Jeremaia 37:21 - Nobonob Baibel

²¹ Jeremaia nug anam a, King Sedekaia nug he, danab king gumappig laulag haɗap-ppa, amuppa ag Jeremaia meeg dayom. King nug anam ana, nug ag ib onig Keeke Manaknu Ib, ag appanu deɗ anen anen bret maha laippu aon, Jeremaia mettaglagnu ele aum. Ag anam hebeppeg ukkeb ukkeb, bret aab okkai amuppa iitta meeb, haen amuppa bataglagnu aum. Nug anam aum amunu, Jeremaia nug king gumappig laulag haɗap amuppa dayom.

Jeremaia 37:21 ပူးပေါင်းရင်းမြစ်များ

2 King 25:3

⌊Babilon ag aab okkai talilidna daappig amunu, aab ooppa daappig ag dimittim gona, ee aoglagnu elele iitta.⌋ Ag anam daaeg ukke, Sedekaianu king dayaknu maɗ 11 ooppa, kalam ebqak waɗele, kalam amunu deɗ eblaih waɗeleppa ee iittanab meum. Danab ah ag ee laa aon lakkulagnu am iittanab iitta.

Job 5:20

Enug haenppa Kayak Nug uug amunu qagaiettakppanu eɗua uhuqeb, na ii mauhmana. Ao, ban haenppa Nug heeb, laa qep elabppa ii duut oma.

Sam 37:19

Uug naunab haenppa keeke nauhkkulag me, ag am bau elele daaglag. Ge, enug haen daakku me, ag am ee elele ele daaglag.

Sam 37:3

Na Yawenu ootppa genab doonna, ena hee! Na wanppa daanna amu, na oo metta ii uuak kobol atognonana hee!

Prowerb 16:7

Haen danab nug Yawe oo daatte bia oitte amu; Kayak Nug he, danab amu nug laikkud aakkuib iitta, nuhikkud kekeɗ ele ag nug ele oolag maɗoɗ ele laippu daatteb.

Prowerb 21:1

King nug Yawe eppegppa daatte, amuam lenag bia. Ao, Nug le ippu adeppa gokkunu he, le gotte bia, Nug kingnu dabmak attem bekkunu he bette.

Jeremaia 20:2

nug he, ag Jeremaia, nug propet amu, ag nug eheɗ makkuɗnana, ag aon gona, Yawenu mettid lagnu aɗnu od laa onig Benyaminnu Od Attan, ag aben amuppa ag nug eppeg, baeg ele ad mahappa qagappig.

Jeremaia 32:2

Haen nug Jeremaia amegppa amunu aum amu, Babilon dilag king, amu nuhikkud daup ele ag Jerusalem oo mattan, aqaglagnu maadna daaegeg, propet Jeremaia nug King Sedekaia oɗeppan nai bia, nug Juda dilag daup king gumappig ele laulag, lag amuam Juda dilag kingnu lag enanagnab guguittak, nug lag amunu haɗap-ppa maniguittak dayom.

Jeremaia 32:8

Yawe Nug da amelppa Hanamelnu aum amu, anamnab da amal nakok Hanamel nug uɗia, da daup king gumappig laulagnu haɗap-ppa daamippa ba, nug da amelppa aum. “Dahil wan maha laa Benyamin wanppa, Anatot guguittak daatte amu, na ihinig ɗoppa wan amu laa eppegppa dayaknu qagaiettakppanu eɗua uhuqak hekkutnu daattem amunu, laa ag daden memananu, wan amu nahip daakkunu na daden me!” awa aum. Nug anam aum, da amu bekkunu tatam Yawe oɗeppa doomi amunu,

Jeremaia 33:1

Amu Sedekaia nug he, Jeremaia nug daup king gumappig laulagnu haɗap-ppa maniguittak dayeye, tatam Yawe Nug nuhig nai laa Jeremaia mettowa, amu dimppa Yawe Nug baula nai Jeremaia medatta, Nug nuhig nai imu Jeremaia mettom.

Jeremaia 38:13

ag muɗippa nug eeɗeg ba, dimittim beum. Nug ba, dimittim uɗia, nug aakku daup king gumappig laulag haɗap-ppa dayom.

Jeremaia 38:28

Anam aakku Jeremaia nug daup king gumappig laulag haɗap-ppa maniguittak daye ukke, deɗ Babilon ag Jerusalem eɗidna aoppig, deɗ amu batak.

Jeremaia 38:6

Sedekaia anam aum amunu, danab amu ag muɗi aon, le moɗ laa daup king gumappig laulag haɗap-ppa dayom, le moɗ amuam king bekka Malkiyanu amu, ag muɗi amuppa Jeremaia paɗaeg no, le ii dayeye, lekkoh gai-iittaib dayom amunu, Jeremaia beɗu laih am lekkohppa noum.

Jeremaia 38:9

“O dahil naɗi, na king, danab ag propet Jeremaia, nuhigppa kobol digdig heppig amu, ag nau heppig. Ag nug aon, le moɗppa buɗieg noum daatte. Nug le moɗppa daatte amunu, aab okkai imuppa ee iitta meeb, nug aakku enugppa mauhkku,” awa aum.

Jeremaia 52:6

Babilon ag aab amu talilidna daappig amunu, aab okkai ooppa daappig ag dimittim gona ee aoglagnu elele iitta. Ag anam daaeg ukke, Sedekaianu king dayaknu maɗ 11ppa, kalam ebqak waɗele, kalam amunu deɗ eblaih waɗeleppa ee iittanab meum. Danab ah ag ee laa aon lakkulagnu am iittanab iitta.

Gayak Nai 5:10

Danab enug eheɗnab qe, beɗu eheɗ gakkaɗtte; amubia ig enugnu beɗunig gakkaɗaknab daatte.

Matyu 6:33

Amge tatam ag Kayaknu ɗo maɗoɗnu, amu genab tutukku kobol ele hekkulagnu anuqak dooppeg, geha Nug keeke amu oh ele ag madakku.

Aposel 12:5

Anam amunu, Pita nug maniguittak ooppa dayeye, Kristen tamaniakppanu danab ah ag nuhignu oolag unuqagppanu Kayak unuqidppig.

Aposel 24:27

Amu Peliks nug anam haaha dayeye, dimppa maɗ aɗit ukke amu, Porsius Pestus nug Peliks abenab aokkunu uɗiom, amge Peliks nug Juda ag oolag ena daakkunu Pol maniguittakppanu ii uhuqom.

Aposel 28:16

Ɠagattag awe, ig Rom ooppa nout am gabman nug a, Pol nug nukka lag laappa dayeye, ban daup danab laippu gumeme daapiɗ.

Aposel 28:30

Maɗ aɗit Pol nug nukka lag daden meum amuppa dayaya, danab ah oh ag nug gumidna uɗippig uɗiegeg, nug ag ele laippu dayaknu ooppa eleleib doya, diieye daappig.

Epesus 4:1

Da Naɗinu uɗat hettem amunu, da maniguittakppa daattem. Da anam dayeye amu, da Kayak, Nug ag onilagppa eum, da amunu dabmein, da ag ahan, ewak baag amu attem oiglagnu ippuanadtte, ag amu dim lamidnana tutukku eleleppa oiglagnu iikku ahilkad dabmak maɗedattem.

Epesus 6:20

Ao, da Nai Ena imu madittem amunu da maniguittakppa daattem. Ge, da amu madikkulnu uɗat ele amunu amu, ag Kayak Nug heeb, da helom bia da baɗak iitta dayen, nuhig nai madikkulnu unuqitteg!

2 Timoti 1:8

Amunu amu na ihinig Naɗinu madikkutnu uɗan aib neum. Da nuhig nai mehuqen, maniguittakppa daattem amu, dahilnu ele na uɗan aib neum. Iitta. Kayaknu ɠagattag amu ehanittebeb, da na ele i oh uug laala Nai Ena mehuqaknu betteb amu, uug amu oh i maoɗ oiɗu!

2 Timoti 2:9

Da Nai Ena imu madittem amunu, danab ag dahilnu, “Nug am danab nau,” ana, uug digdig meɗatteb. Ao, ag amu oh henana, ag da maniguittakppa ele meiɗppig, amge Kayak nai amu maniguittak daakkunu elele iitta.