Jeremaia 32:31 - Nobonob Baibel

³¹ Danab ag Jerusalem aab kalappignu uɗie, gemu ele appan danab ah ag heeg, da ool nauhe, oppoɗil ele beum amunu, da aab amu da noolppa ii daamanu hekkuloitte.

Jeremaia 32:31 ပူးပေါင်းရင်းမြစ်များ

2 King 21:16

Amu Manase nug Jerusalem appa danab ah eheɗ laa ii heppig kuɗum, huanak aqe mauhppig. Nug anam ha, amu nug ele he, Juda danab ah ag hipunin heppig. Ag hipunin amu henana, ag Yawenu neekkakppa eheɗ heppig.

2 King 23:15

Amu Josaia nug amu oh ha, nug ele Nebat bekka Jeroboam nug hipunin hatta he, Israel danab ah ag hipunin amu ele hadappig, nug anukka aab Betel appa mettid lag nakok, qaɗab laa ele qe daapiɗ amu, Josaia nug Betel appanu mettid lag nakok, qaɗab amu ele he nauhom. Nug amunu men he aoɗeg kalu ne, nug kayak hambuppuak Aserah dabmekkulagnu biidod, appa dayom ele, nug amu ele mane ewom.

2 King 23:27

Yawe Nug inam aum. “Da kobol anukka Israel wanppa hemi ele amu, da kobol amuib Juda wanppa hekkul. Da geha lamadppi, ag appalag uun, wan laappa uma gona, da noolppa ii daamna. Da ele Jerusalem aab okkai, amu dahil mettid lag ele, lag amunu da, ‘Da onil am aguppa daakku,’ ami amu, da aab, lag amu ele dimatakkul,” awa aum.

Jeremaia 23:39

amunu, da ahilagnu genab daul atieb, da danab men buɗie gotte, amubia da heppi, ag da ele laippu ii daamta; amu da aab Jerusalem, da aab okkai amu ag mamelkad aɗi mattami amu, da heppi, ag amuppa ele ii daamna.

Jeremaia 27:10

Aɗinu? Danab amu ag dimppa aɗi bekkunu nai hambuppuak aakku maditteb amunu, ag ahilag nai doon, dabmekkulag dayeb, uug naunab ahilagppa beeb, ag ahilkad wanppa baula eɗun ii daamna. Da heppi, ag wan laappa gona daanna, mauhkkulag.

Gayak Nai 1:8

Juda danab ah ag hipunin huanak heppig amunu, ag Yawenu neekkakppa ag oolagppa dubuttid teum daatteb. Anukka laa ag Juda danab ah dilagnu, “Ag binalag ele,” anan oippig, amge Juda danab ah eheɗ heeg, laa ag ah gappai he, nuhig lamen uɗitteg, beɗu miag dayeye, ah amunu mudippan laippu ag nuhignu ena iinab dootteb, amubia ag Juda danab ah eheɗ heppig anidna, gemu ag diig amunu Juda danab ah dilagnu ena iinab dootteb. Juda danab ah ag akka akka eheɗ heppignu uɗa nak nau guittak ele doon, aiqagatteb.

Daniel 9:16

O Naɗi, na genab tutukkuib hanhan hettem amunu, na amubia gemu ele henana, na Jerusalemnu danab ah, ⌊Juda danab ah oh ele⌋ dilagnu oot nauhom daatte, na amu dilagnu oppoɗi bak doottem amu, na amu uukkutnu oɗ medattem. Jerusalem am nahip aab, am aab amu am qauko nahipnu tituanak daatte, am amuppa daatte. Ig nahipad danab ah, ig, amu ig mamenkad aɗi ele ig hipunin heut, na bu eheɗ mekkame amunu, danab ah wan atu ig taliligna daatteb ele, ag ig, aab Jerusalem ele, ag ihinignu, ‘Keeke hamunab,’ dootteb.

Matyu 23:37

O Jerusalem, Jerusalem, na propet aqae mauhtteb, maɗi nid Kayak nahip-ppa maatte uɗitteb ele, na ag ele menppa aqae mauhtteb. Da haen kuɗum na begapad, matuk anig nakkud haugppa qagmaatta tonadtte, amubia qagmaadkkulnu hemi, amge ag uuppig.