Jeremaia 33:2 - Nobonob Baibel

² “Da Yawe, da wan hein, da nuhig abenppa daakkunu memi. Da onil am Yawe, amu da nai imu na, Jeremaia, da na amenppa attem.

Jeremaia 33:2 ပူးပေါင်းရင်းမြစ်များ

Sam 102:16

Aɗinu? Yawe Nug Sion baula buukku. Nug nuhig binag amahlak oppiaawak ele uɗikku.

Sam 87:5

Sionnu amu, danab ah ag akkulag. “Danab ah oh appalagnab am aakku.” Amu Laa Attannab Laa Oh Eɗattak Nug heeb, Sion ɠagattag daakku.

Eksodas 15:3

Yawe Nug am ban daup ɠagattagnab; Nug onig am Yawe.

Eksodas 6:3

Anukka da Abraham, Aisak, am Jakop ele gumatte nei, ag da onil, Kayak Nukka Ɠagattag Oh Ele, ag amuppa da dooiɗppig. Amge da onil Yawe, da onil amuppa, ag da dooiɗkkulagnu amu, da ii ippunadmi.

Aisaia 14:32

Amu haen Pilistia dilag nai awa ukkak danab ag uɗin, amunu ig oɗ megappeg, ig aɗi amelagppa akkunig? Ig geha ahilag oɗmak inam nob mekkunig, “Yawe Nug he, Sion nug eɗua ɠagattag daatte amunu, danab o ah nuhig aun nug uug maokku, nug ukka, Sion ta, nug padal mak eɗitteb ena dayaknu aben amuppa ena daakku.” Ig anam akkunig.

Aisaia 37:26

Senakerip, na anam ame, amge na nai imu iite doome? Anukkanab da Yawe, da keeke amu bekkunu tituanmi. Anukkanab da maittak amu aomi. Da amu hemi amu, gemu da hei, aakku beum. Ao, da hei, na amu oh henana, na hee, aab okkai ɠagattag aɗ ele am loppaɗattak, kinipan ameg okkai hume tak daatteb.

Aisaia 42:8

Da am Yawe, amuam da onil. Da uuppi, dahil binag amahlak oppiaawak ele am kayak hambuppuak laa, nuhigppa ii daama. Ao, da uuppi, kayak hambuppuak dottog laa da binal ii aoma.

Aisaia 43:1

Anam, amge gemu Yawe Nug he, ag Jakop buɗub ag huu laippu daatteb ele, Nug ag amelagppa atte. Ao, Yawe Nug, Nug he, ag Israel buɗub ag danab ah laippu daatteb, Nug ag amelagppa atte. “Da ag laa eppegppa dayaknu qagaiettakppanu eɗua uhuqak dayaknu hein madakkul amunu, ag aib baɗappig. Da danab nug laa onigppanab eewo dootte, amubia da ag onilagppa ei, ag dahilad daatteb.

Aisaia 43:21

Da Israel danab ah ag dahil hak ena anidna, ag amunu danab ah laa amelagppa akkulagnu da hei, ag huu laa aakku daan, dahiladnab daatteb.

Aisaia 62:7

Iitta! Ag Yawe unuqidppeg ukkeb ukkeb, Nug heeb, Juda danab ag Jerusalem eɗun kalan, ag eɗun uɗin, ahilag wanppa daappeg, Yawe Nug heeb, wan atu ohppan danab ah ag Juda huu binag mettaglag batak. Yawe Nug hik awa dayaya, amu ii hemanu amu, ag ii daan henan, Nug unuqitteg!

Jeremaia 10:16

Amge laa, Jakop buɗub dilag Kayak daatte, Nug amubia iitta. Iitta! Aɗinu? Nug keeke oh heum. Ge, Nug keeke oh, Israel ele hattom. Israel ag am nuhikkudnab danab ah. Nug onig am Yawe Nukka Ɠagattag Oh Ele.

Jeremaia 16:21

Amu Yawe Nug atte. “Danab ag kayak amu hetteb amunu, da ag ippunittak madakkul. Gemu da dahil ɠagattag, da ebehil ele ippunadkkul. Da anam ippunadppi, ag daib am Yawe, ag amu dooglag,” awa atte.

Jeremaia 32:18

Na nahip oo mauhaknab kobol dim lamidnana, buɗub buɗub doobob tausen gane batak ehanadttem, amge na danab hipunin hetteb ele bu aqatte ukke, ag buɗulkad menuattak huu laippu bia ewam, o waɗele batak amu, bu qak amunu uug ag ele aqadtte. O Kayak, na onin okkai ele, na ɠagattag ele, na onin am Yawe Nakka Ɠagattag Oh Ele.

Jeremaia 51:19

Amge laa, Jakop buɗub dilag Kayak daatte, Nug amubia iitta. Iitta! Aɗinu? Nug keeke oh heum. Ge, Nug keeke oh, Jakop buɗub ele hattom. Jakop buɗub ag am nuhikkudnab danab ah. Nug onig am Yawe Nukka Ɠagattag Oh Ele.

Amos 5:8

⌊Ag laa ag anam hetteb amu, ag⌋ Laa Nug hoɗoppai huu mak laa onig Pledes, laa onig Orion ele, Nug ag hatta, abenalkadppa mattom daatteb, ag Laa Nug he, tuqannu gatatu am eɗua, wagkkaɗakppa amahlak daatte, ag Laa Nug he, amunnu amahlak am eɗua, tuqannu gatatu daatte, ag Laa Nug he, yuppan le am wan tonadtte, Nug onig am Yawe, ⌊ag Nug mattina, dim lamidkkulagnu mattieg⌋!

Amos 9:6

Naɗi, Nug Yawe Nukka Ɠagattag Oh Ele, Nug lag enanagnab, attan tak nuhig hab attan appa batak babaittom; lag amunu men ukku wanppa daatte. Nug yuppan le ita, wanppa gokkaɗe, le amu wan tonatte. Nug onig am Yawe.

Hibru 11:10

Abraham nug aab okkai laa, Kayak dabma heum, aab amuam hanhan daakku ele amu, aab amuppa daakkunu ameg ma dayom amunu, nug wan amuppa peh lagppa daakkunu uug ii doyom.

Hibru 11:16

amge anam am iitta. Ag appalag ena dimppanu, hab aabppa amunuib dabmeppig amunu Kayak Nug, “Da ahilag Kayak,” akkunu amu uɗa ii nette. Iitta. Nug aab enanag, ag daaglagnu babaittom daatte.

Revelesen 21:10

Aria, Kayak Ouɗinu ɠagattag dahilppa ambe, engel nug omaiɗe, qauko okkai attannab amuppa gomuɗ. Goɗa amu, nug aab okkai, am Jerusalem bau Kayaknu tituanak daatte, aab amuam hab aabppa, Kayak toppanu neene ippuniɗom.

Revelesen 21:2

Anam amu, da aab okkai, am Jerusalem bau Kayaknu tituanak daatte, aab amuam hab aabppa, Kayak toppanu neene anidmi. Nug am ah bau nug danab aokkunu bala mettom, amubia.