Jeremaia 35:4 - Nobonob Baibel

⁴ Da ukken, omalatte uɗien, da Yawe laug heqo laih oo laa, oo amuam Kayaknu danab laa onig Igdalia bekka Hanan bekkod dilag oo amu, da oo amuppa temi. Igdalia nug am Kayaknu danab. Oo amu heqo laih amu kingnu ehanittak anuqak danab dilag oo dayom. Oo amu waappa Salum bekka Maseanu oo dayom. Masea nug laugnu od gumom.

Jeremaia 35:4 ပူးပေါင်းရင်းမြစ်များ

1 King 12:22

Rehoboam nug anam heum, amge Kayak Nug propet Semaia, nug Kayaknu danab amu, Nug nug nai mettom. Nai nug mettom am inam.

1 King 13:1

Aria, Jeroboam nug mana mettak hekkunu qaɗab Betel appa ha, aguppa mana mettak hekkunu ukka dayeye, Kayaknu propet danab laa Juda wanppanu aha ukke, Jeroboam nug qaɗab amu guguitta hibaitta dayeye, propet amu nug Jeroboam gumitta teum. Propet amuam Juda danab, Yawe Nug propet amu amegppa nug Judanu aha, nug Betel gokkunu a ukkom.

1 King 13:26

Am haen propet kaino nug he, Judanu propet eɗua uɗiom ele, nug keeke amu beumnu nai doya, nug aum. “Amuam Judanu propet, nugib. Nug Yawenu nai tappe neum amunu, Yawe he, laion nug uɗia, nug beɗu he nauhe, qe mauhom. Yawe Nug aum bia, am aakku beum,” awa aum.

1 King 17:18

Aakku ah nug Elaiya amegppa aum. “Kayaknu danab, na aɗinu dahilppa kobol imu heme? Na uɗin heppe, Kayak Nug dahil hipunin eɗua daugppa dob heeb, nid dahil imu oɗe awa, mauhkkunu uɗimete?” awa oɗ mettom.

1 King 17:24

Nug anam a amu, ah nug Elaiya amegppa aum. “Genabnab genab, gemu da doottem. Na Kayaknu danab. Genabnab, na nai mehuqttem amu, Yawe Nug nukka nai amu na medette, na nai amu mehuqttem. Am nai genabib,” awa aum.

1 King 20:28

Amu Kayaknu propet laa nug nai awa ukka, King Ahap toppa ukka, nug Ahap amegppa aum. “Yawe Nug inam atte. ‘Aram danab ag da Yawe, dahilnu, “Nug am atu qaukonu Kayak, Nug am atu uɗemnu Kayak iitta,” aon atteb amunu, da geha heppi, ag Israel ag ahan, Aram ban danab ameg naɗi amu eɗattona, geha ag Israel ag dooglag, da am Yawe,’ awa atte,” awa aum.

2 King 1:9

Aakku king nug ban daup ikki, ban danab 50 ele maatte, Elaiya omalna uɗiglagnu goppig. Ag gona, aab Elaiya daatte, amuppa tena, ban daup ikki nug neekka, Elaiya nug qauko nakok igippa ta dayeye antta, ikki danab nug Elaiya amegppa inam aum. “Kayaknu danab, king nug atte. ‘Na nee!’ ” awa aum.

2 King 12:9

Anam amu, mana mettak danab Jehoiada nug kunup laa awa, amuppa oɗe ha, kunup amu qaɗab guguittak meum. Nug danab Kayak laug ooppa gokkunu ugekke, nug eppeg naɗiap-ppa, qaɗab guguittak, appa meum. Amu mana mettak danab ag lag amu od gumak daappig, ag danab ah men doɗo aon, Yawenu mettid lakka uɗieg, ag amu aon, kunup amuppa inappig.

2 King 25:18

Nubusaradan, nug daup Nebukatnesar gumappig dilag okkai amu, nug Juda dilag mana mettak ikki danab Seraia, mana mettak danab Seraia waappa dayom Sepanaia, amu Yawenu mettid lag od gumak danab ewam ele maniguatta,

2 King 5:14

Ag anam aeg, aakku Naman nug Jodan leppa ukka, nug noa, Jodan le haen eblaih aɗit ele layom; nug Elisa, Kayaknu danab, nug aum bia heum. Naman nug Jodan le laye amu, aria nug beɗuppa gaɗa oɗe nau ele, oɗe amu iitta me, nug beɗu gaɗa am bau, ena, nid nakok gaɗalag bia ena beum.

2 King 5:20

amu Kayaknu danab, Elisanu maɗi nid Gehasi nug nukka nuhig dabmak he be, nug inam aum. “Danab okkai dahil nug Aram danab Naman keeke medakkunu awa uɗiom ele, nug amu aokkunu uue, nug eɗua awa gotte. Aɗinu nug keeke amu uue, Naman nug eɗua awa gotte? Amunu da Yawe Nug genab bau daatte, genab amubia da qaietten, Naman dim lamitte ukke, nuhig keeke laala appi meɗakku,” awa aum.

2 King 6:10

Haen oh Elisa nug anam heum amu, Israel dilag king nug he, danab laa nug ukka anidkkunu ukkom. Haen kuɗum Kayaknu danab Elisa, nug Israel dilag king nug nau aomnanu dabmettak nai amu nug mettom. Elisa nug Israel ag aben amuppa mauhnoak oimnanu anam heum.

2 King 7:17

King nug ban daup ikki laa nug ehanidtte ele, nug nug aab okkainu aɗ od okkai amu gumakkunu otia me ukka gumom. Ban daup ikki amu nug aɗ od okkai amu guguitta hibaitta dayom. Nug anam dayom, amge haen danab ah ag aab okkai ooppanu bena, dimittim Aram daappig abenlagppa keeke aoglagnu qaiqaɗ gona uɗinna ehalegeg, nug na qa wanppa niieye, tappaeg tappaeg mauhom. King nug Kayaknu danab, Elisa laugppa ukke, Elisa nug danab amu amegppa aumbianab akku beum. Anukka king nug Elisa anidkkunu ukke, Elisa nug propet nai mattiom, nai amu gemu ba, elele mettom.

2 King 7:2

Elisa nug anam a amu, ban daup ikki laa king ehanidtte, nug king ele oh uɗipiɗ, nug Elisa nai amu a doya, nug nob ma inam aum. “Yawe Nug habnu od matulatta, ee kuɗum gokkaɗeb neeb mekkeb amu, ig men doɗo nakokppa ee anam ii daden memata,” awa aum. Nug anam a, Elisa nug danab amu amegppa aum. “Na amu attem, amge da ami am genabnab genab, keeke amu geha beeb na amenppa anidkkut, amge na ee amu nakok laa ii lamana,” awa aum.

1 Stori 9:27

Ag Kayak laugppa uug laa bema, diig amunu ag tuqan Yawenu mettid lag dimittim, lag amu talilidna, aben aben daanna, gumanna, ag Kayak laug buttua od matuladkkulagnu ki aɗan, uɗat amu ele hekkulagnu daappig.

2 Stori 8:14

Nug mameg Dawit nug, nug hekkununab aum bia, anamib nug mana mettak danab ag obatak anen anenppa daan, ahilag uɗat hekkulagnu otiatta, nug Lewi buɗubppan mana mettak danab iitta, ag oolagppanu laa ag danab ah ag Kayak binag mekkulagnu anuqak daaglagnu otiatta, Lewi buɗubppan mana mettak danab iitta, amu oolagppanu laa ag deɗ deɗppa aɗi uɗat daatte amu, ag mana mettak danab amuppa ehanadkkulagnu ele otiattom. Amu Dawit, Kayaknu danab, nug amu haknu aum amunu, Solomon nug ele Lewi buɗubppan mana mettak danab iitta, nug amu oolagppanu laa ag obatak anen anenppa daanna, ag odnu gumak uɗat od anen anenppa hekkulagnu ele otiattom.

Sam 84:10

Deɗ laippu na guguitta dayaknu am enanag. Deɗ 1,000 atu laih adekku dayaknu am enanag iitta! Da Kayaknu mettid lag, da amuppa od gumak danab aakkuib daakkul am enanag. Da nau hak danab ele daat, keeke ena ena ele aɗat oignig, amuam eheɗ, am nau.

Jeremaia 21:1

Sedekaia nug Juda dilag king dayeye, Yawe Nug Jeremaia nai laa mette doyom. Amu inam beum. Sedekaia nug king dayeye, Babilon heppeg, Juda nauhkkulagnu heegeg, Sedekaia nug Malkiya bekka Pasur amu Masea bekka Sepanaia, nug mana mettak danab amu, nug aa goya, Jeremaia keeke laanu oɗ mettaglahnu maate gopiɗ. Aa goya teya, aa Jeremaia amegppa apiɗ.

Jeremaia 26:10

Anam heeg, haen Juda dilag kingnu ehanittak anuqak danab ag amu doona, ag nug hettoɗiglagnu, ag kingnu lag enanagnab uun ahana, Yawe laugppa goppig. Ag Yawe laugppa tena, lagnu aɗ taliliak, aɗ amunu od laa oɗeppa oo laa dayom amu, ag oo amuppa heɗep nena daappig. Od amunu ag, “Od Bau,” adappig.

Jeremaia 35:3

Yawe Nug anam aum amunu, da, Jeremaia, da ahe, Habasinia alag Jasania, nug mameg am Jeremaia amu, da nug, nug amakkud, amu nug bekkod ele, ag Rekap buɗub aakku, da ag omaladppi uɗiglagnu gomi.

Jeremaia 52:24

Nubusaradan, nug daup Nebukatnesar gumappig dilag okkai amu, nug Juda dilag mana mettak ikki danab Seraia, mana mettak danab Seraia waappa dayom Sepanaia, amu Yawenu mettid lag od gumak danab ewam ele maniguatta,

Esekiel 40:38

Amu Israel danab dilag haɗap-ppa, mana mettak danab dilag haɗap-ppa ukkakppan yawalti uɗitteppanu od oɗe, od laug ele, lag elab amu daugppa oo laa ele daatte. Oo amuam oo laa onig Entrans Oo, oo amu ele tuɗittak daatte. Entrans Oo am Israel danab dilag haɗap daatteppa daatte. Amu oo laa amu, amuppa ag manaknu ofa Kayak mettaglagnu heppig amu, ag doɗ amunu gaɗalag oo amuppa le ihappig.

Esekiel 43:8

Israel dilag king ag lag enanagnab ahilag da laul guguittaknab heppig. Aɗ aakkuib da ag ele gamagppa dayom. Ag beɗulagppaib anam da ag ele guguittaknab daappig, amge ag kobol digdig, da kobol amunu oolppa uuaknab doottem amu, ag kobol amu heegeg, danab ah laa dilag neekkakppa da onil oppiaawak ele aakku nau dayom amunu, da oo nauhak okkai doyen, da hei, ag aakku padal mena nauhppig.

Duteronomi 33:1

Itittak imuam, Kayaknu danab Moses nug mauhkkunu haaha, Israel danab ah mattom.

1 Timoti 6:11

Amge na Kayaknu danab, na keeke amu oh dimettan, awaidna daye! Na genab tutukku hak kobol, kobol Kayak Nug amunu oo hette, ooppa genab doyak kobol, nug oo mauhak kobol, ɠagattag dayaya uug oh mawaknu kobol, oo bodoettak kobol ele aɗan oiye!

Josua 14:6

Anam dayom, amge amu oh ii nak haenppa, Israel ag Gilgal appa daanna, haen amuppa Israel dilag huu okkai Juda danab laala ag Josua gumidna goppig. Ag gona amu, Jepune bekka Kalep, Kenis ted, nug Josua amegppa aum. “Haen ig Kades Barnea daautut amu, Yawe Nug Kayaknu danab Moses amegppa da na ele, ihinihnu Nug aɗi aum amu, na doottem.

1 Samuel 2:27

Aria, deɗ laa Kayaknu danab laa nug Eli toppa ta, nug Eli amegppa Kayaknu nai mattia, inam aum. “Yawe Nug inam atte. ‘Haen na alanad aɗi ag Paro waappa, Isip wanppa daaegeg, da miagib ahilagppa tule bemi.