Jeremaia 38:22 - Nobonob Baibel

²² Na Juda dilag king, amu ah oh ag gemu nahip lag enanagnab, appa daatteb amu, Babilon dilag daup ag ag diin, Babilon dilag kingnu ehanittak anuqak danab eppelagppa maadppeg, ag Babilon eppelagppa daanna, ah amu ag na amenppa akkulag. ‘Laa na ahilagnu, “Da lailadnab, da ahilagnu oolppa genab doottem,” doome amu, amu oh ag ulum nai eheɗ mettanna, ag na eɗidna heeg, na ahilag nai dim lamidme amu, gemu na baen aɗit oh am lekkohppa qataqak daattep. Na anam daattem, amge na laipad amu oh ag na uuidna goppig, laa ehanidkkunu ii daatte,’ aon akkulag.

Jeremaia 38:22 ပူးပေါင်းရင်းမြစ်များ

Job 6:15

Da lailad ag da ehaniɗlob, amge iitta. Ag am le nag laa, deɗ laala le amuppa dayaya, danab ah ehanadtte, deɗ laala le appa ii daya, danab ah ii ehanadtte, ag amubia daan hetteb. Ag am le laa, deɗ laala ui otte, deɗ laa ui ii otte, amubia ag pehettak hanhan ii ehaniɗtteb.

Sam 41:9

Am da layalnab, da nuhignu oolppa genab doyen, ool mettami, i oh ee lamuɗ ele, nug da kekeɗ meɗom.

Sam 69:14

Na da ehaniɗppe, da danab nug muag nau ooppa noa mauhtte bia ii hepanu, da na oɗ medattem. Ao, dahil kekeɗ ag am le gamag naɗi umanab noa ukkak, danab laa le lana mauhkkunu elele, ag le amubia daatteb amunu, na da ehaniɗppe, da kekeɗ eppelagppa ii wapanu unuqidttem.

Sam 69:2

Da danab laa nug laih wan gai-iitta, muag eleppa, wan ɠagattag iitta, nug baeg ma hibaitta dayaya, muag ooppa noa noa mauhkku, da amubia iikku daattem. O iitta, da am danab laa nug le ameg naɗinab laa umanab noa ukkak, hiɗ baaba, hiɗa noawa daatte ele, amuppa danab nug le noa lana mauhkkunu hette, da amubia iikku daattem.

Aisaia 42:17

Da anam aakku hekkul, amge danab ag kayak hambuppuaknu oolagppa genab dootteb, ag da heppi nauhna, ag uɗalag nekku. Ao, laa oh ag dottolkad amelagppa, ‘Ag am ihinkad kayak,’ atteb ele, ag da heppi nauhna, ag uɗalag nekku.” Yawe Nug anam atte.

Jeremaia 13:21

Laa yawalti uɗitteppanu uɗitteb amu, tatam ag Juda okkai, ag ag ele nug tituana nai qakkakppa daaglagnu wagai men heppig, amge Yawe heeb, amu dilag ag okkai ahilkad daappeg, ag ag waalagppa daaglag amunu, haen amuppa ag aɗi nai mattiglag? Iitta. Ag uug okkai, ah nid aokkunu guittak dootte, ag amubia dooglag.

Jeremaia 20:10

Danab ah ag dahilnu otiptip-ppa mattiegeg doomi. Ag atteb. “⌊Nug ig padal mekkunignu, nug amuib maditte.⌋ Nug mattieye, nai amu he, danab ah oh ag eheɗ nau baɗatteb amunu, ig okkai danab amelagppa nai nug atte amu amelagppa apput, ag nug aɗaglag,” aon atteb. Ag anam aegeg, da lailad, ⌊ag oɗelagppaib da lailad daatteb amu,⌋ ag ele da nein qekkulnu oolag daatte. Ag anam henana, amu ag atteb. “Aria, ig hepput, nug kobol eheɗ laa heeb, ig nug eɗidta, ⌊nug nai eheɗ atte amu, ig⌋ amunu nob nau laa mettagnig,” aon atteb.

Jeremaia 27:14

Nahipad propet laa ag na amenppa, ‘Na Babilon dilag king waappa maɗi nid daanna, nuhig uɗat ii hemana,’ atteb amu ag dimppa aɗi bekkunu nai hambuppuak aakku maditteb amunu, na ahilag nai aib doome; aib dabmeme!

Jeremaia 27:15

Yawe Nug propet amu dilagnu inam atte. ‘Da ii maatti goppig. Ag da onil aon, ag dimppa aɗi bekkunu nai hambuppuak maditteb amunu, ⌊na ahilag nai dim lamidkkut dayeb amu⌋ da heppi, kekeɗ ag na omaidna, wan laappa gona meidppeg, na appa mauhkkut. Na, amu propet ag dimppa aɗi bekkunu nai hambuppuak maditteb ele, da heppi, ag oh anamib laih daan mauhkkulag,’ awa atte.” Da Sedekaia amegppa anam ami.

Jeremaia 38:19

Jeremaia nug Sedekaia amegppa anam a, King Sedekaia nug eɗua nug amegppa aum. “Amge Juda laala ag akka ag gona, ag beɗulag Babilon eppelagppa meppig daatteb amu, Babilon ag da ag eppelagppa meiɗkkulag dayeb, ag da eheɗ heiɗkkulagnu baɗattem,” awa aum

Jeremaia 38:21

Amge na nakka, na gona, na beɗun Babilon eppelagppa ii mekkut dayeb amu, Yawe Nug imu bekkunu ippuniɗom.

Jeremaia 41:10

Nebusaradan, nug daup Nebukatnesar gumappig dilag okkai amu, nug Judanu king aɗekkud, danab ah laala ele Mispa appa uuatta, Ahikam bekka Gedalaia nug ahilag okkai daakkunu he ukke, ag aakku daappig. Ag daappig, amge Netania bekka Ismael nug Gedalaia aɗi aqe mauheg, nug laala ele oh aɗalatta diia, Jodan le mataɗa, Amon wanppa gokkunu ukkom.

Jeremaia 43:6

Ag amu diieg goppig. Aria laa amu, Nebusaradan, nug Babilon dilag daup Nebukatnesar gumappig dilag okkai, nug danab, ah, nid naunau laa, amu Juda dilag king aɗekkud ele Ahikam bekka Gedalaia, Sapan alag, nug ag gumadkkunu eppegppa meum. Amu Johanan aɗi, ag danab, ah, nid naunau, king aɗekkud amu ele diin gonana, ag propet Jeremaia, amu Neria bekka Baruk aa ele diiatteg goppig.

Jeremaia 46:21

Wan laalappan daup, Isip ag daden mattegeg, ag ahilkad daupnab ele daatteb amu, daup amu ag makau nag aɗ ooppaib dayeye, ittag huanak ele daatte bia daatteb amunu, ag ban hekkulagnu elele iitta. Kekeɗ uɗin, ban hebeppeg, ag Isip dilag daup ele oh eɗun oolna gokkulag. Laihppan daup ag ɠagattag daan, ban ii hemana. Aɗinu? Uug naunab haen aakku ahilagppa uɗitte. Ao, ag ahilag bu awak haen aakku uɗitte.

Jeremaia 46:5

Ag amu hekkulag, amge da aɗi iikku anidttem? Da Isip dilag daup ag baɗak eheɗ nau doon, ag eɗun ooltteb. Babilon dilag daup ag Isip dilag daup eɗadppig. Isip ag eheɗ ooltteb. Ag eɗun neegnana, ii ooltteb. Iitta. Ag oolna ukkakib eheɗnab gotteb. Baɗak eheɗ nau ag taliliatte daatteb.

Jeremaia 6:12

Da eppel bahien, Juda danab ah bu madakkul amunu, da Juda laulkad diien, da amu laa, ahilag daaglagnu ag madakkul. Da Juda danab dilag wan anen anen, ahilkad ah ele diien, laa madappi, ahilkad daaglag,” awa aum.

Jeremaia 8:10

Ag dahil nai geɗidna, ii dim lamidtteb amunu, da heppi, kekeɗ ag uɗin eɗadna, danab laa ag ahilag wan, ah ele diippeg, ahilkad daaglag. Aɗinu da anam hekkul? Juda danab ah oh, danab onig iitta, danab onig okkai ele, ag oh baubau awaknu hik aqeeqe oitteb. Ao, propet danab, mana mettak danab ele ag hambuppuak kobol dim lamidtteb.

Gayak Nai 1:13

Aab gakkaɗak danab ebehippa ewewe nauhtte; amubia Yawe Nug ig Juda, Nug ihinigppa heum. Nug danab doɗ aokkunu pelem mette; amubia Nug pelem ihinig meum. Nug he, ig bittumttum gomut. Nug he, ihinig aab okkai, wan ele am hele-ettak daatteb; ig hanhan gai-iitta oittem.

Gayak Nai 1:2

Uug naunab ah beɗuppa be, nug tuqan eheɗ gayeye, ameg leb na, hippegppa daatte, kobol amubia Juda danab ah dilagppa beum daatte. Ah laa, danab kuɗum ag anen anen nug amegppa, “Da nahipnu ool mauhtte,” atteb, amge uug naunab nuhigppa bette haenppa, danab amu laa nug ehanitteb, oo mekkunu laa ii uɗitte amu, Juda dilagppa anam beum daatte. Ge, ah laa nug laikkud kuɗum ele, amge layag laa nug ah amu ele nug kekeɗ daaeh, ah amu laikkud laa ag eɗun, laa ah amu kekeɗ mettom ɠagattag qettan, ah ele kekeɗ hetteb amu, Juda dilagppa anam beum daatte.

Gayak Nai 5:11

Sion appa kekeɗ ag ah eheɗ hattana; Juda dilag aab laappa ele ag ah makkun eheɗ hadappig.

Maika 7:5

Nid danab nug mameg awa awa qedatte. Ah aɗeg nug anig ele dabmak laippu iitta, aɗeg nug anig ele aa oolah laippu iitta daattep. Ahipa bau nug ahipa kaino ele dabmak laippu iitta, ahipa bau nug ahipa kaino ele aa oolah laippu iitta daattep. Danabnu kekeɗ ag nug baekkudppan danab ah daatteb amunu, ag ahilag mudippan laippu laanu aib oolagppa genab doon, “Nug dahilppanu eheɗ laa ii hema,” aib dabmeppig. Ao, laa nug layagnu, “Nug am da layal, nug da ehaniɗkku,” aib dabmeum. Na waat ele nai mattiglah dayeb, o na gamut ele nai mattiglah dayeb amu, na tutukku dabmenana madikkut; hamu hamu dabmak iitta eleppa aib mattime.