Jeremaia 32:17 - Nobonob Baibel

¹⁷ “O Naɗi Yawe, na ɠagattag nahip-ppa, nakka ebehinppa ele hab, wan ele heme. Aɗi keeke uug ele na hekkutnu elele iitta laa ii daatte.

Jeremaia 32:17 ပူးပေါင်းရင်းမြစ်များ

Genesis 18:14

Da Yawe, da keeke oh hekkulnu elele iittate? Da matu ami, amubia, haen da memippa, haen amuppa da geha eɗue uɗippi, amu haen gamag amuppa Sarah nug nid danab aweb daakku,” awa aum.

2 King 19:15

Hesekaia nug kola me dayeye, nug Yawe inam unuqittom. “O Yawe, na Israel dilag Kayak, na Tituanak Nainu Kunupnu engel okkai-kerubim aɗit dottolah gamalahppa sia king nahip-ppa daattem. Na hab, wan ele hatame. Na aakkuib am wan ohppan Kayak daattem.

2 King 3:18

Elisa nug nai amu awowa, nug tuɗitta aum. “Yawe Nug keeke imu hekkunu am uug iitta. Nug ag le madakkunu am keeke okkai iitta, am keeke nakoknab. Ele amu, Yawe Nug Moap ag eppelagppa maadkku.

Nehemaia 9:6

Ag nai amu ana malaeg, ⌊Esra aha, inam Yawe unuqittom.⌋ “Na nakka am Yawe. Na hab, hab waappa, hab attan ukke ukke, adekku batatte ele, na amu oh hattame. Na habppan hoɗopai oh, wan, wanppa aɗi aɗi keeke daatte, yu, yuppan keeke oh ele hattame. Na keeke oh bau daatteb ele bau madattem. Hab aabppan daup, ag kuɗumnab ele, ag oh na noomppa dup nona binan metteb.

Job 42:2

“Da doottem, na keeke oh hekkutnu elele. Na keeke laa hekkutnu maittak aome dayeb amu, laa nug heeb, na ii hemananu elele iitta.

Sam 102:25

Keeke oh digmak haenppa, na wan heme. Ao, na eppenppa hab ele heme.

Sam 136:12

⌊Ig Yawe,⌋ Nug nuhig ɠagattag okkai amuppa anam heum amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

Eksodas 20:11

Aɗinu? Da Yawe, da deɗ eblaih laippu ele uɗat hei ukke, hab, wan, yu ele, amu keeke oh amuppa daatteb ele hattami, amge da deɗ ebqak eblaih aɗitppa, da hik aomi. Da keeke amu oh deɗ amuppa hein maloya, da deɗ eblaih aɗitppa hik aomi amunu, da deɗ ebqak eblaih aɗit ele, amuam Sabat aakku, da deɗ amu itittak ena mettoya, dahil daakkunu tituanmi.

Aisaia 42:5

Kayak, Nug Yawe, Nug hab ha, abenppa me daatte; Ao, Nug wan ele ha, wanppan keeke bau daatteb oh ele heum. Nug wanppan danab ah oh bau dayak madatte. Ao, Nug aun aɗi wanppa oitteb amu, nug ag ouɗi madatte. Amu Kayak, Nug Yawe, Nugib nuhig maɗi nid amegppa geha atte.

Aisaia 44:24

Yawe, Nug ag qagaiettakppanu eɗua uhuqaknu ehanittak daatte, Nug he, nid anig ooppa ena mette, amubia nug he, ag Israel ag huu laippu daatteb amu, Nug atte. “Da am Yawe, da keeke oh hemi. Da dakka da hab hemi. Da dakka da wan ele hemi.

Aisaia 45:12

Da, laa iitta, da wan hemi. Da hein, da danab ah aguppa daan oiglagnu ele hattami. Da eppelppa hab hein, da aam kalam hoɗoppai ele appa daatteb ele hattami.

Aisaia 59:1

Antteg! Yawe Nug ɠagattag daatte. Nuhig ɠagattag amuppa Nug danab ah padal memananu ehanadtte amu, ɠagattag amu ii iitta meum. Amu Nug danab dilag unuqittak dookkunu ele elele daatte

Jeremaia 1:6

Nug anam a, da ami. “O Naɗi Yawe, da am nid nakok aakkuib amunu, da nai anam madikkulnu elele ii doottem,” awe ami.

Jeremaia 14:13

Yawe Nug anam a, da Nug amegppa ami. “O Naɗi Yawe, gadon, propet laa ag hanhan danab ah imu amelagppa atteb. ‘⌊Yawe atte,⌋ “Ag ban laa ii anidmana. Enug haen ahilagppa ii bema. Aɗinu? Da heppi, ag hanhan aben imuppa maɗoɗ ele daaglag.” ’ Ag anam aon atteb,” awe ami.

Jeremaia 21:2

“Babilon dilag king Nebukatnesar nug banenig uɗia, ban hette amunu, na Yawe amunu oɗ medakkutnu oɗ medattep. Anukka Yawe Nug haen laala nuhig ɠagattagppa kobol danab hekkunu elele iitta hatta, Nug ig Israel ehanikke, ena daamut. Amu na gemu Yawe anam ehanikkeb, Nebukatnesar nug ban hak uua, aha uuikka gokkutai, o iittatai, na Yawe amunu oɗ medappe, aɗi ab, appe doognihnu oɗ medattep,” aoya apiɗ.

Jeremaia 27:5

Da Yawe, da ɠagattag okkai ele, amu da ɠagattag amuppa da wan imu, danab ah wanppa daatteb, doɗ wanppa daatteb ele oh hattami. Da amu oh hattami amunu, da aun nug keeke amunu okkai daakkunu ool hette amu, da keeke amu oh nug eppegppa mettem.

Jeremaia 32:27

“Da am Yawe. Da danab oh dilag Kayak daattem. Keeke laa haknu uug nau ele amu, uug amu nug da eɗile, da hekkulnu elele iitta daattemte? Iitta!” awa atte.

Jeremaia 33:3

‘Juda danab ah, ag da unuqiɗppeg, da unuqittak ahilag nob matten, da keeke okkainab, ag ii dootteb ele, danab ah ag ahilag dabmakppa mattin anidkkulagnu elele iitta, da keeke okkainab amu ag ippunadkkul,’ ” awe attem.

Jeremaia 4:10

Yawe Nug anam a, da ami. “O Naɗi Yawe, na ib oo ii neme amunu, laa ag Juda danab ah imu hambuppunna, ‘Maɗoɗ ahilagppa daakku,’ aegeg, danab ah imu ag amunu oolagppa genab dootteb, amge qep elab ig baanigppanab aakku daatte,” awe ami.

Jeremaia 51:15

Yawe Nug nuhig ɠagattagppa wan heum. Nug doyak dabmak ena ele nuhigppa wan ha, abenppa meum. Ao, Nug diignu doyak tutukku nuhigppa ele ha, hab nuhig abenppa meum.

Jeremaia 51:19

Amge laa, Jakop buɗub dilag Kayak daatte, Nug amubia iitta. Iitta! Aɗinu? Nug keeke oh heum. Ge, Nug keeke oh, Jakop buɗub ele hattom. Jakop buɗub ag am nuhikkudnab danab ah. Nug onig am Yawe Nukka Ɠagattag Oh Ele.

Esekiel 11:13

Yawe Nug tuleglegppa da amelppa anam akkulnu aum, da propet nai amu mattiyi, Benaia bekka Pelatia nug mauhom. Nug mauhe, da laippun gatel qaun oin, gomelen, iɗul wanppa mein, da baal okkaippa emi. “O Naɗi Yawe, na heppe, Israel danab ah oɗo yaak daatteb oh mauhkkulagte?” awe emi.

Esekiel 9:8

Danab eblaih laippu ele amu ag amu doon, ag gona amu heegeg, da dakka appa dayeye, da laippun gatel qaun oin, gomelen, iɗul wanppa mein, da Yawe unuqitten inam ami. “O Naɗi Yawe! Na Jerusalem danab ah dilag eheɗ hak anidna, na oppoɗin huan be, bu madattem, amge na heppe, Israel danab oɗo yaak daatteb amu, na heppe, ag ohnab mauhkkulagte?” awe ami.

Daniel 2:22

Nug keeke unuqagnab daatte, keeke lokkumak daatte, Nug keeke amu he, miag atitte. Nug aɗi keeke gatatuppa daatte am dootte. Nuhig dayak abenppa amu, appa ele amahlak Nug ele daattep.

Daniel 6:20

King nug ukka, moɗ naɗi laion daatteb guguittak ukka, nug baag oo doyak eleppa Daniel onigppa ewa aum. “O Daniel, na Kayak bau daatte elenu maɗi nid, nahip Kayak, na hanhan Nug waappa daan, nuhig maɗi nid daattem, Nug ehanitte, na qagaiettakppa ii daanna, laion eheɗ laa ii heidmananu elele daamete, o iittate?” ewa oɗ mettom.

Sekaraia 12:1

Nai imuam Yawe, Nug Israel dilagppanu aum. Yawe, Nug hab abenppa ma, wannu ukku, wan ele ha, Nug danab ah ele bau madatte amu, Nug atte.

Sekaraia 8:6

Yawe Nukka Ɠagattag Oh Ele Nug amu anana, Nug imu ele atte. “Anukka ag danab ah huanak daappig, gemu ag oɗo yaak danab ah daatteb, amu gemu ag keeke ena amu qinob bekkunu oolagppa elele iitta bia doon daatteb bia, amge diig amunu da Yawe, da ele anam doottemte? Iitta. Da hekkulnu elele!” Yawe Nukka Ɠagattag Oh Ele Nug anam awa atte.

Namba 11:23

Moses anam aum, amge Yawe nob ma aum. “Da anam hekkulnu dahil ɠagattag iittate? Gemu amu, na amenppanab keeke bekkute, iitta, iite bekku amu anidkkut,” awa aum.

Matyu 19:26

Ag anam aeg amu, Jesus Nug ag tutukku neekkattatta, amelagppa aum. “Danab ag akka elele iitta, amge Kayak Nug keeke oh hekkunu elele,” awa aum.

Mak 10:27

Aon aeg amu Jesus Nug tutukku neekkatta aum. “Danab ag akka elele iitta, amge Kayak Nug anam bia ii daatte. Kayak Nug keeke oh hekkunu elele,” awa aum.

Luk 1:37

Antte! Kayak Nug keeke oh hekkunu elele,” awa aum.

Luk 18:27

Aeg amu Jesus Nug aum. “Keeke danab ag akka hekkulagnu elele iitta daatteb amu, Kayak Nug hekkunu elele,” awa aum.

Aposel 14:15

“Ag ippan danab, ag aɗinu anam hetteb? I ele am danab, ag biaib. I Nai Ena ag amelagppa mehuqta, amu i ele ag keeke nau hamu meu iitta amu uuadna, ag Kayak bau daatte amu Nug dim lamidkkulagnu amelagppa mehuqttep. Nug am hab, wan, yu ele, amu keeke oh amuppa daatteb ele, amu oh Nug hattom.

Aposel 15:18

Anukka Kayak Nug nai amu mattia aum, amu gemu ele Nug anamib atte.

Aposel 17:24

Pol nug anam ana, nug tuɗitta aum. “Amu Kayak Nug wan imu ha, keeke oh wanppa daatteb, laa ig anadttem, laa ig ii anadttem ele amu, Nug heum. Kayak amu Nug habnu, wannu ele Naɗi daatte amunu, Nug mettid lag, danab eppelagppa hetteb, amu ooppa, Nug ii daatte.

Revelesen 4:11

“O Naɗi, ihinig Kayak, Na keeke ohnab heme. Nahip doyakppaib na keeke oh he beppig. Gemu keeke amu oh nahip doyakppaib ele iikku daatteb amunu, binag amahlak oppiaawak, ɠagattag, binag ele nahip-ppa daakkunu, na elele daattem.” Ag anam aegeg anidmi.