Jeremaia 31:9 - Nobonob Baibel

⁹ Ag gaanna uɗiglag. Yo, ag unuqiɗppeppeg, da omladppi eɗun uɗiglag. Da ag le daugppa noolag awe anuqe goppi gokkunig. Yo, da ag ib laa tutukku, ib ena, baelag ii qekkulag eleppa omaladkkul. Aɗinu? Da Israel mameg daattem; Israel nug am dahil nid danab tatamnu daatte.” Yawe Nug anam awa atte.

Jeremaia 31:9 ပူးပေါင်းရင်းမြစ်များ

1 Stori 29:10

Amu Dawit nug amu antta, nug danab qagmeppig noolagppa Yawe binag metta inam aum. “O Yawe, ig na binan humattem. Na ig memetanig Israelnu Kayak, na hanhan alet daattem.

Sam 107:7

Ag anam unuqitteg, Nug ib tutukku laappa anuqa ugakka omalatte, ag aab okkai laa, ag amuppa daaglagnu elele amu, ag amuppa teppig.

Sam 23:2

Yawe Nug he, da aben gikkiɗah enanag eleppa hik awen daye, Nug omaiɗa anuqa ukke, da le maninnab daugppa dayeye, le awe lattem.

Sam 89:27

⌊Nid danab tatamnu ag nid anuqak daan binalag, aulag okkai ele aotteb, amubia⌋ nug nid ⌊danab⌋ naanaeg dahil daakkunu otikkul. Ao, nug wanppa king okkai naɗinab, king laa oh eɗattak daakku.

Eksodas 4:22

⌊Na uɗat danab haknu elele iitta amu oh hena malappe, Paro nug danab ah ii uuatteb, amu dimppa na Paro amegppa inam appe doyaɗ!⌋ ‘Yawe Nug inam atte. “Israel ag am dahil nid danab tatamnu,

Aisaia 42:16

Da geha dahilad danab ah, ag amelag gaɗuak bia daatteb amu, da ag omaladppi, ib ag anukka ii dooppig ele amuppa gokkunig. Yo, da ag omaladppi, ib ag anukka ii anidppig ele, ig amuppa gokkunig. Da heppi, gatatu ag tonattom daatte amu, gatatu amu oppiak ele dayeb, ag amahlak aoglag. Da heppi, aben qe ta qe nak ele, am uɗem tutukku daakku. Genab, da anam aakku ehanadkkulnu hekkul; da ag iinab uuadpa.

Aisaia 43:20

Da danab ah dahilad, da ag tituanadmi amu, da ag le lakkulagnu atu taɗakppa le hadakkul. Ao, da danab ah dahilad ag le lakkulagnu, da wan meu waknu nakokib elele, appa da le hadappi gokkulag. Da amu hekkul amunu, doɗ dakkuɗ digdig, doɗ jakal, aria hipunai ele, ag le amu lanana, ag dahilnu oolag gamag ahebeb, ag dahilnu, ‘Ena hen mekkame,’ bia dooglag.

Aisaia 45:11

Amu Yawe, Nug am Israel dilag Kayak Oppiaawak Ele, Nug he, Israel ag huu laippuppa daatteb, Nug kobol amunu inam ele atte. “Da butti aɗi dahilad nid dilagnu attem heppi amu, ag da amunu, ‘Amuam ena iitta. Na inam helom am ena,’ akkulagnu ib iitta. Ao, da dahilad nid dilagnu attem hettem amu, ‘Na inam he!’ akkulagnu ib iitta. ⌊Ag hekkulag dayeb amu ag hambuppun hekkulag.⌋

Aisaia 57:14

Amu laa Nug ⌊Yawe oɗe awa, inam⌋ akku. “Ag ib babaitteg! Ag ib babaitteg! Ag dahilad danab ah eɗun, ahilag wanppa uɗiglagnu, ag ib oonaknu keeke oh heppeg iitta maɗ!” awa akku.

Aisaia 63:16

Anam, amge o Yawe, na am ig Mamenig. Abraham nug ig ii dooiglo. Ge, Israel nug ihinignu, “Imu, ag am da buɗulad iitta,” alotai. Amge O Yawe, na am ig Mamenig. Na nakka aakkuib, na anukkanu uɗie, gemu ele, na qagaiettakppanu eɗua uhuqaknu ehanittak ihinig daattem.

Aisaia 64:8

O Yawe, ig am anam aakku daattem, amge na ig Mamenig daattem. Na waa keeke hak danab bia daattem, ig am wan, waa haknu, ig amubia daattem. Na ig oh heigme.

Jeremaia 3:19

Da dakka, da oolppa, ‘Da danab nug bekkod ena hadatte, amubia da ena hatten, wan aulag enanag, enanag laa oh eɗattaknab, da wan amu madakkulnu ool daatte,’ ami. Da ag dahilnu, ‘Mama,’ akkulagnu, ag da ii dimeɗan, ag eɗun, ii dim lamiɗmananu uuglagnu dabmemi.

Jeremaia 3:4

Ag anam hetteb, amge ag da amelppa atteb. ‘O ig mamenig, ig nid nakok daautut, na ig lainignab daame.

Jeremaia 31:20

Ag anam atteb, amge Israel danab ah ag am da bekkalad, da ahilagnu oo doyaknab iite doottem? Da ahilagnu ool huana iite mauhtte? Da ahilag eheɗ haknu dabmein, bu madakkulnu haen kuɗum attem, amge da amu heinne, da ahilagnu dabmettem, ahilagnu daul ii atitte. Da amu hettem amunu, da ag ele laippu daagnignu ool naɗi daatte. Da ahilagnu ool doyeb, ool matten ehanadkkul.” Yawe Nug anam awa atte.

Jeremaia 50:4

Amu Yawe Nug atte. “Haen amuppa amu, Israel danab ah, Juda danab ah ele ag ahan, ag gaanna, ag da, Yawe, ahilag Kayak, ag da aniɗna dim lamiɗkkulagnu mattiɗkkulag.

Hosea 12:4

Am genab, nug engel ele wagai mak heya, wagai maknu ii uuom; nug gaya, itittak ena aokkunu ɠagattag oɗ mettom. Betel appa amu nug Kayak ele nug uɗa teya, appa Kayak nug ele nai madipiɗ.

Hosea 3:5

Anam amu, amu dimppa amu, Israel danab ah ag eɗun, Yawe, ahilag Kayak, ag Nug, amu ahilag king, Dawit buɗubppanu ele anatna dim lamatkkulagnu mattialatkkulag. Ag geha, gog tak haenppa Yawenu, nuhig itittak enanu ele ebehilag oh bodoetta le mekku.

Sekaraia 12:10

Anam amu, da heppi, Dawit buɗub, aria Jerusalem danab ah ele, ag ehanittak okkai hamu mettaknu kobol, unuqittak kobol ele dim lamidkkulag. Ag anam henana, ag laa qetti banppa atulppig, amuam da, ag eɗun aniɗna, ag dahilnu oo doyak doon, mahiak okkai hekkulag. Laa nug nuhig nid laippuib, nid amu mauhe, nuhignu mahiak okkai hette, ag amubia dahilnu mahiglag. Ao, laa nug nid danab tatamnu mauhe, oo doyak okkai, guittak ele awa mahitte, amubia ag dahilnu mahiglag.

Malakai 2:10

Ig oh mamenig laippu iittate? Kayak laippu Nug ig oh iite heikkom? Ao, ig oh mamenig laippu, Nug ig oh heikkom Anam amunu, aɗinu ig lainkad amelagppa ig keeke laa hekkunignu nai qagattem, amge ig ii hettem? Aɗinu ig mamenkad aɗi ag Kayak ele nug tituanna nai qagappig amu, ig nai qakkak amunu am keeke hamu bia doot tippalttem?

Namba 2:18

Mettid haknu peh lagnu, laih qaban uɗitteppanu, Epraimnu huuppanu danab ag huu naunau anen anen ag ahilag pilak guguittak aben aon, haen tutu dayaknu aab kalan daaglag. Epraim huu dilag ikki danab am, Amihut bekka Elisama. Nuhig huunu ebqak amu 40,500.

Matyu 3:3

Anukka propet Aisaia nug Jonnu inam mattia aum. “Nug am baag laa atu taɗakppa dayaya, nai inam ewa atte. ‘Ag Naɗi uɗikkunu ib babaitteg! Ao, ag ib tutukku, tak nak iitta ele nuhignu babaitteg!’ ” Aisaia nug Jonnu anam aum.

Matyu 5:4

Danab aun aɗi ag oolagppa ⌊hipuninnu⌋ guittak dootteb ele amu, ag itittak ena aoppig daatteb. Aɗinu? Ag oo mak aoglag.

Matyu 6:9

Am anam amunu, ag inam unuqitteg! ‘Ig Mamenig, na hab attan daattem. Na heppe, ig danab oh ig na onin am oppiaawak daatte dootu!

Luk 6:21

Ag gemu enug aqatte ele, ag itittak ena aoppig daatteb. Aɗinu? Kayak Nug heeb, ag oolag didikku. Ag gemu oolagppa uug doon gaatteb ele amu, ag itittak ena aoppig daatteb. Aɗinu? Ag oolag gamag ahakku.

Rom 8:26

Kayak Ouɗi Nug ele ig danab ig ɠagattag iitta ehanigtte. Ig aɗi keekenu unuqidkkunig amu, ig ii doottem, ig oonigppaib gaattem, ig miag matulta ii attem, amge Kayak Ouɗi Nug ig ehanikka, ihinignu Kayak unuqidtte.

2 Korint 6:18

geha da ag Mamelag daakkul; ag am da bekkalad aɗelad daaglag. Da Naɗi Dakka Ɠagattag Oh Ele, da anam awe attem.”

Duteronomi 14:1

Ag am Yawe, ahilag Kayak, ag nuhikkud danab ah daatteb. Am laa nug mauheb amu, ag beɗulag aib otaɗna, o ikkilag uɗug laa hetteb bia laih laih aib hoippig.

Duteronomi 32:6

O Israel danab ah, Yawe Nug ahilagnu ena heum. Ag anamppate eɗun noob mekkulagte? Ag am danab ah dabmak tutukku iittappa keeke henan oitteb. Ag doyak dabmak ena ele iitta. Yawe, Nug am ag Mamelag iittate? Nug ag iite hattom? Nug iite ag laippu tamaniattom?

Hibru 12:13

Amu ag oolagppa laa ag baelag nau autaut oitteb ele amu, ag nauhna autna aomnanu, ag eɗun ena daaglagnu, ib ag oh tappan gotteb ele, ag ib amu bappaidna autna aweg!

Hibru 12:23

Amu ag Kayak bekkod tatamnu, Kayak Nug ag onilag matu hab aabppa yom daatteb, ag amu dilag qagmak naɗi amuppa wappig. Ag Kayak, Nug am danab oh epeɗiadtte ele amu, Nug gukkuidna wappig. Amu ag danab anukkanu, Kayak Nug ahilagnu, “Genab tutukku hak danab,” aum, ag mauhadna hab aabppa elelenab daatteb ele amu, ag gemu daatteb, ag oolagppa genab dootteb ele, ag amu gumadna, ahilagppa teppig.

Hibru 5:7

Aria, anukka Jesus Nug danab beɗu awa wanppa dayom, haen amuppa Nug Kayak unuqittatta, Nug ele Kayak keeke laala hekkunu oɗ mettom. Nug mauhowa, ib laappa eɗua hippaidkkunu elele iitta, Kayak Nugib anam ehanidkkunu elele dayom amunu, Jesus Nug Kayak amu hekkunu ɠagattag oɗ medatta, ameg leb ne, Nug nukka binag qe ne, Kayak oɗe dim lamittom amunu, Kayak Nug nuhig oɗmak amu oɗeppa awom.

Revelesen 7:17

Aɗinu? Sipsip Nag Nug gamagppa sia king ⌊anuqak⌋ guguittak daatte amu, Nug ahilag gumak danab ena dayaya, geha gumattebeb gona, moɗ laappa, le qeppuɗia bette ele, amuppa ag bauklel le aoglag. Amu Kayak nug geha amelag leb oh amelagppanu obikku,” awa aum.