Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jeremaia 36:6 - Nobonob Baibel

6 amunu, na da abenal aon, appa gokkutnu ool daatte. Na ee ohnu kud ma dayaknu deɗ laappa, na deɗ amuppa buk na Yawe nai ippuniɗe, da ai, na yaame imu amu, na buk itoɗiak amu aon, Yawenu mettid lag, na amuppa gona, danab ah appa daatteb ele dooglagnu na buk amuppan nai ebqekkut. Juda danab ah ag ahilkad aab anen anennu uɗitteb ele amu, na ag amelagppa ebqeppe, ag doyeg!

အခန်းကိုကြည့်ပါ။ ကော်ပီ




Jeremaia 36:6
13 ပူးပေါင်းရင်းမြစ်များ  

Anam amunu, Jeremaia, na danab ah Jerusalem daatteb, Juda danab ah laa oh ele inam amelagppa appe doyeg! ‘Yawe Nug inam atte. Antteg! Da uug naunab ahilagppa bekkunu babaittette daattem, da ag nau aoglagnu ib aakku ooɗttem amunu, ag anen anen ag nau tuɗidna hemananu ag oolag eɗueb, ag ahilag kobol, ahilag hak ele tutukku dayaɗ!’


Aria Yawe Nug Jeremaia amegppa anam a, Jeremaia nug amu oh ha mala, nug aben onig Topet, Yawe Nug appa ukka, dimppa aɗi bekkunu nai madikkunu me ukkom amu, nug aben amuppanu aha, eɗua Yawenu mettid lagnu haɗap-ppa dayaya, nug danab ah oh amelagppa aum.


‘O na Juda dilag king, na Dawitnu sia kingppa daattem amu, na, amu nahipad ehanittak anuqak danab, amu nahipad danab ah ele ag oh ag aab imunu aɗnu odppa uɗin, aab ooppa gotteb ele amu, ag Yawenu nai imu doyeg!


Nug da amelppa inam aum. “Jeremaia, na ahan, da, Yawe, da laulppa Israel danab dilag haɗap-ppa daanna, na danab ah Juda aab anen anennu uɗin, ag da Yawe, ag da laulppa da noolppa dup nona binal mekkulagnu uɗitteb ele amelagppa da na aɗi nai na amenppa akkutnunab attem amu, na amu madippe doyeg! Na nai da ippunidkkul amu, na nai amu huppu nakok laa aibnab tippalme.


“Jeremaia, na buk itoɗiak ele laa aon, da aɗi nai kuɗum na amenppa Israel wan, Juda wan, amu wanppan wan laa oh ele dilagnu ain malami amu, na buk amuppa ye! Da Josaia king daye digmein, na amenppa ai uɗie uɗie, gemu batak nai mattimi amu, na nai amu ohnab buk amuppa ye!


Yawe Nug Jeremaia amegppa anam aum amunu, Jeremaia nug Neria bekka Baruk onigppa e uɗia dayeye, Yawe Nug nai oh Jeremaia amegppa mattiom amu, Jeremaia nug nai amu Baruk amegppa mattieye, Baruk nug buk itoɗiakppa yom.


“Da am Yawe. Na Juda danab ah ag nai imu dooglagnu, na da laul odppa daanna, mehuqppe doyeg! Na mehuqnana, na inam a! ‘Ag Juda danab ah oh, ag lag imunu aɗ odppa Nug noobppa dup nona binag mekkulagnu uɗitteb ele, ag Yawenu nai imu doyeg!’ aon akkut.


Yawe Nukka Ɠagattag Oh Ele Nug inam atte. “Ag Juda ag kalam waɗeleppa, kalam tanig eleppa, kalam eblaih aɗitppa, am kalam eblaih laihppa ele, ag kalam amunu deɗ laala ee ohnu kud men daatteb amu, da heppi, haen amu oh ag qagmak gamag ahak ele bena daaglag. ⌊Amge ag da tutukku dim lamiɗppeg, keeke amu oh anam bekku⌋ amunu, ag doyak diig genabib, maɗoɗ kobol elenu oo mauhak doyeg!” Yawe Nug anam atte.


Ig anam qinobnob gota, deɗ kuɗum kakidmut, Juda dilag kud ma ee oh ii lanaknu deɗ amu ukka iitta meum amunu, yuppa oiyaknu nauhak miag dayeye haen aakku doum. Yu nauha auta awom amunu, Pol nug aha amelagppa aum.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ