Jeremaia 32:41 - Nobonob Baibel

⁴¹ Da ena hadakkulnu ool gamag ahebeb, da genabnab meul ohppa ena hadappi, ag wan amuppa ee laa datta enanag bette, ag amubia wan imuppa enanag bekkulag.” Yawe Nug anam awa atte.

Jeremaia 32:41 ပူးပေါင်းရင်းမြစ်များ

Sam 80:8

Anukka na grep muɗi laa Isipnu aon uɗin, na danab laa wan imuppanu lamadna, grep amu wan imuppa eppame.

Aisaia 60:21

Ag Juda danab ah oh ag genab tutukku hak kobolib dim lamidnana, ag ahilag wan aon, amuppa hanhan daaglag. Laa ag ahilag wan baula ii gumamna. Danab nug ee eppe, qaɗu ba okkai me, nuhig daatte, amubia ag Juda ag dahil daaglag. Danab keeke eppegppa he, nuhig daatte, amubia ag dahil daaglag. Da danab ah laa oh ag dahil binag amahlak oppiaawak ele anidkkulagnu da hak anam hekkul.

Aisaia 62:4

Haen amuppa, wan laappan danab ag baula ahilagnu, “Kayak Nug danab ah umu uuattom,” ii amana. Yo, ahilag wanppanu, huu laappan danab ah ag, “Yawe Nug he, danab ah qainqainib daaeg, wan am nauhakib daatte,” anam ii amana. Amu laa ag ahilagnu onig, “Hepsiba,” ataɗkkulag. Yo ag, ag Judanu amu, ag onig, “Biula,” ataɗkkulag. Aɗinu? Yawe Nug ahilagnu enanagnab dookku. Amu Nug heeb, danab ah ewau matulak aoya, enanag daattep, amubia ahilag wan am ena daakku.

Aisaia 62:5

Amu danab bau laa nug ah makkun laa awa atognotte, amubia ag Juda danab ah ag wan ahilag atognokkulag. Yo, danab nug ah awa, oo huana gamag ahatte, amubia Kayak ahilag Nug ahilagnu oo enanag daakku.

Aisaia 65:19

Da Jerusalemnu ool gamag ahakku. Ao, da dahilad danab ah dilagnu enanagnab dookkul. Amu da heppi, dahilad danab ah ag baula ii gaamna, ag ele ii mahimna. Amuam baula ii daamna. Iitta!

Jeremaia 18:9

Anam, amge haen laa da wanppan wan laa, o ɗo maɗoɗ laa ehanadppi, ag ena bena, ɠagattag daaglagnu akkul dayeb,

Jeremaia 24:6

Da ag atognoatten ehanadppi, ag wan imuppa eɗun uɗiglag. Da ag atognoadppi, elele daaglag. Da eheɗ hadappi ii nauhmana. Da danab keeke eppe, ena bette, da amubia ahilagppa hekkul. Danab nug keeke hiɗe nauhtte, da amubia ahilagnu ii hepa.

Jeremaia 31:28

Tatam da hei, ag nauhppig, danab nug uud hiɗatte, o lag loppaɗtte, o laa kekeɗ eɗadtte, o keeke he nauhtte, da amubia dabmak elelenab awen hemi. Da tatam anam hemi, amge haen uɗitte, haen amuppa da amu hekkulnu elelenab dabmein hemi, amubia da elelenab dabmein, da heppi, ag ena daaglag; danab nug lag ha autanab aotte, o dad eppa autanab aotte, da amubia hekkul.” Yawe Nug anam aakku atte.

Esekiel 36:36

Anam bekku amu, anam ba dayeb, haen amuppa wan laala, kekeɗ ag heeg ii iitta meum, ag taliliadna daaglag amu, wan amuppan danab ag da Yawe, da aab keeke, laa ag heeg nauhppig amu, da keeke amu bappaidmi, aben laa ag heeg, hele-ettak daappig amu, appa da keeke eppami dooglag. Da Yawe, da anam hekkulnu ain malami amunu, da anamib hekkul,” awa atte.

Hosea 14:5

Am Yawe Nug ele atte. “Baito habppanu wanppa na, ena ehanidtte, amubia da, Yawe, da Israel danab ah ehanadkkul; da anam heppi, Israel danab ah ag geha lili laa bia, nug haɗag mappata, bala enanag bette, ag amubia daaglag. Israel danab ah ag geha Lebanon appa ad sida laa bia nug diɗiud wan unuqagnab noak ele daatte, ag amubia daaglag.

Amos 9:15

Da heppi, Israel danab ah ag ahilag wanppa daaglag, danab nug ad laa eppe, ba daatte bia. Da heppi, laa nug Israel danab ah ahilag wanppanu baula diia ii goma. Da wan amu ag mattami.” Yawe, Nug am ag Israel, ahilag Kayak, Nug anam awa atte.

Maika 7:18

O Yawe, aun am Kayak na bia laa daatte? Kayak aun laa nug nuhikkudnab oɗo yaak danab ah dilag hipunin uhuqa madatte; eheɗ hak ahilkad ele uhuqa madatte? Na haen oh oo nauhak nahip ii aɗattem. Iitta. Na oot gai-iitta doon oot mattan ehanadkkutnu enanagnab doottem.

Sepanaia 3:17

Yawe, ahilag Kayak, Nug ag oolagppa daatte; Nug am ban danab ɠagattag, Nug hanhan nuhikkud ehanatte, ag kekeɗ eɗadtteb. Yawe Nug ahilagnu enanagnab dookku. Nug ahilagnu oo mauhtte, amu amuppa ag maɗoɗ aoglag. Ge, Nug ahilagnu oo gamag ahebeb, ahi edakku,” aon akkulag.

Duteronomi 28:63

⌊Ag Nug dim lamittegeg,⌋ Yawe Nug ena doya ehanatte, ag ena daan, kuɗum appatppig, amubia ag Nug dim ii lamidkkulag, ag ena daamnanu, Yawe Nug ag hatteb, padal mena, iitta mekkulagnu ena dookku. Nug heeb, ag auhppeppeg ukkeb, wan ag nona aon daaglagnu daatte ele, ag amuppa ii daamna.

Duteronomi 30:9

Ag anam heppeg, Yawe, ahilag Kayak, Nug enanagnab doya heeb, ag aɗi uɗat digdig hekkulag am enaib bekku. Ag appatppeg, ahilkad nid naunau kuɗumnab daaglag. Ahilkad makau ele appatkkulag. Datta ee ebatteb, amu ele meu huanak okku. Aɗinu? Nug ag mamelkad aɗi dilagnu oo enanagnab doyom, amubia Nug baula ahilagnu enanagnab doya heeb, ag ee keeke, elelenab daaglag.