Jeremaia 36:4 - Nobonob Baibel

⁴ Yawe Nug Jeremaia amegppa anam aum amunu, Jeremaia nug Neria bekka Baruk onigppa e uɗia dayeye, Yawe Nug nai oh Jeremaia amegppa mattiom amu, Jeremaia nug nai amu Baruk amegppa mattieye, Baruk nug buk itoɗiakppa yom.

Jeremaia 36:4 ပူးပေါင်းရင်းမြစ်များ

Aisaia 30:8

Yawe Nug da ⌊nuhig nai Juda dilagnu⌋ yaappi dayebeb, gemu, hanhan ele nai amuam Yawenu dabmak ippunattatta daakkunu da amelppa aum. “Na ahan, uɗugppa ye! Ao, na buk itoɗiakppa ye!” awa aum.

Aisaia 8:1

Am Yawe Nug da amelppa inam aum. “Na yaaknu buk itoɗiak ele okkai laa aon, na pen laa, danab oh ag pen amubiappa haen oh nai yaatteb ele amu, na amu ele aon, amuppa na pepa qaɗeppa nai imu yaakkut, ‘Maher Salal Has Baz.’

Jeremaia 25:13

Amu Yawe Nug atte. ‘Da heppi, aɗi nai laa Jeremaia oɗeppa wan amuppa uug bekkunu mattimi, amu wan laalappa ele nug oɗeppa uug bekkunu mattimi, nai amuam meu okku. Propet nai amu oh, Jeremaia mattiom amu, nai amu oh buk imuppa yaak niitte.

Jeremaia 30:2

Yawe, Israel dilag Kayak, Nug atte. “Jeremaia, na buk itoɗiak ele aon, aɗi nai laala da na amenppa akkul amu, na nai na amuppa ye!

Jeremaia 32:12

da pepa aɗit amu oh Neria bekka Baruk mettami. Neria mameg am Masea. Da amal Hanamel, laa ag pepa aɗit amuppa aɗi aɗi daatte anidna, onilag yaappig, amu Juda laa lag amunu haɗap-ppa daappig oh ele noolagppa da pepa aɗit amu Baruk mettami.

Jeremaia 36:14

Ag amu doon, kingnu ehanittak anuqak danab ag Netania bekka Jehudi, nug alag am Selemia, dokkiab am Kusi, ag nug ukka, Baruk amegppa, “Na buk itoɗiak ele na danab ah amelagppa ebqeme ele amu, na buk amu aon do!” akkunu meeg ukkom. Ag meeg ukka, Baruk amegppa anam aum amunu, Neria bekka Baruk nug aha, buk amu aɗaɗa, ag gumatta ukkom.

Jeremaia 36:21

Ag aeg doya, nug Jehudi nug buk itoɗiak ele amu awa dokkunu me, nug ukka, buk amu awa uɗiom. Buk amuam king laugppa oo laappa, nai yaak danab Elisama, nug oo amuppa uɗat hette ele, nug buk amu oo amuppanu awa doa ebqe, king, am nuhikkud ehanittak anuqak danab oh king guguittak hippaidna daappig ele, ag oh dooppig.

Jeremaia 36:23

King nug aab anam uɗikka dayeye, Jehudi nug buk itoɗiak ele ebqaaqa, nug maha ewam o waɗele ebqa male, king nug buk amu awa, qep nagppa maha ebqa malom ele okkula awa, aabppa buɗie te ewewe, Jehudi baula maha ewam o waɗele ebqe, nug baula anam heum. Anam heeh ukke, king buk oh aabppa mane ewom.

Jeremaia 36:26

King nug danab ewam dilag nai doya, kobol ena laa ii heum. Iitta. Nug nug bekka laa Jeramel, Asriel bekka Seraia, amu Apdel bekka Selemia ele, ag ahan gona, yaak danab Baruk, amu propet danab Jeremaia ele aɗalatna, maniguittakppa maatkkulagnunab amelagppa aum. Nug ag amu hekkulagnu aum, amge Yawe Nug danab aɗit amu lokkumatom amunu, ag mattialatna anatkkulagnu elele iitta.

Jeremaia 36:27

Aria, nai Jeremaia a, Baruk buk itoɗiak eleppa yom amu, king nug buk amu mane ewe, dimppa Yawe Nug nuhig nai imu Jeremaia mettom.

Jeremaia 36:28

“Jeremaia, na buk itoɗiak ele laa aon, nai buk itoɗiak tatamnuppa yaak dayom, Juda dilag King Jehoiakim mane ewom ele amu, na nai amu oh buk laa amuppa ye!

Jeremaia 36:32

Yawe anam a, Jeremaia nug nai amu doyom amunu, nug buk itoɗiak ele laa awa, Neria bekka Baruk, nug am yaak danab, nug mette awe, Jeremaia nug nai mattieye, aakku nug bukppa yom. Buk itoɗiak laa tatamnu, buk amuppa nai oh daye, Juda dilag king Jehoiakim aab aɗuppa mane ewom ele amu, nug nai amu oh buk imuppa eɗua yom. Nug amu ye, Jeremaia nug nai laa amubia kuɗum laa ele tuɗitta a ne, nug amu ele yom.

Jeremaia 36:6

amunu, na da abenal aon, appa gokkutnu ool daatte. Na ee ohnu kud ma dayaknu deɗ laappa, na deɗ amuppa buk na Yawe nai ippuniɗe, da ai, na yaame imu amu, na buk itoɗiak amu aon, Yawenu mettid lag, na amuppa gona, danab ah appa daatteb ele dooglagnu na buk amuppan nai ebqekkut. Juda danab ah ag ahilkad aab anen anennu uɗitteb ele amu, na ag amelagppa ebqeppe, ag doyeg!

Jeremaia 43:3

Iitta. Neria bekka Baruk, nug na eheɗ heigkkutnu duttunitte, na Babilon dilag daup ag uɗin, iqappeg mauhkkunignu, o iitta ag aigna, Babilon goppeg, appa ig diia ukka laih me dayak danab ah daagnignu anam ame,” aon appig.

Jeremaia 51:59

Amu Juda dilag king Sedekaia nug king abenab awa, nuhig king dayaknu maɗ waɗeleppa nug he, nug Seraia ele Babilon gopiɗ. Seraia nug Sedekaianu ehanittak danab okkai laa, amu aa gokkulahnu daaeheh, Jeremaia nug Neria bekka Seraia, Masea alag amu, nug nai imu nug mettom.

Jeremaia 51:60

Nai nug mettom amu, nai amuam uug naunab oh Babilon dimppa bekkunu nai imu. Jeremaia nug nai aɗi aɗi Babilon dilagnu Yawe he doyom amu, nug nai amu oh buk itoɗiak eleppa ya, nug Seraia mettom.

Esekiel 2:9

Yawe Nug anam da amelppa a, da neekki ukke, danab eppeg dahilppa bahia daye anidmi. Am nug eppegppa buk itoɗiak laa dayom.

Daniel 7:1

⌊Amge amu oh ii nak haenppa,⌋ Babilon dilag king Belsasar nug king abenab awa, maɗ laa ii ukkom, nuhig king dayaknu maɗ tatamnu amu, Daniel nug tul niiom. Nug niiak abenppa niiaya, tul niia, tuleglegppa keeke digdig anttom. Nug tul anam niia, aɗi aɗi anttom amu, nug amunu nai ikki ikki am yom.

Sekaraia 5:1

Amu da Sekaraia, da baula neekki ukke, da buk itoɗiak ele hagagaɗa ugekke anidmi.

Rom 16:22

Aria, da Tertius, da Pol oɗe awe, nai imu ahilagnu yaami amu, da ag ele, ig oh Jesusnu oonigppa genab doottem amu, da ag humadttem.