Jeremaia 32:5 - Nobonob Baibel

⁵ Nug Sedekaia awa, Babilon ukkeb, Sedekaia appa dayebeb, da nuhigppa aɗi hekkul amu da hekkul,” awa atte.’ Na anam anana, na attem. ‘Yawe Nug anam atte amunu, ag Juda, ag Babilon dilag king, nuhikkud daup ele ban hekkulag dayeb amu, ag Juda ag Babilon ii eɗadmana. Ag nena qekkulag.’ ⌊Jeremaia, na anam eheɗ anan heme amunu, na maniguittak daakkut.⌋” Sedekaia nug Jeremaia amegppa anam aum.

Jeremaia 32:5 ပူးပေါင်းရင်းမြစ်များ

2 Stori 13:12

Kayak Nug ig ele daattem. Nug ihinig okkai daatte. Nuhig mana mettak danab ag ig ban hekkunignu trampet iwalppeg, ig amuppa ban haknu ewak doot, ban hekkunig. O Israel dilag daup, ag Yawe, Nug ag mamelkad aɗi dilag Kayak, ag Nug ele aib ban heppig. Aɗinu? Ag amu hekkulag dayeb amu, ag Nug ii eɗidmana,” awa aum.

2 Stori 24:20

Anam amu, haen laa Kayak Ouɗi Nug mana mettak danab Jehoiada bekka Sekaraia, nuhigppa uɗia, nug danab ah noolagppa hibaitta, inam aum. “Kayak Nug inam atte. ‘Aɗinu ag Yawenu haknunab nai ii dim lamidtteb? Ag anam henana, ag ena ii daamna. Ag Yawe uun oitteb amunu, Nug ele ag uuatta oitte,’ ” awa aum.

Prowerb 21:30

Doyak dabmak ena ele laa, o diignu doyak tutukku laa, o maittak awak laa; amu oh oolagppanu Yawe eɗidkkunu elele iitta.

Jeremaia 2:37

Da laa ag Israel, ag ahilagnu ehanittak aoglagnu oolagppa genab dootteb, da laa amu geɗadmi; ag Israel, ag ahilagppa ehanittak ii aomna amunu, ag Isip dilagppa ele oo uugnab, uɗa nak ele doon, ahan Isip uuglag.” Yawe Nug anam atte.

Jeremaia 27:22

“Babilon dilag daup ag keeke amu oh aon, Babilon gokkulag. Ag aon gona, maadppeg daappeg, haen laa dimppa, laa ag eɗun aon wan imuppa uɗiglagnu dabmekkul amu, haen amuppaib ag Babilon wanppa eɗun ii daamna. Haen amuppa da heppi, laa ag aon uɗin, keeke amu ag abennalagppa mekkulag,” awa atte.’ ”

Jeremaia 32:24

Antte! Kekeɗ ag aab okkai imu eɗidkkulagnu ag wan buun, aon uɗin, gokkaɗegeg beebe, aɗ eleleppa bekkunu hetteb. Aab imuppan danab ah ag qep elabppanu mauhakppa, enugnu mauhakppa, oɗe nau danab kuɗum aqe mauhtteb, mauhak amuppa ele, Babilon ag aab okkai imu eɗidna aoglag. O Yawe, na aɗi keeke bekkunu ame amu, kobol anam aakku beebe na anidttem.

Jeremaia 32:6

Amu Jeremaia nug maniguittak dayeye, Yawe Nug wan maha laa daden mekkunu aum amu, Jeremaia nug amunu inam aum. “Yawe Nug nuhig nai imu da, Jeremaia, Nug da meɗom.

Jeremaia 37:10

Ag Juda, ag imu ii hemana, amge Babilon daup ag aab imuppan danab aqaglagnu ban hetteb amu, ag Juda ag ahan, ag eɗadna, kuɗumnab aqappeg mauhlob, laib laib guittak okkai eleib ahilkad peh lagppa daalob, laib laib anam ag appan ahan uɗin, ag Juda eɗadna, aab okkai imu manappeg eolo.” Yawe Nug anam atte.

Jeremaia 39:4

Babilon dilag danab okkai amu ag anam heeg, haen Juda dilag king Sedekaia, Juda dilag daup oh aab okkai amu ooppa daappig ele ag amu anidna amu, ag tuqan amuppa king omeppa wana gona, aabnu aɗ laih laih doa qal mettak daapiɗ oɗeppa wana, dimittim gona, ag oolna, atu onig Araba, ag appa gokkulagnu goppig.

Jeremaia 39:5

Ag anam oolppig, amge Babilon dilag daup ag dim lamadna gona, Sedekaia nug uɗem okkai Jeriko guguittak appa ugekke, ag nug qe-eɗidna aɗappig. Ag aɗan, Babilon dilag king nug Hamat wanppa aab onig Ripla appa dayom amunu, daup ag Sedekaia aon gona, appa Nebukatnesar eppegppa meeg, nug ag nuhignu aɗi aɗi hekkulagnu aum.

Jeremaia 39:7

Amu heeg, Nebukatnesar nug a, ag Sedekaia ameg laih laih oh ahuɗeg nauhe, ag nug qakkaknu keeke brasppa hak, ag amuppa nug qakkona, ag aon, Babilon wanppa gokkulagnu qagappig.

Gayak Nai 1:14

Yawe Nug ig Juda, ig ihinig hipunin awa, hipunin amu oh ehakka qakkom. Ao, Nug ihinig hipunin awa, oh aɗe ooho, qagma laippu qakkom. Nug amu ha mala, ig hipunin amu ig baanigppa aihatte, Naɗi, nuhig hak amuppa ig beɗunig gai-iitta meum oittem. Nug laa, ig ag eɗadkkunignu elele iitta, Nug ig ag eppelagppa meikkom daattem.

Esekiel 12:12

Amu Israel danab ah Israel wanppa daatteb dilag danab okkai, nug uudoobob nuhig keeke nug gugappa meeb, laa ag aabnu aɗppa giɗo buuppeg, nug giɗo amuppa doa, aab uua gokku. Nug wan uukkunu hette amu, nug wan amu anidmanu, nug iɗu hautkku.

Esekiel 12:13

Nug oolkkunu anam hekku, amge da uhui dahil meppi, nug amuppa tekku. Nug teeb, da Yawe, da heppi, kekeɗ ag omalna, Babilon wanppa, Kaldia danab daatteb, appa gokkulag. Ag omalna gona tekkulag, amge nug wan amu ii anidma. Nug appa mauhkku.

Esekiel 17:15

Babilon dilag king nug anam heum, amge Dawit buɗub laa, Babilon dilag king nug Dawit buɗub amu nug waappa Juda dilag king daakkunu meum ele amu, king amu nug Babilon dilag king waappa daakkunu uua, nai tappe ne, nuhikkud danab laala ag Isip appanu Juda ehanittak aoglagnu he goppig. Ag Isip appa hos, ban danab kuɗumnab ele diiglagnu goppig. Juda dilag king nug anam heum amunu, da oɗ mettem. Juda dilag king amu nug nuhig dabmak amu heeb ukkeb, meu okkute? Laa nug kobol mauhnoak amu hette ele, nug heeb ukkeb, Babilon eppelagppa bu iite aoma? Ge, nug Babilon dilag king ele nug tituanya nai qagapiɗ, nug nai amu anam okkuleb, nug Babilon dilag king eppegppa bu iite aoma?’ ” awa aum.

Namba 14:41

Ag anam heppig, amge Moses nug aum. “Ag aɗinu Yawenu haknunab nai amu ii dim lamidtteb? Ag danab appa daatteb ele ii eɗadmana!