Jeremaia 33:18 - Nobonob Baibel

¹⁸ Anam daakku amu, anamib mana mettak danab, ag ele Lewi buɗub amu, ag da noolppa hanhan daan, manaknu ofa, ee aegnu ofa, amu doɗ laala manan meɗaglagnu ele hekkulagnu aakku daaglag. Lewi buɗub ag daanna, uɗat amu hekkulagnu ii iitta memana,’ ” awa atte.

Jeremaia 33:18 ပူးပေါင်းရင်းမြစ်များ

Esra 3:5

Ag amu hewona, dimppa ag deɗ ohnu manaknu ofa hattana, ag kalam bau bettenu deɗppan mana mettak ele hattana, aria, hobul dayaknu haen epeɗiak, hobul amuam Kayaknu tituanak daatteb amu, ag hobul amunu deɗ anen anenppan mana mettak ele, ag doɗ manadna, Yawe mettanna, ag ɗo hamu mettaknu ofa ele hattana, Yawe medappig.

Aisaia 56:7

“Da geha danab ah aben laalappanu diie, qauko dahilnu tituanak daatte, da ag qauko dahil amuppa, ⌊Jerusalem aabppa,⌋ daaglagnu omalatten uɗien heppi, ag dahil unuqittak lag ooppa, ag oo gamag ahak naɗi aoglag. Danab ah amu ⌊ag da oɗel doon dim lamidkkulag,⌋ ag manaknu ofa, mana mettak laala ele meɗaglag amu, da ahilagnu ool enaib dookkul. Aɗinu? Danab ag da laul am wanppan wan ohppanu danab ah dilag unuqiɗak lag daatte dooglag,” awa atte.

Aisaia 61:6

Ag geha anam henana, ag ag, dahilad danab ah, ag ahilagnu akkulag. ‘Imu, ag am Yawenu ɗo maɗoɗnu maɗi nid daatteb,’ akkulag. Ao, ag geha ag dahilad danab ah ag ahilagnu, ‘Ag am ahilag Kayak, nuhig maɗi nid,’ akkulag. ⌊Danab ah laihnu ag geha ag Israel, ahilagnu anam doona,⌋ ag keeke ena ena ahilkad amu akkan uɗina, ag madappeg, ag amu diina, ag geha ena daaglag. Ao, wanppan wan laala, appan danab ag geha ahilag en okkai ag madappeg, ag gamag ahak okkai dooglag.

Jeremaia 33:19

Amu deɗ laa Yawe Nug nuhig nai imu Jeremaia mettom.

Jeremaia 33:22

Da heppi, dahil maɗi nid Dawit buɗub, amu Lewi buɗub, ag dahil ɗo maɗoɗnu uɗat da noolppa hetteb ele amu, ag appatna daaglag. Ahilag ebqak am hoɗoppai habppa daatteb, o yu ihippa abuɗ niitte bia, ag amubia daaglag.’ ” Yawe Nug Jeremaia nai amu mettom.

Jeremaia 35:19

Ag amu hetteb amunu Yawe Nukka Ɠagattag Oh Ele, Israel dilag Kayak, Nug inam atte. ‘Rekap bekka Jonadap, nug buɗub am iitta ii memana. Iitta. Hanhan nug buɗubppan laa nug da waalppa dayaya, da oɗel dim lamidkku,’ awa atte.” Jeremaia nug Jonadap buɗub amelagppa anam aum.

Esekiel 44:15

Lewi buɗub amu, ag amu hekkulag, amge Lewi buɗub laa, ag Sadok buɗub amu, ag am mana mettak danab daaglag. Haen Israel laa ag da uuiɗna, uma ukkaeg amu, Sadok buɗub ag ahilag uɗat da noolppa mettid lag dahilppa hekkulagnu dayom amu aakku heppig. Ag amu heppig amunu, ag da gumiɗna uɗin, da noolppa dahil ɗo maɗoɗnu uɗat hekkulag; ag doɗ ittag manan meɗan, ag tiig ele gokkaɗkkulagnu aakku daatteb.” Naɗi Yawe Nug anam atte.

Esekiel 45:5

Aria, wan maha laa, nuhig okkai am laa bia, elab nuhig am 12.8 kilomita, emaitak nuhig am 5 kilomita, am aben amuam Lewi buɗub amge ag Aron buɗub iitta dilag daakku. Lewi buɗubppan mana mettak danab iitta ag mettid lag dahil appa dahil uɗat digdig hetteb. Wan amu ag aguppa aab kalan, lag hena daaglagnu ahilag daakku.

Namba 3:5

Amu Yawe Nug Moses amegppa aum.

Rom 1:21

Amu ag Kayak dooppig, amge ag Nug am genab Kayak oolagppa genab ii doonna, ag Nug binag amahlak oppiaawak ii mettana, ag nug amegppa, “Ena heme,” aon ii appig. Iitta. Dabmak ahilag eɗua, dabmak tutukku iitta be, ag oolag ootot aqe, gatatu manom.

Rom 15:16

da iitta aɗi ag oolagppa uɗat hekkulnu Kristus Jesusnu maɗi nid bemi. Da iitta aɗi ag Kayak Nug oo daatte amubia daaglagnu, Kayak Ouɗi Nug heeb, ag oppiaawak danab bena daaglagnu, da ag diie, Kayak medakkulnu mana mettak danab bia bein, Kayaknu Nai Ena mehuqttem.

Duteronomi 18:1

Mana mettak danab, ag ele Lewi buɗub, amu Lewi buɗub laa oh ele, ag Israel dilag huu okkai laala, ag wan ahilagnab, ag aulag daakkunu aotteb bia ii aotteb; ag aulag wan laa iitta, ag amu dabmetteg! Ag amu anam iitta amunu, ag mana mettak maha laa, ag Yawe mettaknu aab aɗunu ofa hadatteb ele amu, ag amuppanu aoglag. Keeke amuam ag aulag bia daakku.

Duteronomi 24:8

Ag gaɗalagppan oɗe nau ohnu amu, ag mana mettak danab, ag ele am Lewi buɗub amu, ag amu dilag nai oh dim lamitta haknu atteb amu dim lamitteg! Da haknunab anak nai mana mettak danab mattami amu, ag amu dim lamitteg!

1 Pita 2:5

Nug he, ag ele men bau daatte bia beegeg, Kayak Nug nuhig tamaniak, lag bia, ahilagppa hette. Amuppa ag mana mettak danab oppiaawak ele daanna, ag keeke Kayak oo niitte ele, Jesus Kristus onigppa mana mettak bia Kayak keeke amu mettaglag.

1 Pita 2:9

Amge ag Kristen danab ah amu, ag gatatuppa daaegeg, Kayak Nug diia amahlak enappa maattom, ag Nug ahilagppa ena heum, ag amu miag atiglagnu Nug ag tituanatte daanna, ag am mana mettak danab, king ele daatteb, ag am danab ah Kayaknu ɗo maɗoɗppa daatteb, ag danab ah nuhikkudnab ele daatteb.

Revelesen 1:6

Nug ig Nug Mameg, nuhig Kayak ele, ig nuhig ɗo maɗoɗppan mana mettak danab meikkom amu, binag amahlak oppiaawak ele, ɠagattag oh ele nuhigppa hanhan alet ele dayaɗ! Genab.

Revelesen 5:10

Na he, ag ihinig Kayak waappa daan nuhig uɗat hekkulagnu ag king, amu mana mettak danab ele daatteb. Amu ag wan ele gumaglag.” Ag anam anana, ahi edappig.