Jeremaia 38:2 - Nobonob Baibel

² Ag Jeremaia nai mattieye, Juda danab ah doyegeg dooppig am inam. “Yawe Nug inam atte. ‘Aun nug aab okkai imu ooppa tuɗitta daakku, nug qep elabppa mauhkku, o iitta nug enugppa mauhkku, oo iitta nug oɗe nau danab kuɗum aqe mauhtteb ele awa mauhkku. Anam mauhkkulag, amge aun nug aab uua ukka, nug nukka nug beɗu Babilon eppelagppa mekku amu, nug bau daakku. Nug mauhak ib qe-eɗidkku. Nug bau daakku,’ awa atte.

Jeremaia 38:2 ပူးပေါင်းရင်းမြစ်များ

Jeremaia 21:4

‘Yawe, Israel dilag Kayak, Nug atte. “Ag Juda, ag gemu Babilon ele ban hetteb. Ag aab okkaippa daatteb. Babilon ag aab dimittim ag oo mattan aqadkkulagnu maadna daatteb. Ag Israel ag ban hekkulagnu lat, lat doɗo, ban haknu keeke laala ele eppelagppa daatteb, amge da heppi, ⌊Babilon dilag daup ag keeke amu ag eppelagppanu aɗualadna,⌋ ag amuppa ag Juda aqaglag. Amu da heppi, Babilon dilag daup ag aab okkai imu ooppa uɗiglag.

Jeremaia 24:8

Ag gemu Babilon diia ukka laih me dayak danab ah daatteb, ahilagnu am da anam hekkul, amge Sedekaia, nug Juda dilag king gemu daatte, nuhikkud ehanittak anuqak danab, amu Jerusalem danab ah laa ag ii mauhppig ele, da amu dilagnu ad fig meu naunab, ag amubia daatteb doottem. Ad fig meu amuam naunab, danab lakkunu elele iitta, amu da danab ad fig meu nau amubia attem attem hette, da anamib ahilagppa hekkul. Ag wan imuppa daaglagtai, o iitta ag oolna Isip wanppa gona appa daaglagtai, da anamib aakku hekkul.

Jeremaia 27:11

Anam, amge wan laappan danab ah ag Babilon king waappa maɗi nid daan, nuhig uɗat hekkulagnu, “Yo” akkulag dayeb, makau laa duugppan tuqai duugppa dayebeb, uɗat haknu uua ii hette bia, da heppi, wan amuppan danab ah ag ahilag wanppa daan, dad henan oiglag. Da Yawe, da anam awe attem.’ ” Yawe Nug anam awa atte.

Jeremaia 27:13

Na amu ii hekkut dayeb, na, amu nahipad danab ah ele ag qep elabppa, enugppa, oɗe nau danab kuɗum aqe mauhttebppa ele mauhkkulag. Yawe Nug wan attentai laa ag Babilon dilag king waappa maɗi nid ii daan, nuhig uɗat ii hekkulagnu hekkulag dayeb amu, ag anam mauhkkulagnu aum, amge aɗinu na, amu nahipad danab ah ele, ag anam mauhkkulag.

Jeremaia 29:16

Amge Yawe, Nug king gemu Dawitnu sia kingppa daatte, amu Jerusalem danab ah, ag ag ele tiilag laippu, gemu ippa ina daatteb, Babilon ag ag ele ii diin goppig, ag Babilon appa diia ukka laih me dayak danab ah appa ii daatteb amu, Yawe Nug ahilagnu inam atte.

Jeremaia 29:18

Da heppi, kekeɗ ag qep elabppa aqappeg, enug aqeebeb, oɗe nau danab kuɗum aqe mauhtteb ele aqeebeb, wan atu laa ohppan danab ah ag ahilagnu naunab doon, guguattak daaglagnu uun autnanab aoglag. Amu da heppi, gemu Juda daatteb ag wan laalappa diia ukka laih me dayak danab ah daaglag amu, wan amuppan danab ah ag ag eheɗ laa aoglagnu anak waappa daaglagnu anana, ag anadna, amelag iɗuak doon, ag ahilagnu, ‘Keeke hamunab,’ dooglag.

Jeremaia 34:17

Nug anam atte amunu, Yawe Nug ele inam atte. “Ag dahil nai ii dim lamidppig. Ag laa, ag ag ele tiilag laippu, ahilkad maɗi nid daatteb amu, ag uhuqatteg, ag uhuqak aon, hamu ii daatteb. Iitta! Ag ag waalagppa ahilkad maɗi nid daatteb amunu, ag da dahil nai ii dim lamidppig ele, da ag uhuqak laa madakkulnu hettem. Uhuqak amuam ag qep elabppa mauhkkulag. Uhuqak amuam ag oɗe nau danab kuɗum aqe mauhtteb, ag amuppa mauhkkulag. Uhuqak amuam ag enugppa mauhkkulag. Amu da heppi, wan ohppa danab ah ag ahilagnu oolagppa uuaknab dooglag.

Jeremaia 39:18

Aɗinu? Na dahilnu ootppa genab doottem amunu, da ehanidppi, na qep elabppa ii mauhmana. Nahip keeke am padal mekku amge na ii mauhmana.” Yawe Nug anam awa atte.’ ” Yawe Nug Jeremaia amegppa anam aum.

Jeremaia 42:17

Ge, aun aɗi laa oh ag Isip gona daaglagnu dabmak aoeg ɠagattag eppom daatte, ag dabmak amu dim lamidna gona, Isip daanna oiglag amu, ag ohnab qep elabppa, enugppa, oɗe nau danab kuɗum aqe mauhtteb eleppa ele mauhkkulag. Da heppi, uug naunab ahilagppa beeb, ag oolagppanu laippu laa nug uug amu eɗitta, ena iinab daakku. Laippu laa nug uug amu iinab qe-eɗitta bau daakku. Iitta! Ag ohnab ag uug naunab da heppi bekku amu, ag uug amu anidnana, mauhkkulag,’ awa atte.

Jeremaia 42:22

Anam amunu, ag gemu nai imu doon autna aon, dabmakppa aɗeg! Ag Isip gona daan oinna, appa ag qep elabppa, enugppa, oɗe nau danab kuɗum aqe mauhtteb eleppa ele mauhkkulag.” Jeremaia nug Juda danab ah amu amelagppa anam aum.

Jeremaia 44:13

Juda ag uɗin Isip daatteb amu, da ag qep elabppa, enugppa, oɗe nau danab kuɗum aqe mauhtteb eleppa bu madakkul. Da Jerusalem danab ah bu mattami, amubia da ag Isip daatteb bu madakkul.

Jeremaia 45:5

Da anam hekkul amunu, na keeke okkai nakka nahipnu aokkutnu am enate? Na anam aokkutnu aib heme. Aɗinu? Da heppi, danab ah imu ag padal mekkulag, amge da ele heppi, na adeppa adeppa gokkut amu, appa ag na nidappeg ii mauhmana. Iitta. Na bau daakkut.” ’ ” Yawe Nug Jeremaia amegppa anam a, Jeremaia nug Baruk amegppa aum.

Esekiel 14:21

Aɗinu? Naɗi Yawe Nug inam atte. “Bu mettak nau waɗele amu oolagppa laippu bekku dayeb am uug nau ele, amge da heppi, waɗele amu oh Israel danab ah aqadkku amu, amuam uug naunab nau. Bu mettak waɗele amuam ban, enug, doɗ nau, oɗe nau danab kuɗum aqe mauhtteb ele. Da heppi, bu mettak waɗele amu oh Israel danab ah, ahilkad doɗ ele ag mauhkkulagnu aqaglag.

Esekiel 6:11

Naɗi Yawe Nug anam anana, Nug nai tuɗitta atte. “Esekiel, na danab nug dabmak huanak awa, uug nau ele doya hette bia na eppen laihppa, am eppen laih ona, na baenppa ele wan huan tappan, na, ‘O gadonnab gadon,’ a! Aɗinu na anam hekkut? Israel danab ah ag kobol nau, kobol da amunu oolppa uuaknab doottem ele kuɗum hetteb amunu, ag qep elabppa, enugppa am oɗe nau danab kuɗum aqe mauhttebppa ele mauhkkulag.

Esekiel 7:15

Yawe Nug anam ana, Nug nai tuɗitta aum. “O gadon, aab okkai dimittim ban daup ag, ag Israel danab aqaglagnu daatteb. Aab okkai ooppa amu, oɗe nau danab kuɗum aqe mauhtteb ele, enug nau ele daattep. Danab ah aab dimittim daatteb ele, kekeɗ ag aqappeg mauhkkulag. Aab ooppa amu, danab ah ag oɗe nau danab kuɗum aqe mauhtteb ele, enugnu ele mauhkkulag.