Jeremaia 33:12 - Nobonob Baibel

¹² Amu Yawe Nukka Ɠagattag Oh Ele, Nug inam atte. “Aben imuam qinob hele-ettak daakku, amu danab, doɗ ele imuppa ii daamna, amge amu dimppa da heppi, sipsip gumak danab ag wan imuppa daappeg, gikkiɗah dad sipsip dilag ele dayeb, gumak danab ag sipsip ahilkad appa atognoadkkulag.

Jeremaia 33:12 ပူးပေါင်းရင်းမြစ်များ

Solomonnu Ahi 1:7

O danab dahil, da am nahipnu ool mauhtte. Na gemu nahipad sipsip ag gikkiɗah lakkulagnu na adeppa omaladna gokkutnu am appe doyei! Ge, na gemu aam anig haenppa sipsip ag hik aon daaglagnu adeppa maadppe daaglag amu, na aben amu appe doyei! Da na laipad, ag ahilkad sipsip gumadnan daappeg, da na maditten anidkkulnu ag oolagppa oikkul am ena iitta; amunu da amu hepanu, na adeppa daakkutnu am appe dookkulnu ool okkai daatte.

Aisaia 65:10

Danab ah dahilad ag da dim lamiɗkkulagnu oolag hette amu, da ahilagnu dabmein heppi, dahil wan ooppa laih onig Saron am sipsip dilag ee lanak aben enanag daakku. Ao, Akornu oolnu noak aben amuppa makau ag wana, hik aon daaglagnu aben daakku.

Jeremaia 17:26

Anam daakku amunu, danab ag Juda aab laalappanu, aab naunau Jerusalem talilittak daattebppanu, Benyamin wanppanu, wan ooppan qauko qaban uɗitteppanu daatteb, qauko amu diigppa qauko nakok daattebppanu, wan laih qauko qauko daattebppanu, amu Negeb appanu ele uɗin, ag manaknu ofa hekkulagnu doɗ, mana mettak laala ele hekkulagnu doɗ, ee aegnu ofa hekkulagnu ee aeg, muttuɗig enanu ofa hekkulagnu kalu danab ile muttuɗig enanag bette, amu ena heme anaknu ofa hekkulagnu doɗ ele aon, Yawe laugppa uɗiglag.

Jeremaia 31:12

Israel danab ah ag oolag huana gamag ahakku amunu, ag Sion qaukoppa tena, ag qalan ahi ettaglag. Yo, Yawe Nug ag keeke ohnu madakku amunu, ag oolag huananab gamag ahakku. Nug ag ee aeg, wain bau, amu olip goɗen ele madakku. Nug heeb, sipsip, makau ele nalkad kuɗumnab menuadkkulag. Dad, gu ele awawa, meu huana otte, amubia ag elele daaglag.

Jeremaia 31:24

Amu haen amuppa danab ah ag Juda wanppa, wan amunu aab laalappa ele laippu daanna oiglag. Dad gumak danab, sipsip gumak danab ele ag anam daan oiglag.

Jeremaia 32:15

Aɗinu na anam hekkut? Yawe Nukka Ɠagattag Oh Ele, Israel dilag Kayak, Nug amunu inam atte. ‘Butti aɗi, Israel danab ag wan imuppa daan, lag, wan, grep dad ele meppeg, laa ag daden mekkulag,’ awa atte.” Da Baruk amegppa anam ami.

Jeremaia 36:29

Na nai amu oh buk itoɗiak ele laappa yona, na Juda dilag king Jehoiakim amegppa inam appe doyaɗ! ‘Yawe Nug inam atte. “Na buk itoɗiak ele laa amu manae ewe, na ame. ‘Jeremaia, aɗinu na Babilon dilag king nug genab uɗia, wan imuppa ban ha heeb, wan nauhakib dayebeb, ippa danab, doɗ ele ii daamna buk amuppa yaame?’ aon ame.” ’ ” Jeremaia nug nai amu doyom.

Jeremaia 50:6

Yawe atte. “Dahilad danab ah ag sipsip qettoɗna oitteb bia daappig. Ahilkad gumak danab ag diiadna, eheɗ goppig. Ag heeg, dahilad danab ah ag sipsip qaukoppa matatun gona oitteb, ag amubia daappig. Ag sipsip qaukoppa oinna, ahilag niiaknu aben enanagnu daulag atitte, amubia dahilad danab ah ag eheɗ daanna oippig.

Jeremaia 51:62

Na ebqewona, na unuqidna inam a! ‘O Yawe, na aben imu heppe nauhkku amunu, danab o doɗ laa ippa ii daamanu ame. Na aben imu hanhan danab, doɗ ele iitta, hele-ettak daakkunu ame,’ unuqidnana akkut.

Esekiel 36:35

Iitta. Ag neegna anidna, inam akkulag. ‘Wan imu kekeɗ ag heeg nauhakib dayom amu, gemu wan amu aakkuib dad onig Iden, Kayak eppom amu, dad amubia daatte. Aab kekeɗ ag heeg nauhppig amu, tatam ag hele-ettak daaegeg, gemu aab amuppa danab ah daatteb, aɗ ele itan, anamib daatteb,’ aon akkulag.

Hagai 1:4

“Gemu ag lag enappa daatteb. Dahil mettid lag am nauhak daatte. Ag ahilag lag enappa daappeg, dahil mettid lag anam daakkunu am enate?” Yawe Nug he, Hagai nug nai amu doya, danab ah mattom.