Jeremaia 33:11 - Nobonob Baibel

¹¹ ag gamag ahak okkai doon oiglag. Danab ah ele ag ewau matulak aonna, ag gamag ahak doon oiglag. Danab ag Yawe laugppa daan, ena heme anaknu ofa hekkulag. Ag doɗ amu main, Yawe mettanna, ag inam akkulag. ‘Yawe Nug am enaib. Ao, nuhig oo mauhaknab kobol ii iitta mette. Anam amunu, ig Yawe Nukka Ɠagattag Oh Ele, ig Nug amegppa “Ena hen mekkame,” aot atu!’ Ag anam akkulag. Ag anam akkulagnu diig am, da heppi, ag ahilag wanppa enaib daaglag.” Yawe Nug anam awa atte.

Jeremaia 33:11 ပူးပေါင်းရင်းမြစ်များ

1 Stori 16:34

Ag Yawe amegppa, “Ena heme,” aon aig! Aɗinu? Yawe Nug enaib dayaya, enaib ele hette. Ao, nuhig oo mauhaknab kobol hanhan, alet daatte.

1 Stori 16:8

⌊O Israel danab ah,⌋ ag Yawe amegppa, “Ena heme,” anana, ag Nug unuqitteg! Ao, ag appeg, wan atu ohppan danab ah ag Nug aɗi keeke heumnu doyeg!

2 Stori 20:21

Jehosapat nug anam a, nug danab ah ele nai mattin, nug danab laa ag Yawenu ahi, ag ahi amu ettaladnana, ag Yawe, Nug dagom onig ɠagattag ele, Nug oppiaawak ele, ag amunu Nug binag okkainab menana, ag daup noolag aon gonana, ag ahi inam ettaglagnu tituanattom. Ag Yawe amegppa, “Ena heme,” aon aig! Aɗinu? Nuhig oo mauhaknab kobol hanhan alet daatte.

2 Stori 29:31

Amu Hesekaia nug danab ah amelagppa aum. “Ag aakku hena, ag Yawenu tituana mettak daatteb amunu, ag Yawenu mettid lakka uɗin, doɗ manadna, Nug mettanna, ag ena heme anaknu ofa ele metteg!” awa aum. Nug anam aum amunu, danab ah ag doɗ manadna, Yawe mettaglagnu, ena heme anaknu ofanu doɗ ele aon uɗieg, laa ag oolagppa ena anidppig ele, ag manaknu ofanu doɗ ele aon uɗippig.

2 Stori 5:13

Laa ahi edappig, laa trampet iwalak heppig amu, ag baag laippu hak bia henana, ag Yawe binag mekkulagnu, ag Nug amegppa, “Ena heme,” akkulagnu, ag ahi ettanna, trampet iwalppig. Danab ag trampet laa iwalppig, laa simbal heppig, laa ag musik haknu keeke laala heppig ele amu, ag oh laippu hena, ag baalag okkaippa Yawe binag meppig. Aɗinu? Yawe Nug enaib dayaya, enaib ele hette. Laa amu, nuhig oo mauhaknab kobol hanhan alet daatte. Ag anam heeg, lombig na he, Yawenu mettid lag ambak dayom.

2 Stori 7:3

Haen Israel danab ah ag aab aɗu hab attannu neene anidna, ag Yawenu binag amahlak oppiaawak ele, ag amu ele Yawenu mettid lag attan anidna, ag gatelag qaun ona, gomelna, ag iɗulag wanppa mena, ag Yawe noobppa dup nona binag mena, ag Nug amegppa, “Ena heme,” ele appig. Aɗinu? Yawe Nug enaib dayaya, enaib ele hette. Laa amu, nuhig oo mauhaknab kobol am hanhan alet daatte.

Esra 6:22

Yawe Nug gamag ahak naɗi mattom amunu, ag deɗ eblaih aɗit ele Bret Yis Iitta Lanaknu Hobul Nakok lanan, gamag ahak dooppig. Yawe Nug he, Asiria dilag king nug ahilagnu ena doya ehanatte, ag Kayak, Israel dilag Kayak, ag Nug laug buuglagnu elele daan heppig amunu, ag gamag ahak dooppig.

Nehemaia 12:43

Kayak Nug he, ag gamag ahak huanaknab dooppig amunu, ag doɗ kuɗum manadna Kayak medappig. Danab ag gamag ahak okkainab doyeg, ah, nid naunau ele, ag ele oolag gamag ahom. Ag oh oolag gamag ahe, Jerusalem appa daanna, heegeg oqotti amuam uma ukke dooppig.

Nehemaia 8:12

Lewi buɗub amu ag anam appig amunu, danab ah ag ee, le ele lakkulagnu, ag laa ee, le iitta ele ag ee, le ele mattaglagnu, ag hobul, gamag ahak okkai ele doon hekkulagnu ahan goppig. Aɗinu? Ag gemu Kayaknu ɗo laa ebqe doon, diig dooglagnu elele daan dooppig.

Sam 106:1

Ag Yawe binag meig! Ao, ag Nug amegppa, “Ena heme,” aon aig! Aɗinu? Yawe Nug enaib dayaya, enaib ele hette. Laa amu, nuhig oo mauhaknab kobol hanhan alet daatte.

Sam 107:1

Ag Yawe amegppa, “Ena heme,” aon aig! Aɗinu? Yawe Nug enaib dayaya, enaib ele hette. Laa amu, nuhig oo mauhaknab kobol hanhan alet daatte.

Sam 107:22

Ag Yawe noobppa ena heme anaknu ofa hena, ag keeke ena ena Nug danab dilag hettenu ahi gamag ahak ele etteg!

Sam 116:17

O Yawe, da na noomppa ena heme anaknu ofa hein medakkul. Ao, da Yawe unuqidkkul.

Sam 147:13

Aɗinu? Nug Jerusalemnu aɗnu od oɗeppanu od manak qaknu keeke ɠagattag aqe, kekeɗ ag aab okkaippa nokkulagnu elele iitta. Ao, Nug danab ah Jerusalem daatteb itatte daatteb.

Sam 85:7

O Yawe, na nahip oo mauhaknab kobol ig ippunigkkutnu oɗ medattem. Ao, na ig ehanigppe, ig padal ii mematanu unuqidttem.

Aisaia 35:10

Ao, danab ah Yawe Nug ehanatte, ag qagaiettakppa ii daatteb ele, ag eɗun uɗiglag. Ag eɗun uɗin, gamag ahak, amu maɗoɗppan gamag ahak ele Sion tena, hanhan oo gamag ahak amu doon daaglag. Oo gamag ahak amu ahilagppa ambak dayebeb, uugnu oo doyak, oo uug mettak ele amu, ahilagppa nakok laa iinab daama.

Aisaia 51:11

Anam amu, danab ah Yawe Nug ehanatte, ag qagaiettakppa ii daatteb ele, ag eɗun uɗiglag. Ag eɗun uɗin, gamag ahak, amu maɗoɗppan gamag ahak ele Sion tena, hanhan oo gamag ahak amu doon daaglag. Oo gamag ahak amu ahilagppa ambak dayebeb, uugnu oo doyak, oo uug mettak ele amu, ahilagppa nakok laa iinab daama.

Aisaia 51:3

⌊Yawe Nug Abrahamnu anam heum⌋ amunu, genab Nug heeb, danab ag Sion eɗun bappaidppeg, ag Juda ag oolag mekku. Yo, Nug Sion nauhom antta heeb, danab ag Sion bappaidkkulag. Nug heeb, Juda wanppa aben laala atu taɗak beppig daatteb amu, aben amuam Iden dayom bia daaglag. Ao, Nug heeb, Juda wanppa aben wan meu waknu nakokib elele amu, ag am Yawenu dad bia daaglag. Danab ah ag Sion appa, Juda wanppa ele daaglag amu, ag oolag gamag ahebeb, ag, Yawe amegppa, “Ena hen mekkame,” doon anan, ahi ettaglag.

Aisaia 52:8

Ag Juda danab ah, ag daulag human doyeg! Ahilag aɗi uɗitte anittak danab ag ⌊laa nai ena awa uɗieb anidna, nuhig nai doon,⌋ ag Yawe Nug eɗua, Sion daakkunu uɗieb, ag amelagppanab anidkkulagnu dooglag. Anam amunu, ahilag aɗi uɗitte anittak danab ag gamag ahak doon, huan ekkulag. Ao, ag gamalag aheb, ag ekkulag.

Aisaia 52:9

O Juda danab ah, ag aab nauhak daatte bia daatteb amu, Yawe Nug oo mak ag madakku. Ao, Yawe Nug ag laa eppelagppa dayaknu qagaiettakppanu eɗua uhuqak ha madakku. Anam amunu, ag laippun ahan, gamag ahaknu ele ahi ettalatteg!

Jeremaia 16:9

Ag amu ii hemananu diig am, Yawe Nukka Ɠagattag Oh Ele, Israel dilag Kayak, Nug amunu inam atte. “Ag Juda gemu daatteb, ag bau daanna, ag noolagppa da heppi, ewau matulak awaknu gamag ahak, gamag ahak laa oh ele Juda wanppa ii daama.

Jeremaia 17:26

Anam daakku amunu, danab ag Juda aab laalappanu, aab naunau Jerusalem talilittak daattebppanu, Benyamin wanppanu, wan ooppan qauko qaban uɗitteppanu daatteb, qauko amu diigppa qauko nakok daattebppanu, wan laih qauko qauko daattebppanu, amu Negeb appanu ele uɗin, ag manaknu ofa hekkulagnu doɗ, mana mettak laala ele hekkulagnu doɗ, ee aegnu ofa hekkulagnu ee aeg, muttuɗig enanu ofa hekkulagnu kalu danab ile muttuɗig enanag bette, amu ena heme anaknu ofa hekkulagnu doɗ ele aon, Yawe laugppa uɗiglag.

Jeremaia 25:10

Da anam heppi, Juda wanppa, wan laala amu ohppa ele gamag ahak nakok laa ii daama. Danab ah gamag ahak doon, ewau matulak ii aomna. Ah laa nug bret hekkunu ee aeg keeke menppa ii ganuɗma. Laa lam ele ii amotma. Iitta.

Jeremaia 29:14

Ge, ag da anam mattiɗnana, ag da aniɗkkulag. Ag da anam aniɗppeg, da omaladppi, ag wan laa, appan danab ag aɗualatteg, ag ag eppelagppa daatteb amu, da appanu omaladppi, ag eɗun uɗin, wan imuppa daaglag. Da ag wanppan wan oh, da hei, ag gona appa daatteb, da appanu qagmaatten omaladppi, ag wan atu oh, da hei, ag gona diia ukka laih me dayak danab ah daatteb amu, ag appanu eɗun uɗin, iguppa daaglag,” awa atte.

Jeremaia 30:19

Da anam ehanadppi, Jakop buɗub ag ahi ettanna, ag ahi amuppa, ‘Ena hen mekkame,’ da amelppa akkulag. Ag oo gamag ahak okkai doon, gamag ahaknu heppeg, oqotti okku. Da heppi, ag appatna, kuɗum daaglag. Ag ahilag ebqak am tutu ii mema. Da heppi, ag danab onilag ɠagattag ele daaglag; danab laa ag ahilagnu, ‘Ag binalag ele,’ dooglag.

Jeremaia 30:3

Aɗinu? Haen laa dimppa da heppi, Israel danab ah, Juda danab ah ele ag wan laalappa gona, appa diia ukka laih me dayak danab ah daatteb, ⌊daaglag ele amu,⌋ ag appanu eɗun uɗin, wan imu, da ag mamelkad aɗi, ahilag daakkunu mattami amu, ag imuppa daaglag,” awa atte.

Jeremaia 32:44

Ge, danab ag wan imu ohppa wan maha laala silwappa daden mekkulag. Ag amu hekkulagnu ag pepa bappaidna, danab hette ele nug pepa amuppa nug onig yeeb, laa pepa amuppa aɗi aɗi nai daatte anidtteb ele, ag ele ag onilag yaappeg, ag pepa amu ɗo daatte bia qataqekkulag. Ag Benyamin wanppa, aab naunau Jerusalem talilittak daattebppa, Judanu aab ohppa, wan maha laa qauko qauko daattebppa, qauko nakok qauko okkai diigppa daatteb, aben amuam wan imu ooppa qaban uɗitteppa daatte, aben amuppa, am Negeb appa ele ag anamib hekkulag. Ag amu hekkulagnu diig am da, Yawe, da heppi, ag eɗun, ena daaglag.” Yawe Nug anam awa atte.

Jeremaia 33:26

da Jakop buɗub geɗatten, da dahil maɗi nid Dawit buɗub laa nug Abraham, Aisak, amu Jakop ele buɗulkad gumadkkunu ele ii tituanpa. Amge anam iitta. Da nai amu qakkami, ɗo ele amu memi amunu, da gumadkkunu tituankkul. Aɗinu da amu hekkul? Da Israel, Juda ele dilah danab ah dilag ool gai-iitta doye, ool matten ehanadppi, ag eɗun, wan imuppa uɗin, enaib daaglag.”

Jeremaia 33:7

Da Juda danab ah, Israel danab ah ele ag wan laalappa diia ukka laih me dayak danab ah gona daatteb, ⌊daaglag ele amu,⌋ da omaladppi, ag eɗun uɗin daappeg, da heppi, ag anukka ɠagattag daappig bia, ag haen amuppa eɗun, anam daaglag.

Jeremaia 7:34

Da heppi, Juda wan am hele-ettak daakku amunu, Jerusalem appa, Judanu aab laa ohppa ele oo gamag ahak laa ii daama. Danab ah ele ag oo gamag ahak doon, ewau matulak ii aomna.” Yawe Nug anam awa atte.

Amos 9:14

Da heppi, dahilad danab ah ag wan laalappa gona, diia ukka laih me dayak danab ah daaglag amu, ag eɗun, ahilag wanppa uɗin daaglag. Ag aab okkai kekeɗ loppaɗppeg nauhak daaglag bappaidna, aguppa daaglag. Ag grep dad eppan, ag wain aon lakkulag. Ag dad eppan, ee appanu aon lakkulag.

Jona 2:9

Ag uutteb, amge da, ‘Ena heme,’ anaknu ahi laa edette, doɗ manen na medakkul. Ge, da keeke genabnab hekkulnu nai ain qakkami amu, da keeke amu oh hekkul. Yawe nukka ehanikke, ig padal ii mettem.” Jona nug anam awa unuqittom.

Nahum 1:7

Yawe Nug am ena. Ao, Nug uug nau bak haenppa Nug nuhikkud danab ah dilag padal mak eɗitteb ena dayaknu ehanittak daatte. Ge, uug bak haenppa Nug laa ag nuhignu oolagppa genab dootteb ele atognoadtte.

Sepanaia 3:14

O Israel danab ah Sion daatteb ag, ag ahi etteg! Ao, Israel danab ah oh, ag oolag gamag aheb, ag huan qalan eig! Ag Israel danab ah ag Jerusalem appa daatteb amu, ag meulag ohppa ele oolag huan gamag ahaɗ!

Sekaraia 10:7

Israel danab ag ban danab ɠagattag bia bena, ag gamag ahak okkai dooglag. Ao, ag danab wain lanan, gamag ahak dootteb bia daaglag. Ahilkad nid ele ag da, Yawe, ag da aɗi hekkul anidna, ag ele gamalag ahakku. Ao, ag da, Yawe, ag da heminu gamag ahak doon oiglag.

Sekaraia 8:19

Yawe Nukka Ɠagattag Oh Ele Nug inam atte. “Ag Juda ag kalam waɗeleppa, kalam tanig eleppa, kalam eblaih aɗitppa, am kalam eblaih laihppa ele, ag kalam amunu deɗ laala ee ohnu kud men daatteb amu, da heppi, haen amu oh ag qagmak gamag ahak ele bena daaglag. ⌊Amge ag da tutukku dim lamiɗppeg, keeke amu oh anam bekku⌋ amunu, ag doyak diig genabib, maɗoɗ kobol elenu oo mauhak doyeg!” Yawe Nug anam atte.

Sekaraia 9:17

Wan am enanag, neekkak enanag ele daakku. Anam amunu, ee aeg am heeb, nid danab ag enanag bena daaglag. Ao, wain bau am heeb, ah makkun ag enanag bena daaglag.

Jon 3:29

Amunu amu da am nid baunu kadoi bia. Nid bau nug ah aotte amu, ah amuam nuhigib, amge kadoi nuhig nug layag ah aotte doya, maɗoɗppan gamag ahak dootte. Nid baunu kadoi nug maɗoɗppan gamag ahak amu dootte, amubia da Jesusnu oolppa maɗoɗppan gamag ahak okkainab doottem.

Hibru 13:15

Danab laa ag Kayak binag mekkulagnu amu ag doɗ keeke main Nug medatteb, amge ihinignu amu, ig Jesus uɗat naɗi ihinignu heum, ig amuppa, mana mettak bia hanhan Kayak binag metu! Ig amu hekkunignu amu, ig oɗenigppa Kayak Nug am ihinig Naɗi akkunig.

Revelesen 18:23

Lamnu amahlak ag baula nahip-ppa ii amahalmana, danab ah aokkunu, ah nug danab aokkunu ele, aa baalah oqotti ele nahip-ppa baula ii daama,” awa aum. Awowa amu, nug nai tuɗitta aum. “Anukka nahipad keeke laihnu awa dadennu mak danab ag wanppanu danab okkai daappig, amu na onig awak kobol nahip-ppa na atu atu danab amelag aonna, ham-ele-buppualadme.” Engel ebehi ele nug anam aum.