Jeremaia 31:5 - Nobonob Baibel

⁵ Ag Israel baula qauko nakok Samaria guguittak daatteb heqoppa muɗi grep eppaglag. Ge, dad gumak danab ag amu ebappeg, muɗi meu ob, ag meu amu aon lanana, ag oolag gamag ahakku.

Jeremaia 31:5 ပူးပေါင်းရင်းမြစ်များ

Sam 107:37

Ge, ag dad ahilkad hattana, ag muɗi grep eppaladna, ag meulkad tuqappig.

Jeremaia 32:15

Aɗinu na anam hekkut? Yawe Nukka Ɠagattag Oh Ele, Israel dilag Kayak, Nug amunu inam atte. ‘Butti aɗi, Israel danab ag wan imuppa daan, lag, wan, grep dad ele meppeg, laa ag daden mekkulag,’ awa atte.” Da Baruk amegppa anam ami.

Esekiel 28:26

Da amu heppi, Israel danab ah ahilag wanppa baɗak iittappa daaglag. Ag appa lag buun, grep dad ele eppaglag. Da danab ah ag Israel taliliadna daanna, Israel dilagnu ena iinab dootteb amu, da eheɗ hatten, bu matten malappi, dimppa Israel danab ah ag enaib daaglag. Da amu heppi amu, ag dooglag, da am Yawe, ahilag Kayak.” Yawe Nug anam atte.

Esekiel 36:8

Amge ag Israel dilag qauko, Israel danab ah ag paha eɗun uɗiglag amunu, Israel ag ee lakkulagnu ad ahilagppa bena, meu okkulag.

Amos 9:14

Da heppi, dahilad danab ah ag wan laalappa gona, diia ukka laih me dayak danab ah daaglag amu, ag eɗun, ahilag wanppa uɗin daaglag. Ag aab okkai kekeɗ loppaɗppeg nauhak daaglag bappaidna, aguppa daaglag. Ag grep dad eppan, ag wain aon lakkulag. Ag dad eppan, ee appanu aon lakkulag.

Obadaia 1:19

Dimppa, danab ah gemu Judanu wan maha onig Negeb appa daatteb, ag wana, Esau buɗubnu wan Edom, ag wan amu aon daaglag. Danab ah ag Juda wanppa qauko okkai diigppa qauko nakok daattebppa daatteb, ag am ahan, Pilistia danab dilag wan aon, amuppa daaglag. Ag ele Israelnu wan, am Samaria ele aon daaglag. Benyamin danab ag Gileat wanppa daaglag.

Maika 1:6

Am Yawe Nug inam atte. “Eheɗ hak am anam daatte amunu, da heppi, ⌊kekeɗ⌋ laa ag heppeg, Samaria am kinipan ameg okkai hume tak daakku. Ao, aab dayom abenppa am muɗi grep eppaknu aben daakku. Da heppi, ag aabnu men amu oh ehalppeg, oolnu noakppa gokku. Ao, da heppi, aab okkai Samaria, nuhig men ukku ele miagib daakku.

Maika 4:4

Danab anen anen oh ag maɗoɗ ele muɗi grep ahilkad logoppa daaglag. Ao, ag maɗoɗ ele, ahilkad ad fig waappa, logoppa daaglag. Ag anam maɗoɗ ele daappeg, laa heeb, ii baɗamna. Keeke amu oh anam daakkunu diig am, Yawe Nukka Ɠagattag Oh Ele Nug amu bekkunu ana malom.

Sekaraia 3:10

Amu Yawe Nukka Ɠagattag Oh ele Nug inam atte. “Amu deɗ amuppa ag oh anen anen ag mudippan laippu laa ag ele maɗoɗ, enanag ele daaglagnu onilagppa ekkulag,” awa atte.

Duteronomi 20:6

Aun laa grep dad heme, amge na meu laa ii aon lame? Laa ii lame dayeb, na banppa mauhppe, laa ag lamananu, na eɗun aabppa gokkut!

Duteronomi 28:30

Ag ah ele layam bataglag, amge danab laa geha wagai ma, ah amu duttuna heeb, nug ele gappai aoglah. Ag lag hekkulag, amge laa ag uɗin amuppa daaglag. Ag grep dad eppaglag, amge laa ag uɗin, grep meu amu aon lakkulag.

1 Samuel 21:5

Ahimelek nug anam Dawit amegppa a amu, Dawit nug nob ma amegppa aum. “Ig ah ele oimtanu ig deɗ ewam imu awaittak daamut amunu, ig ah ele ii oimut. Haen ig keeke laa hanhan hettem bia hekkunignu gottem amu, dahilad danab ag Kayak ele ouqa dayaknu elele daaglagnu henana, ahilag keeke ele Kayaknu neekkakppa dubuttid ele daamnanu henan gotteb. Gemu amu, ig keeke hamu hekkunignu ii gottem, ig keeke laa hekkunignu gottem amunu, ig anam pehettaknab heta auta autanab iite hemata?” awa aum.