Jeremaia 38:6 - Nobonob Baibel

⁶ Sedekaia anam aum amunu, danab amu ag muɗi aon, le moɗ laa daup king gumappig laulag haɗap-ppa dayom, le moɗ amuam king bekka Malkiyanu amu, ag muɗi amuppa Jeremaia paɗaeg no, le ii dayeye, lekkoh gai-iittaib dayom amunu, Jeremaia beɗu laih am lekkohppa noum.

Jeremaia 38:6 ပူးပေါင်းရင်းမြစ်များ

Genesis 37:24

Josep aon gona, moɗ le iitta, amuppa buɗieg noum.

Sam 109:5

Da ag ena hadattem, amge ag eɗun, da eheɗ heɗatteb. Da ahilagnu ool mauhtte, amge ag eɗun, dahilnu nau ninig ele dootteb.

Sam 40:2

Yawe Nug da ehaniɗa, Nug danab laa nug layag moɗ nauppanu behie beum bia ehaniɗe, da ena daattem. Ao, danab laa nug layag moɗ lekkoh naunab nau eleppanu ehanitte uɗitte, amubia Yawe Nug da ehaniɗe, da ena daattem. Genab, Nug danab laa layag ehanitta awa, men attan meum bia he, da ena daattem. Ao, Nug danab laa nug layag ehanitta awa, aben baɗak iitta eleppa mette amu, Yawe Nug dahilppa anam he, da ena daattem.

Sam 69:2

Da danab laa nug laih wan gai-iitta, muag eleppa, wan ɠagattag iitta, nug baeg ma hibaitta dayaya, muag ooppa noa noa mauhkku, da amubia iikku daattem. O iitta, da am danab laa nug le ameg naɗinab laa umanab noa ukkak, hiɗ baaba, hiɗa noawa daatte ele, amuppa danab nug le noa lana mauhkkunu hette, da amubia iikku daattem.

Jeremaia 32:2

Haen nug Jeremaia amegppa amunu aum amu, Babilon dilag king, amu nuhikkud daup ele ag Jerusalem oo mattan, aqaglagnu maadna daaegeg, propet Jeremaia nug King Sedekaia oɗeppan nai bia, nug Juda dilag daup king gumappig ele laulag, lag amuam Juda dilag kingnu lag enanagnab guguittak, nug lag amunu haɗap-ppa maniguittak dayom.

Jeremaia 36:26

King nug danab ewam dilag nai doya, kobol ena laa ii heum. Iitta. Nug nug bekka laa Jeramel, Asriel bekka Seraia, amu Apdel bekka Selemia ele, ag ahan gona, yaak danab Baruk, amu propet danab Jeremaia ele aɗalatna, maniguittakppa maatkkulagnunab amelagppa aum. Nug ag amu hekkulagnu aum, amge Yawe Nug danab aɗit amu lokkumatom amunu, ag mattialatna anatkkulagnu elele iitta.

Jeremaia 37:16

Amu lag Jeremaia maniguittak nau gatatu eleppa meeg, haen elab nug appa dayom

Jeremaia 37:21

Jeremaia nug anam a, King Sedekaia nug he, danab king gumappig laulag haɗap-ppa, amuppa ag Jeremaia meeg dayom. King nug anam ana, nug ag ib onig Keeke Manaknu Ib, ag appanu deɗ anen anen bret maha laippu aon, Jeremaia mettaglagnu ele aum. Ag anam hebeppeg ukkeb ukkeb, bret aab okkai amuppa iitta meeb, haen amuppa bataglagnu aum. Nug anam aum amunu, Jeremaia nug king gumappig laulag haɗap amuppa dayom.

Jeremaia 38:13

ag muɗippa nug eeɗeg ba, dimittim beum. Nug ba, dimittim uɗia, nug aakku daup king gumappig laulag haɗap-ppa dayom.

Jeremaia 38:22

Na Juda dilag king, amu ah oh ag gemu nahip lag enanagnab, appa daatteb amu, Babilon dilag daup ag ag diin, Babilon dilag kingnu ehanittak anuqak danab eppelagppa maadppeg, ag Babilon eppelagppa daanna, ah amu ag na amenppa akkulag. ‘Laa na ahilagnu, “Da lailadnab, da ahilagnu oolppa genab doottem,” doome amu, amu oh ag ulum nai eheɗ mettanna, ag na eɗidna heeg, na ahilag nai dim lamidme amu, gemu na baen aɗit oh am lekkohppa qataqak daattep. Na anam daattem, amge na laipad amu oh ag na uuidna goppig, laa ehanidkkunu ii daatte,’ aon akkulag.

Daniel 6:16

Ag anam aeg, ɗo anam dayom amunu, king nug haknunab nai anana, ag Daniel aon uɗieg, king Daniel amegppa aum. “Nahip Kayak, na Nug hanhan Nug waappa daan, nuhig maɗi nid daattem amu, Nug heeb, na ena daakkutnu ool daatte,” awa aum. Nug anam awa a, ag nug moɗ naɗi laion daattebppa buɗieg noum.

Sekaraia 9:11

Da hei, da ag Israel ele ig nug tituanta nai qakkamut. Amu nai qakkak dahil amu, am doɗ tiigppa ɠagattag qak dayom. Ig anam hemut amunu, diig amuppa da geha heppi, ahilagnu laa ag maniguittak danab moɗ naɗi le iitta eleppa daatte, ag amubia daatteb amu, ag amuppa ii daamna.

Aposel 16:24

Maniguittak gumak danab nug nai ɠagattag amu doyowa, nug maate, maniguittak ooppanab, aɗ nakok laappa noeh, adppa baelti qakkom.

Hibru 10:36

Ag Kayaknu dabmaknab tuɗidna dim lamidkkulagnu amu ag oolag maɗoɗ ele ɠagattag hippaidna daaglagnu daatteb. Ag anam hekkulag amu, geha ag keeke ena anukka Nug ag madakkunu nai qakka aum amu, ag aoglag.