Jeremaia 32:25 - Nobonob Baibel

²⁵ Anam amu, na ame bia na heppe, Babilon ag aab okkai imu ag eɗidna aoppeg, ag eppelagppa daakku. Anam daakku, amge O Naɗi Yawe, na da amelppa, ‘Wan maha laa silwappa daden mewona heppe, laa amunu hak pepappa yaak anidna, ag onilag ele yeeg!’ ame amu ⌊da amunu diig tutukku ii doottem⌋.” Da Jeremaia, da unuqitten anam ami.

Jeremaia 32:25 ပူးပေါင်းရင်းမြစ်များ

Sam 77:19

Nahip ib am yu gamagppa ukkom. Ao, na ippun am le naɗi gamagppa ukkom. Nahip ib am anam, amge auntai laa na baen abenab anidkkunu elele iitta dayom!

Sam 97:2

Bud, amu gatatu teppu ele aa Nug talilidya, happut-ttep. Nug king dayaya, Nug kobol genab tutukku ele, amu nai doya mala hettoɗia epeɗia elele mettak kobol eleib dim lamat-tte.

Jeremaia 24:10

Da heppi, kekeɗ ag uɗin, qep elabppa aqappeg, enug haen beeb, oɗe nau danab kuɗum aqe mauhtteb ele beeb, ag mauhna, wan da ag mamelkad aɗi mattami amu, ag amuppa ii daamna.’ ” Yawe Nug anam awa atte.

Jeremaia 32:15

Aɗinu na anam hekkut? Yawe Nukka Ɠagattag Oh Ele, Israel dilag Kayak, Nug amunu inam atte. ‘Butti aɗi, Israel danab ag wan imuppa daan, lag, wan, grep dad ele meppeg, laa ag daden mekkulag,’ awa atte.” Da Baruk amegppa anam ami.

Jeremaia 32:24

Antte! Kekeɗ ag aab okkai imu eɗidkkulagnu ag wan buun, aon uɗin, gokkaɗegeg beebe, aɗ eleleppa bekkunu hetteb. Aab imuppan danab ah ag qep elabppanu mauhakppa, enugnu mauhakppa, oɗe nau danab kuɗum aqe mauhtteb, mauhak amuppa ele, Babilon ag aab okkai imu eɗidna aoglag. O Yawe, na aɗi keeke bekkunu ame amu, kobol anam aakku beebe na anidttem.

Jeremaia 32:26

Jeremaia nug anam a, Yawe Nug nuhig nai imu Jeremaia mettom.

Jeremaia 32:43

Jeremaia, na wan imunu attem. ‘Yawe Nug wan imu Babilon danab eppelagppa mekku amunu, wan imuam hele-ettak, wan meu waknu nakokib elele, am anam daakku, amu danab, doɗ ele ippa ii daamna,’ aon attem, amge butti haen adekkuppa danab ag wan imuppa daanna, ag wan meppeg, laa daden mekku.

Jeremaia 32:8

Yawe Nug da amelppa Hanamelnu aum amu, anamnab da amal nakok Hanamel nug uɗia, da daup king gumappig laulagnu haɗap-ppa daamippa ba, nug da amelppa aum. “Dahil wan maha laa Benyamin wanppa, Anatot guguittak daatte amu, na ihinig ɗoppa wan amu laa eppegppa dayaknu qagaiettakppanu eɗua uhuqak hekkutnu daattem amunu, laa ag daden memananu, wan amu nahip daakkunu na daden me!” awa aum. Nug anam aum, da amu bekkunu tatam Yawe oɗeppa doomi amunu,

Jeremaia 34:17

Nug anam atte amunu, Yawe Nug ele inam atte. “Ag dahil nai ii dim lamidppig. Ag laa, ag ag ele tiilag laippu, ahilkad maɗi nid daatteb amu, ag uhuqatteg, ag uhuqak aon, hamu ii daatteb. Iitta! Ag ag waalagppa ahilkad maɗi nid daatteb amunu, ag da dahil nai ii dim lamidppig ele, da ag uhuqak laa madakkulnu hettem. Uhuqak amuam ag qep elabppa mauhkkulag. Uhuqak amuam ag oɗe nau danab kuɗum aqe mauhtteb, ag amuppa mauhkkulag. Uhuqak amuam ag enugppa mauhkkulag. Amu da heppi, wan ohppa danab ah ag ahilagnu oolagppa uuaknab dooglag.

Jon 13:7

Anam a amu Jesus amegppa aum, “Keeke da hettem imu na geha imu ii doottem, amge dimppa dookkut,” awa aum.