Jeremaia 34:5 - Nobonob Baibel

⁵ Na maɗoɗ ele mauhkkut. Amu anukka Juda danab ah ag na mamenad aɗi king daappig, ag mauhattegeg, binalag mattaglagnu ag ahilag kobolppa aab okkai ilappig, amubia na mauhppe, laa ag na binan mekkulagnu anam hekkulag. Ag amu henana, ag akkulag. ‘O dahil okkai, gadonnab gadon,’ aon akkulag. Aɗinu? Da Yawe, da anam aakku heppi bekkunu nai attem.” Yawe Nug Jeremaia, Sedekaia amegppa anam akkunu aum.

Jeremaia 34:5 ပူးပေါင်းရင်းမြစ်များ

2 King 22:20

⌊Amu Yawe Nug inam ele king amegppa atte.⌋ Anam amunu, da heppi, na daanna, maɗoɗ ele mauhppe, ag na gaɗan ele na mamenad aɗi boumadppigppa boumidkkulag. Na uug naunab da heppi, aben imuppa bekku amu, na uug amu ii anidmana.” Hulda nug anam ag amelagppa a, ag nai amu aon, ag eɗun gona, king amegppa appig.

2 Stori 16:14

Amu Asa nug ii mauhom haenppa nug he, danab ag nuhig boumak aben menppa hoippig. Men moɗ amuam Dawitnu Aab, aab amuppa dayom. Amu Asa nug mauhe, ag nug aguppa boumna, ag spais, keeke muttuɗig enanag laala ele kuɗumnab amuppa meeg dayeye, ag aab naɗi nug binag mekkulagnu ilappig.

2 Stori 34:28

⌊Amu Yawe Nug inam ele king amegppa atte.⌋ ‘Anam amu, da heppi, na daanna, maɗoɗ ele mauhppe, ag na gaɗan ele na mamenad boumadppigppa boumidkkulag. Na uug naunab da heppi, aben imuppa, aben imuppan danab ah dilagppa ele bekku amu, na uug amu ii anidmana.’ ” Hulda nug anam ag amelagppa a, ag nai amu aon, ag eɗun gona, king amegppa appig.

Jeremaia 22:18

Josaia bekka Jehoiakim, Juda dilag king nug anam hette amunu, Yawe Nug nuhignu inam atte. “Danab ah ag nuhignu ii mahimna. Ag akka akka inam ii amana. ‘O da awal, gadonnab gadon. O da appinal, gadonnab gadon.’ Ag nuhignu ii mahimna. Ag akka akka inam ii amana. ‘O dahil okkai, gadonnab gadon. Nug danab ɠagattag okkai naɗi ele daye, dahil okkai daya, mauhom. O gadonnab gadon.’ Ag anam ii amana.

Jeremaia 34:4

Anam, amge O Juda dilag king Sedekaia, Yawe Nug nahipnu atte amu, na nai nuhig amu doye! Nug nahipnu inam atte. “⌊Na nakka na Babilon dilag king eppegppa na beɗun mekkut amu,⌋ na qep elabppa ii mauhmana.

Gayak Nai 4:20

Amu danab laa, Yawe nug ihinig king daakkunu goɗen gokkaɗakppa tituane, ig ehanikka auta autanab awom amu; kekeɗ ag ahilag pelem meeg, nug amuppa teum. Ig nuhignu, “Ig nug waappa daat; wanppan wan laa oh oolagppa ena daagnig,” dabmemut, ⌊amge iitta⌋.

Esekiel 17:16

Amu Naɗi Yawe Nug anam awowa, Nug tuɗitta atte. “Da genab bau daattem, genab amubia Juda dilag king nug ena ii daama; nug Babilon dilag kingnu wanppa mauhkku. Babilon dilag kingnu amu, nug Juda dilag king amu king abenabppa me dayom. Nug king amu ele nug tituanya, nai qakkaya, Juda dilag king nug Babilon dilag king waappa daakkunu nuhig nai ɠagattag qetta aum, amge Juda dilag king nug nai ɠagattag qettak nuhig amunu ena iinab doyom. Nug Juda dilag king amu ele nug tituanya nai qagapiɗ, amge Juda dilag king nug nai amu bippiɗom.

Daniel 2:46

Daniel nug tul niiak amunu Nebukatnesar amegppa a, Nebukatnesar nug Daniel binag okkai medakkunu nug noobppa gateg qaun o, gomela iɗu wanppa meum. Nug binag okkai Daniel metta, laa ag nug doɗ laa manan mettaknu, kalu danab ile muttuɗig enanag bette ele aon ilan, Daniel mettaglagnunab mattia aum.

1 Samuel 31:12

danab ɠagattag aab amuppanu oh ag ahan, ag tuqan gona gona, Betsan aabppa tena, ag Saul gaɗa, bekkod ewam gaɗalkad ele aab amunu aɗppa aihak daappig amu, ag gaɗalkad amu oh akkan, eɗun Jabes gona, mauhak gaɗalag amu aab aɗuppa manadppig.