Jeremaia 37:2 - Nobonob Baibel

² Amge nug, nuhikkud ehanittak anuqak danab, amu Juda danab ah ele ag Yawenu nai Nug propet Jeremaia oɗeppa mattiom amu, ag daulag human, nai amu ii dabmedappig.

Jeremaia 37:2 ပူးပေါင်းရင်းမြစ်များ

2 Samuel 10:2

Nahas nug mauhe, Hanun king daye, Dawit nug inam dabmeum. “Nahas nug dahilnu oo mauhaknab kobol doya dim lamittom, amubia da nug bekkanu ele oo mauhaknab kobol doye, dim lamidkkul,” dabmeum. Dawit nug anam dabmeum amunu, nug nuhikkud danab laa gona, oo doyak ehanittak nai Hanun amegppa akkulagnu maatte goppig. Nug maatte gona, ag Amon wanppa teppig.

2 Samuel 12:25

Yawe Nug nid amunu oo mauhom amunu, Nug propet Natan nug ukka, nid onig Jedidia ataɗkkunu me ukkom.

1 King 14:18

Ag nug gaɗa boumona, Israel oh ag nid amunu mahidppig. Yawe Nug propet Ahaiya, nuhig maɗi nid, Nug nug amegppa aum, am amubia elele mettom.

1 King 16:7

Genab, Basa nug ii mauhom haenppa amu, nug Yawe noobppa hipunin Jeroboam, baekkudppa ele heppig bia heum. Am Basa nug he, Yawe Nug oo huan nauhom. Am laa ele, Basa nug Jeroboamnu danab oh aqom amunu, Yawe Nug nuhig nai Hanani bekka, propet Jehu mette, nug Basa gumitta ukka, amegppa Yawenu nai mattiom.

2 Stori 36:11

Sedekaia nug maɗ 21 dayaya, nug king ba dayom. Nug king ba, nug maɗ 11 Jerusalem appa king dayom

Eksodas 4:13

Yawe Nug anam aum, amge Moses nug eɗua amegppa aum. “O Naɗi, ⌊gadon, da elele iitta.⌋ Na danab laa appe gokkunu oɗ medattem,” awa aum.

Prowerb 26:6

Na danab laa nug Kayak dab-ii-maama ii dim lamidtte ele, na nug nahip nai laa awa ukka, laa amegppa mattieb dookkunu eppegppa mekkut amu; kobol amuam na nakka baen laplap okkulatna, buɗiatppe gokkulah, o na le nau, danab qe mauhtte ele, na amu lakkut, na amubia hettem.

Prowerb 29:12

Gumak danab laa nug hambuppuak danab dilag nai dootte dayeb amu, nuhig ehanittak anuqak danab oh ele ag aakku nau hak danab bena daaglag.

Jeremaia 34:2

“Da Yawe, da Israel dilag Kayak, da inam attem. ‘Jeremaia, na ahan, Juda dilag king Sedekaia toppa gona, na inam appe doyaɗ! Yawe Nug inam atte. “Da heppi, Babilon dilag king nug aab okkai imu eɗitteb, nug eppegppa dayeb, nug amoteb eokku.

Esekiel 21:25

Amu na Israel dilag anuqak danab, na da, Yawe, na dahil neekkakppa ootppa dubuttid ele, na nau hak danab, nahip haen aakku gogppa teum daatte. Ge, na bu aokkutnu haen aakku uɗiom daatte,” awa atte.

Hosea 12:10

Da ⌊ag nau aomnanu, da⌋ dahil propet amelagppa nai mattimi. Da hei, ag tulegleg kuɗum anidppig. ⌊Da amu hein, da hei, propet ag uɗin, ag amelagppa mattiegeg, ag dooppig⌋. Ele amu, da propet keeke danab ag dootteb ii dootteb ele ouaqatta, ippunittak nai kuɗum ippuanatti, ag mattiegeg dooppig.” Yawe Nug anam aakku atte.

Lewitikas 8:36

Yawe Nug Moses oɗeppa ag anam hekkulagnunab ippuanattom amu, Aron, nug bekkod ele ag anamib heppig.

1 Tesalonaika 4:8

Amunu amu danab nug nai amu dimedatte, nug danab di-ii-medatte. Iitta. Nug Kayak, Nug nuhig Ouɗi ag madatte ele amu, Nug dimedatte.