Jeremaia 38:10 - Nobonob Baibel

¹⁰ Kus danab Ebetmelek nug anam a, king doya, nug haknunab nai ana, Ebetmelek amegppa aum. “Na danab 30 diippe, ag oh gona, propet Jeremaia mauhmanu, ag nug le moɗppanu eeɗppeg baɗ!” awa aum.

Jeremaia 38:10 ပူးပေါင်းရင်းမြစ်များ

Esta 5:2

Esta nug anam ukka hibaitta dayeye, ⌊king daatteppan oonu od matulak daye,⌋ king nug Kuin Esta appa king laugppan haɗap-ppa hibaitta daye antta, nuhignu ena doya, nug kingnu qakun golppa hak aɗom am me waum amunu, Esta nug ukka, qakun amu noob lauɗittom.

Esta 8:7

Anam a amu, King Ekserksis nug Kuin Esta, amu Juda ted Mordekai ele amelahppa aum. “Haman nug Juda hatteb nauhkkulagnu heum amunu, ag nug balal attan danab aihaknu hak amuppa aihna qeeg mauhe, amu da nuhig keeke amu Esta mettami.

Sam 75:10

Kayak atte. “Da nau hak danab dilag ɠagattag aɗadkkul, amge da danab ag genab tutukku hetteb, da ahilag ɠagattag tuɗidkkul.”

Prowerb 21:1

King nug Yawe eppegppa daatte, amuam lenag bia. Ao, Nug le ippu adeppa gokkunu he, le gotte bia, Nug kingnu dabmak attem bekkunu he bette.

Jeremaia 38:11

King anam aum amunu, Ebetmelek nug danab laala diie gona, kingnu lag enanagnabppa oo laa, en maknu oo waappa dayom amu, ag amuppa wana, appan lamen alag laala, aria lamen nauhna autna aoppig laala ele aon, ag lamen amu oh aon gona, le moɗ Jeremaia dayom eleppa gona, lamen amu muɗippa paɗaeg noppig.

Jeremaia 38:7

Ag amu heeg, Jeremaia anam dayom, amge Ebetmelek, nug Kus danab, nug Juda dilag kingnu lag enanagnabppa king ehanitta, uɗat heum amu, nug ag Jeremaia le moɗppa meppig doya, king nug aabnu aɗ od onig Benyaminnu Od, nug amuppa heɗep na dayeye,

Jeremaia 38:9

“O dahil naɗi, na king, danab ag propet Jeremaia, nuhigppa kobol digdig heppig amu, ag nau heppig. Ag nug aon, le moɗppa buɗieg noum daatte. Nug le moɗppa daatte amunu, aab okkai imuppa ee iitta meeb, nug aakku enugppa mauhkku,” awa aum.