Jeremaia 38:14 - Nobonob Baibel

¹⁴ Aria, amu dimppa King Sedekaia nug he, danab laa ag gona, propet Jeremaia omalna, Yawenu mettid lagnu od ebqak ewamppa ukkaeg dayeye, king nug Jeremaia amegppa aum. “Da na keeke laanu oɗ medakkulnu hettem. Da anam oɗ medappi, na amunu nob laih nakok laa dahilnu aib lokkume!” awa aum.

Jeremaia 38:14 ပူးပေါင်းရင်းမြစ်များ

2 Samuel 14:18

Tekoa ah doyak dabmak ena ele nug anam a amu, King Dawit nug aum. “Da keeke laanu oɗ medappi, na amunu nob ii lokkummnanu attem,” awa aum. Nug anam a, ah nug aum. “O dahil naɗi, na king, na aɗi appe dookkul,” awa aum.

1 King 10:5

nug King Solomon ee ena kuɗum deɗ ohppa aotte, amu nuhikkud ehanittak anuqak danab, amu ele kuɗum, ag nug ele daanna ee lappig amu, nug amu ele anttom. Laa amu nug kingnu maɗi nid, ag ahilkad lamen elab enanag ele, nug ag ele anattom. Aria, nug kingnu wain paniak danab anatta, laa amu nug doɗ Solomon nug diia, Yawenu mettid lakka ukka, manaknu ofa hettom amu, nug amu ele anttom. Kuin nug keeke ena amu oh anam anatta, nug ooppa ottaiak beebe, dabmak kuɗum awom.

1 King 22:16

Mikaia nug anam aum, amge King Ahap nug Mikaia amegppa aum. “Da hei, na Yawenu nai da amelppa akkutnu akkut amu, na Nug genab aɗi aum aakkuib akkutnu nahip nai ɠagattag qena ame. Amu da heppi, na nai amu baubau haen gane awona, na Yawenu nai genabib da amelppa madikkut?” awa aum.

2 King 16:18

Ahas nug Asiria dilag kingnu dabmeum amunu, nug Sabatnu keeke peh lag bia Yawenu mettid lag guguittak, appa heppig amu hiɗa awa, kingnu Yawenu mettid lakka ukkaknu od ele am keldoum.

2 Stori 18:15

Mikaia nug anam aum, amge King Ahap nug Mikaia amegppa aum. “Da hei, na Yawenu nai da amelppa akkutnu akkut amu, na Nug genab aɗi aum aakkuib akkutnu nahip nai ɠagattag qena ame. Amu da heppi, na nai amu baubau haen gane awona, na Yawenu nai genabib da amelppa madikkut?” awa aum.

Jeremaia 15:11

Da anam ami, amge Yawe Nug da amelppa aum. “Genab, na ena hekkutnu da ehanidppi, na ena hekkut. Genab, uug nau laa, o uug naunab laa bekkunu haenppa, haen amuppa da heppi, nahipad kekeɗ amu ag na ehanadkkutnu, oo doyakppa unuqidkkulag,” awa aum.

Jeremaia 37:17

Jeremaia appa haen elab daye, dimppa King Sedekaia nug laa me, nug ukka, Jeremaia omala, Sedekaia dayomppa ukkom. Aria, Jeremaia nug Sedekaia toppa daye, Sedekaia nug laa ii daaegeg, aya daayya, nug oɗ mettom. “Yawe Nug nai laa a doomete,” awa oɗ mettom. Oɗ mette amu Jeremaia nug aum. “Ao, Yawenu nai laa daatte. Yawe Nug heeb, na Babilon dilag king eppegppa daakkut,” awa aum.

Jeremaia 42:20

Ag Isip gokkulagnu dabmetteb amu, amuam ag mauhkkulagnu hetteb. Aɗinu? Ag da Yawe, ahilag Kayak, da Nug unuqidkkulnu ag da amelppa, ‘Na Yawe, ihinig Kayak, na Nug ihinignu unuqidppe, Nug aɗi ab appe, ig doot, Nug aɗi aɗi hekkunignu akku amu, ig aakku hekkunig,’ appig.