Jeremaia 38:7 - Nobonob Baibel

⁷ Ag amu heeg, Jeremaia anam dayom, amge Ebetmelek, nug Kus danab, nug Juda dilag kingnu lag enanagnabppa king ehanitta, uɗat heum amu, nug ag Jeremaia le moɗppa meppig doya, king nug aabnu aɗ od onig Benyaminnu Od, nug amuppa heɗep na dayeye,

Jeremaia 38:7 ပူးပေါင်းရင်းမြစ်များ

2 King 24:15

King Nebukatnesar nug Jehoiakin aɗa awa, Babilon ukkom. Amu nug ele Jehoiakin anig, wauud, nuhikkud ehanittak anuqak danab, am Juda danab okkai ele Jerusalemnu diia, Babilon ukkom.

Sam 68:31

O Kayak, na anam heppe, dimppa Isip danab ah ag nagattoppa uɗiglag. Na anam heppe, dimppa Kus danab ah ag uɗin, na noomppa dup nona binan mekkulag.

Prowerb 29:10

Qe mauhak danab ag danab nug nuhig dabmak, oiyak ele am tutukkuib amu, ag nuhignu nau ninig ele dootteb; ag genab tutukku hak danab aqappeg mauhkkulagnu hetteb.

Aisaia 56:3

Amu wan laihnu danab laa, nug Yawe dim lamittatta, nug Kayak noobppa dup noa, genab binag mette amu, nug, “Yawe Nug da nuhikkud danab oolagppa daakkulnu genab uukku,” aib aum. Amu danab laa, nug hipab qak daatte amu, nug, “Da nid ele daakkulnu elele iitta amunu, Yawe Nug dahilnu oo ii hema,” aib aum.

Jeremaia 13:23

Kus danab nug nukka nug heeb, nug gaɗa eɗua, laa daakkunu elelete? Doɗ lepad, gaɗa otultul ele, nug nukka nug heeb, otultul amu eɗua, laa daakkute? Amubia ag eheɗ tuɗidib hetteb ele, ag akka ag hena, ag ena hekkulagte?

Jeremaia 20:2

nug he, ag Jeremaia, nug propet amu, ag nug eheɗ makkuɗnana, ag aon gona, Yawenu mettid lagnu aɗnu od laa onig Benyaminnu Od Attan, ag aben amuppa ag nug eppeg, baeg ele ad mahappa qagappig.

Jeremaia 26:16

Jeremaia nug ag amelagppa anam a amu, kingnu ehanittak anuqak danab, danab ah oh ele ag mana mettak danab, amu propet danab ele amelagppa appig. “Ig danab imu qepput mauhkkunu keeke laa ii heum. Nug Yawe, ihinig Kayak, nug Nug onigppa ig amenigppa nai mattiom,” aon appig.

Jeremaia 34:19

Da heppi, Juda dilag ikki danab, laa Jerusalemnu, laa Juda wanppa laih laihnu, amu kingnu ehanittak anuqak danab, mana mettak danab, amu Juda danab oh ele ag makau nag beɗu oppatak, maha aɗit laih laih daaeh, ag gamagppa oippig ele amu, danab amu oh ag kekeɗ eppelagppa, kekeɗ ag aqappeg mauhkkulagnu hetteb amu, da ag eppelagppa maadkkul. Da heppi, ag kekeɗ eppelagppa daappeg, kekeɗ ag aqappeg mauhppeg, gaɗalkad ai hagagaɗna oitteb, doɗ dakkuɗ wanppa oitteb ele, ahilag ee daaglag.

Jeremaia 37:13

Nug anam heum, amge haen nug aabnu aɗ od laa onig Benyamin od, nug appa ta, aab dimittim gokkunu ukke, daup od amu gumappig ele dilag okkai Iriya, nug Jeremaia aɗom. Iriya mameg am Selemia, nug alag am Hanania. Iriya nug Jeremaia aɗa, nug aum. “Na ahan, Babilon daup gumadna goppe, ag ele daaglagnu hettem,” awa aum.

Jeremaia 38:8

Ebetmelek nug kingnu lag enanagnab uua, dimittim uɗia, king dayomppa ukka, amegppa aum.

Amos 5:10

Ag Israel danab ag epeɗittak danab kobol tutukku hettebnu nau ninig ele dootteb. Ao, ag danab ag ⌊hettoɗiakppa⌋ nai genabib maditteb, ag ahilagnu ena iinab dootteb.

Sekaraia 14:10

Juda wanppa yawalti uɗitteppanu Geba daatteppa ukka, Jerusalem daatteppanu yau uɗitteppanu Rimon daatteppa amu, aab aɗit amu gamalahppa wan amu oh am eɗua, wannu laih onig Araba daatte, am amubia, ⌊honap⌋ daakku. Wan amuam wannu laih onig Araba daatte, am amubia, ⌊honap⌋ daakku, amge Jerusalem am nuhig abenppa, attan daakku. Jerusalemnu tom am aɗnu od laa onig Benyaminnu Od, amuppa digma ukka, od laa onig Alagnu Odppa ukka, aria, appanu tom am od laa onig Daugppan Od, amuppa ukka, amuppanu am lag attan ta ukkak menppa hak onig Hananelnu Lag, amuppa ta ukka, appanu kingnu grep meu tappa leppu awaknu abenppa batakku.

Matyu 20:16

Jesus Nug anam ana amu, Nug nai tuɗitta aum. “Amubia dim daatteb amu, ag anuqkkulag. Anuqak daatteb amu, ag dim daaglag,” awa aum.

Duteronomi 21:19

mameg, anig ele aa bekkalah aɗaya aoya, ikki danab dilag qagmak aben ahilah aab odppa daatte, aa amuppa ikki danab gumadya wakkulahoitte.

Josua 20:4

Laa nug laa ii doyaya qe mauhom ele, nug aab okkai amunu laappa oola ukka, nug ikki danab dilag qagmak aben aab odppa daatte, nug appa ta, nug aab amunu ikki danab amelagppa hibaitta, nug aɗi heumnu mehuqeb dooglag. Mehuqeb doona, ag danab nug laa ii doyaya qe mauhom ele amu uuidppeg, nug aab ooppa noob, ag nug aab amuppa, ag oolagppa dayaknu aben medappeg, oh daaglag.