Jeremaia 37:7 - Nobonob Baibel

⁷ “Da, Yawe, da Israel dilag Kayak, da inam attem. Aa eɗuya goya, Juda dilag king, nug aa dahil nai aoya gopeɗ dookkunu maate uɗipiɗ amu, aa nug amegppa inam apeɗ doyaɗ! ‘Paro, nuhikkud daup ele, ag uɗin ehanidkkulagnu Isip wan uun uɗitteb amu, ag eɗun, ahilag wanppa Isip, appa gokkulag.

Jeremaia 37:7 ပူးပေါင်းရင်းမြစ်များ

2 King 22:18

Anam amunu, ag Juda dilag king, nug ag Yawe nai dooglagnu maatte uɗippig ele, ag nug amegppa inam appeg doyaɗ! Yawe, Israel dilag Kayak, Nug nai na doome, Nug nai amunu inam atte.

2 King 24:7

Gemu amu Babilon dilag king nug wan Isip dilag wan tomppanu digma ukka, le Yupretis batom, anukka Isip gumom amu, gemu Babilon dilag king nug wan amu oh awa gumom. Anam amunu, Isip dilag king nug nuhikkud ban danab ele ag baula gona, wan laalappa ban ii heppig.

Prowerb 21:30

Doyak dabmak ena ele laa, o diignu doyak tutukku laa, o maittak awak laa; amu oh oolagppanu Yawe eɗidkkunu elele iitta.

Aisaia 30:7

Ag Isip gotteb, amge Isip nug ag ehanadkkunu elele iittanab iitta. Isip nug anam daatte amunu, da Isipnu, “Nug am doɗ beɗu okkai okkai, amge gai-iitta daatte,” attem.

Aisaia 36:6

Antteg! Isip am dudqak hokkat nau, qao aoɗakppa hak bia daatte. Danab nug dudqak hokkat amu eppegppa aɗa, dud qa oikkunu heebeb, hokkat amuam eppeg yaakku. Isip anam daatte, amge na ag na ehanidkkulagnu dabmettem. Aun aɗi ag Isip ehanadkkunu dabmetteb ele amu, Isip dilag king Paro, nug ahilagppa dudqak hokkat anambia daatte,” ’ ” awa aum.

Jeremaia 2:18

Ag laa ag Isip appanu ehanittak aoglagnu hetteb, amge aɗinu?. Ag laa ag Asiria appanu ehanittak aoglagnu hetteb, amge aɗinu? Ag wan aɗit amuppanu ehanittak ii aomna.

Jeremaia 2:36

Ag dabmak digdig dim lamidnana, kobol kaboliak kuɗum hetteb. Tatam ag Asiria ehanadkkulagnu dabmeppig; iitta anidna, ag ahan, Isip ehanadkkulagnu goppig. Amge ag ele ii ehanadmana.

Jeremaia 2:37

Da laa ag Israel, ag ahilagnu ehanittak aoglagnu oolagppa genab dootteb, da laa amu geɗadmi; ag Israel, ag ahilagppa ehanittak ii aomna amunu, ag Isip dilagppa ele oo uugnab, uɗa nak ele doon, ahan Isip uuglag.” Yawe Nug anam atte.

Jeremaia 21:1

Sedekaia nug Juda dilag king dayeye, Yawe Nug Jeremaia nai laa mette doyom. Amu inam beum. Sedekaia nug king dayeye, Babilon heppeg, Juda nauhkkulagnu heegeg, Sedekaia nug Malkiya bekka Pasur amu Masea bekka Sepanaia, nug mana mettak danab amu, nug aa goya, Jeremaia keeke laanu oɗ mettaglahnu maate gopiɗ. Aa goya teya, aa Jeremaia amegppa apiɗ.

Jeremaia 21:2

“Babilon dilag king Nebukatnesar nug banenig uɗia, ban hette amunu, na Yawe amunu oɗ medakkutnu oɗ medattep. Anukka Yawe Nug haen laala nuhig ɠagattagppa kobol danab hekkunu elele iitta hatta, Nug ig Israel ehanikke, ena daamut. Amu na gemu Yawe anam ehanikkeb, Nebukatnesar nug ban hak uua, aha uuikka gokkutai, o iittatai, na Yawe amunu oɗ medappe, aɗi ab, appe doognihnu oɗ medattep,” aoya apiɗ.

Jeremaia 37:3

Ag nai amu ii dabmedappig, amge King Sedekaia nug Selemia bekka Jehukal, amu Masea bekka Sepanaia, nug mana mettak danab, nug ele aa nuhig nai aoya goya, propet Jeremaia amegppa, “Na Yawe, Nug ihinig Kayak, na Nug ig ehanigkkunu unuqidkkutnu oɗ medattem,” akkulahnu maate gopiɗ.

Jeremaia 37:5

Babilon dilag daup ag Jerusalem oo mettan, aqaglagnu maadna daaegeg, Paro am nuhikkud daup ele ag ahan uɗiglagnu uɗiegeg, Babilon dilag king, nuhikkud daup ele ag nai doon, ag Isip ele ban hekkulagnu ahan, Jerusalem uun goppig, haen amuppa Sedekaia nug nai amu Jeremaia dookkunu me ukkom.

Jeremaia 37:6

Amu haen amuppa Yawe Nug nuhig nai imu propet Jeremaia mettom.

Gayak Nai 1:7

Kekeɗ ag Juda danab ah guittak mattaeg, gemu ag wan laalappa daan oinna; ag anukka enaib, enub ele daappignu dabmetteb. Kekeɗ ag eɗadppig haenppa laa ag, ag ehanadkkulagnu laa ii daappig; haen amuppa Juda dilag kekeɗ ag Juda danab ah nauhegeg anadnana, imadppig.

Gayak Nai 4:17

Haen amuppa ig huu laa ag uɗin ehanigppeg, ig ii mauhmatanu dabmak okkainab aot, neegta daamut, amge ag ii uɗippig. Ge, ihinkad aɗi uɗitte anittak danab ag lag attan ta ukkak menppa hak, ag amuppa daanna, neekkeg ukke, huu laa ig ii nauhmatanu uɗin ehanigppeg anidkkulagnu daappig, amge huu amu ii uɗippig. Amu huu amu uɗilob, ag ehanigkkulagnu elele iitta.

Esekiel 17:17

Nug Isip dilag okkai Paro, nug nug ehanidkkunu dabma he, nai amu Isip wanppa ukkom, amge Paro, nuhikkud daup huanaknab, ɠagattag ele ag nug ii ehanidmana. Babilon dilag king nug nuhig daup ele ag uɗin, Juda dilag daup, danab ah ele kuɗum aqaglagnu hena, Jerusalem talilidna, ban henana, ag wan buun, aabnu aɗ elele mekkulagnu aon gokkaɗnana, bannu keeke laala ele bappaidkkulag amu, haen amuppa Paro nug Juda dilag king nakok laa ii ehanidma.

Esekiel 29:16

Da amu heppi, Israel ag baula Isip ag ehanadkkulagnu ii dabmemana. Ag Isip appanu ehanittak aoglagnu ii dabmekkulag, amge ag Isip ɠagattag iitta anidnana, ag anukka hipunin hena, da uuiɗna, Isip appa ehanittak aoglagnu dabmeppig amu, ag amu dabmenana, ag, ‘Ig kobol amuppa hipunin hemut,’ doon oiglag. Keeke amu oh anam beeb amu, ag dooglag, da am Naɗi Yawe.” Yawe Nug anam atte.

Esekiel 30:22

Anam amunu, Naɗi Yawe Nug inam atte. “Da Isip dilag king Paro, da nuhig hak amunu eheɗ doyeye, da ool ii medattem. Da heppi, nug eppeg laih laih oh qiiglah. Laa gemu ena daatte, laa gemu qiiom daatte. Da amu heppi, qep elab nuhig am eppegppanu wanppa na qekku.