Jeremaia 38:21 - Nobonob Baibel

²¹ Amge na nakka, na gona, na beɗun Babilon eppelagppa ii mekkut dayeb amu, Yawe Nug imu bekkunu ippuniɗom.

Jeremaia 38:21 ပူးပေါင်းရင်းမြစ်များ

2 Stori 36:12

Nug king dayaya, nug Yawe, nuhig Kayak, nug nuhig neekkakppa eheɗ heum. Propet Jeremaia Yawenu nai mehuqom amu, Sedekaia nug nai amu nug oɗeppa doyom, amge nug Jeremaia noobppa dayaya, nug nukka nug onig ii qe neum. Iitta.

Job 23:13

Da anam hettem, amge Kayak Nug dahilnu aɗi hekkunu dabmeum ele amu, Nug hette. Aun Nug heeb, Nug dabmak eɗukku? Laal iitta! Kayak Nug aɗi hekkunu oo hette amu, Nug aakku hette.

Job 34:33

Na Kayak dimettame amunu, Kayak Nug na oot hette bia hekkuoittete? Na amunu dabmak aoppe, gogppa tekkuoitte! Nahip dabmak amunu da eppelppa ii daatte amunu, na attem dabmettem amu, na appe doyei!

Eksodas 16:28

Ag anam heeg amu, Yawe Nug Moses amegppa aum. “Ag dahil nai, dahil haknunab anak ele dim ii lamidtteb; amu haen gane laa ele ukkeb, ag kobol amu uuglag?” awa aum.

Jeremaia 26:15

Amge ag imu tutukku doon oiyeg! Da keeke laa ag hak amunu iuppeg mauhkkulnu laa ii hemi amunu, ag da iuppeg ii mauhkkuloitte. Ag da iuppeg mauhkkul amu, ag aakku eheɗ heppeg, ag beɗulagppa aab daakku amunu, Yawe Nug ag, aab okkai imu, amu danab ah aab imuppa daatteb ele bu madakku. Amuam genabnab daattenu diig am, Yawe, laa iitta, Nugib keeke imu oh appi dooglagnu meiɗe uɗimi.” Jeremaia nug nai amu ag amelagppa mattiom.

Jeremaia 38:20

Sedekaia anam a, Jeremaia nob ma aum. “Iitta! Babilon ag Juda laa eppelagppa ii meidmana. Yawe Nug da oɗelppa na aɗi aɗi hekkutnu ippunidtte amu, na amu hekkut dayeb, na ena daakkut. Babilon ag heppeg, na ii mauhmana. Iitta.

Jeremaia 38:22

Na Juda dilag king, amu ah oh ag gemu nahip lag enanagnab, appa daatteb amu, Babilon dilag daup ag ag diin, Babilon dilag kingnu ehanittak anuqak danab eppelagppa maadppeg, ag Babilon eppelagppa daanna, ah amu ag na amenppa akkulag. ‘Laa na ahilagnu, “Da lailadnab, da ahilagnu oolppa genab doottem,” doome amu, amu oh ag ulum nai eheɗ mettanna, ag na eɗidna heeg, na ahilag nai dim lamidme amu, gemu na baen aɗit oh am lekkohppa qataqak daattep. Na anam daattem, amge na laipad amu oh ag na uuidna goppig, laa ehanidkkunu ii daatte,’ aon akkulag.

Jeremaia 5:3

Yawe Nug anam a amu, da Nug amegppa ami. “O Yawe, na danab aun aɗi ag doyak diig genabib dim lamidkkulagnu hetteb ele, na danab ah amubia mattiadttem, ⌊amge nahip danab ah ag amubia ii hetteb⌋. Na bu mattame, amge ag eheɗ heppignu oolagppa guittak ii dooppig. Na oɗoɗadme, amge ag bu mattak nahip amu ii dabmena, oolag eɗukkunu uuppig. Ag heeg, ag na oɗen dim lamidmananu dabmak ahilag ɠagattag eppom. Ag oolag eɗukkunu uun, iinab heppig,” awe ami.

Esekiel 2:7

Israel danab ah ag nai tappe nak danab ah daatteb amunu, na dahil nai ag amelagppa abeppe, ag dooglagtai, o iittatai am nahip keeke iitta, ahilagppa daatte. Amuam ahilagppa daatte, amge na dahil nai ag amelagppa akkutoitte.

Aposel 18:6

Amge Juda ag Pol nug Jesusnu nai amu ii mattimanu wagai mena, aon aon qedappig amunu, Pol nug lamen elab nuhigppa kauko dayom amu he ne, nug amelagppa aum. “Ag padal mekkulagtai amu akka beɗulagppa, da eheɗ ii hemi. Amunu gemu da iitta aɗi gumatte gokkul,” awa aum.

Hibru 12:25

Amunu ag dabmeig! Ag aib daulag itun, Kayak nai maditte qeppeg neum. Anukka wan imuppa Sinai appa amu, Kayak Nug nai ɠagattag danab amelagppa aum, amge ag nuhig nai tappaeg neum. Ag tappaeg neum amunu, ag ahilag hipuninnu nob nau qe-eɗidna gokkulagnu elele iitta daappig. Gemu Kayak Nug hab aabppa dayaya, nai ɠagattag ig megatte amunu, ig Nug dimettata, ig oolta hipunin ihinignu nob nau qe-eɗidkkunignu elelete? Iittanab!