa daan oiyeg!” awa aum.

Jeremaia 40:7

Amu Juda dilag daup okkai laa, ag ahilkad daup ele ag Babilon dilag daup ag Babilonnu uɗin, Juda dilag aabaab eɗadna diippig, haen amuppa ag aabppa ii daappig, ag aab dimittim atu laih laihppa daappig. Ag anam daanna, ag Babilon dilag king nug Ahikam bekka Gedalaia, nug Juda wannu gawana daakkunu, nug Juda danab ah daɗeknab daaegeg, Babilon wanppa diin appa diia ukka laih me dayak danab ah daaglagnu ii goppig ele gumadkkunu tituanom doyona,

Jeremaia 43:6

Ag amu diieg goppig. Aria laa amu, Nebusaradan, nug Babilon dilag daup Nebukatnesar gumappig dilag okkai, nug danab, ah, nid naunau laa, amu Juda dilag king aɗekkud ele Ahikam bekka Gedalaia, Sapan alag, nug ag gumadkkunu eppegppa meum. Amu Johanan aɗi, ag danab, ah, nid naunau, king aɗekkud amu ele diin gonana, ag propet Jeremaia, amu Neria bekka Baruk aa ele diiatteg goppig.

Jeremaia 52:16

Amge Nebusaradan, nug daup Nebukatnesar gumappig dilag okkai amu, nug Juda danab ah daɗeknab laa, ag wan keeke iitta ele, ag dad okkaippa, grep dad eleppa uɗat hekkulagnu uuatte daappig.

Esekiel 33:24

“Danab bekka, kekeɗ ag Israel wan heeg nauhom amu, Israel danab ah appa daatteb ele ag inam atteb. ‘Abraham nug danab laippuib, amge Kayak wan imu mette, nug wan imu oh awom, amge ig am kuɗum amunu, genab Kayak he, ig wan imu ihinig daakkunu aomut daattem,’ aon atteb.

Sekaraia 11:7

Yawe Nug anam aum amunu, da Sekaraia, da sipsip ameg laa, danab ag baalag otaɗadna meppeg, laa daden mena lakkulagnu tituanak daappig amu, da sipsip amu dilag gumak danab daami. Da sipsip laa ag eheɗ nau aoppig ele atognoatte aute aomi. Da dudqak hokkat aɗit awen, da laa onig Ehanidkkulnu Ool Daatte ataɗen, laa da onig Laippu Dayak ataɗmi.