Jeremaia 31:4 - Nobonob Baibel

⁴ Da ag Israel danab ah ehanadppi, ag eɗun, ɠagattag daaglag. Ag am ah makkun laa padal mekkunu haaha, eɗua ena daya aha, tambarin eppegppa aɗa, musik haaha, oo gamag ahak okkai ele ahi goɗatte, ag amubia hekkulag.

Jeremaia 31:4 ပူးပေါင်းရင်းမြစ်များ

2 King 19:21

Da nai amu doyen, da Yawe, da Senakeripnu nai uug elenu inam mattimi daatte. “Sion danab ah ag nahipnu ena iinab doon, ag aon aon nittaglag. Na oolna gobeppe, Jerusalem danab ah ag imidkkulag.

Sam 149:3

Ag ahi goɗanna, Nug binag meig! Ao, ag tambarin, harp ele henana, binag meig!

Sam 30:11

O Yawe, na hee, da mahiak okkai hein daami amu, da mahiak amu uuen, da gamag ahak naɗi doyeye, ahi goɗattem. Na lamen heɗiag ele dahil uɗilon, lamen gamag ahaknu ippunigtte ele meɗame.

Sam 51:18

Na enanag, elele doon, danab ah Sion daatteb amu ehanadkkutnu oɗ medattem. Yo, na Jerusalem danab ah ehanadppe, ɠagattag daaglagnu unuqidttem.

Sam 69:35

Aɗinu? Kayak Nug danab ah ag Sion daatteb ele ehanatteb, ag padal ii memana. Ao, Nug heeb, danab ah ag Juda aab okkai baula buualadkkulag. Ge, danab ah nuhikkud ag appa daan, ag heppeg, wan ag eppelagppa eɗua daakku.

Aisaia 14:1

⌊Yawe Nug geha Babilon heeb nauhkku.⌋ Aɗinu? Yawe Nug Israel danab ah dilagnu oo doya, oo madakku. Nug anukka ag nuhig danab ah daaglagnu Nug tituanattom, anamib geha Nug baula tituanatteb, ag nuhig daaglag. Amu Nug heeb, Israel ag eɗun gona, wan ahilagppanab daaglag. Ag daappeg, wan laihnu danab ag geha uɗin, Israel oolagppa daaglag. Daanna, Jakop buɗub bia bena daaglag.

Aisaia 30:32

Am inam daakku. Yawe Nug bu nuhig, Nug bu amuppa danab ah eheɗ hetteb ele bu madatte amu, Nug bu amuppa Asiria danab bu madakku. Nug bu mattebeb, laa ag ⌊Yawe he, eheɗ hak kobol aakku na qette anidna, ag⌋ tambarin, amu harp eleppa ahiettak hekkulag. Yawe, Nugnab Asiria ele ag ban hekkulag.

Aisaia 37:22

da Yawe, da Senakeripnu nai uug elenu inam mattimi daatte. “Sion danab ah ag nahipnu ena iinab doon, ag aon aon nittaglag. Na oolna gobeppe, Jerusalem danab ah ag imidkkulag.

Jeremaia 1:10

Antte! Gemu da na ehah laa medattem. Na wanppan wan laalappan danab ah, amu ɗo maɗoɗ laalappanu danab ah ele amelagppa nai madikkutnu elele daattem. Na laala amelagppa, danab laa nug uud keeke hiɗe bunaɗtteb, o lag keeke loppaɗtte, amubia da wan laa, o ɗo maɗoɗ laa amu, da ahilagppa heppi, ag nauhkkulag akkut. O na laala amelagppa danab laa nug keeke he nauhtte, o laa abenlagppanu lamatta, ahilag aben aotte, amubia da wan, o ɗo maɗoɗ laa amu heppi, ag padal mekkulag akkut. O na laala amelagppa danab nug lag bau he bette, o nug keeke eppe ena bette, amubia da wan o ɗo maɗoɗ amu heppi, ag ena daaglagnu akkut.” Yawe Nug anam awa, da amelppa aum.

Jeremaia 14:17

Anam amunu, Jeremaia, na gona, danab ah imu amelagppa inam appe doyeg! ‘⌊Qinob, uug naunab amu beppeg, da akkul.⌋ O gadon, da amel leb huanaknab naɗ! Ao amun, tuqan ele anamib hanhan naɗ! Aɗinu? Dahilad danab ah, ag da ele tiinig laippu, ag am da aɗel, ah makkun dahil bia daatteb amu, ag makkuɗakppa ihilag nau ele daatteb. Ao ag maduduɗattakppa guittak okkainab aoppig.

Jeremaia 18:13

Ag anam akkulag amunu, Yawe Nug imu ele atte. “⌊Laa⌋ ahan gona, wan atu laih ohppa danab ah oɗ mattan doyeg! Appa Israel danab ah hetteb bia heppigte oo iittate? Israel danab ah ag ah makkun kobol nau laa hette, ag amubia heegeg uɗie, gemu ele hetteb.

Jeremaia 24:6

Da ag atognoatten ehanadppi, ag wan imuppa eɗun uɗiglag. Da ag atognoadppi, elele daaglag. Da eheɗ hadappi ii nauhmana. Da danab keeke eppe, ena bette, da amubia ahilagppa hekkul. Danab nug keeke hiɗe nauhtte, da amubia ahilagnu ii hepa.

Jeremaia 31:13

Haen amuppa, nid ahin bau ag oolag huana gamag aheb, ag goɗaglag. Yo, danab bau, amu danab kaino ele ag oolag huana gamag ahakku. Yawe atte. “Ag oolagppa uug doon mahiglag, amge da ag gamag ahak madakkul. Ao, ag oo doyak dooglag, amge da heppi, ag oolag meeb, oolag gamag ahakku.

Jeremaia 31:21

O Israel danab ah, ⌊ag eɗun, ahilag wanppa uɗiglagnu amu,⌋ ag ib atten atten aon uɗiglagnu ele, ag ib amu giginppa at maadna, pilak human galatteg! Ag ib attem attem aon oiglag amu, ag amu dabmena autna aweg! O Israel danab ah, ag ahan, eɗun ahilag aab anen anenppa uɗiglag.

Jeremaia 31:38

Amu Nug atte. “Haen uɗitte amu, haen amuppa, danab ag aab okkai imu dahilnu eɗun bappaidkkulag. Ag Hananelnu lag attan ta ukkak menppa hakppa digmeppeg ukkeb, aɗnu od onig Daugppan Od, appa batak eɗun bappaidkkulag.

Jeremaia 33:7

Da Juda danab ah, Israel danab ah ele ag wan laalappa diia ukka laih me dayak danab ah gona daatteb, ⌊daaglag ele amu,⌋ da omaladppi, ag eɗun uɗin daappeg, da heppi, ag anukka ɠagattag daappig bia, ag haen amuppa eɗun, anam daaglag.

Jeremaia 46:11

O gadon, ag Isip danab ah ag eɗun ena daaglagnu ag oɗe danab nug Gileat appa marasin ena aokkunu gotte, ag amubia heig! Ag hekkulag, amge ag ib digdigppa eɗun ena daaglagnu hetteb, danab marasin digdig awe ii ehanidtte, amubia ag eɗun ena ii daamna. Ag danab oɗe nau awa, eɗua ena daakkunu marasin laa iitta, amubia ag eɗun, bau daaglagnu ib laa iitta.

Gayak Nai 1:15

Naɗi Nug ig Juda, ihinig daup ɠagattagnab dimattom. Ao, Nug daup laa ag ig Juda, ihinkad nid bau maduduɗadkkulagnu onilagppa eum. Naɗi Nug danab grep meu tappa leppu awaknu abenppa grep meu baegppa tappe, meu nauhtte, amubia Nug he, Juda danab ah ag nauhadppig daatteb.

Gayak Nai 2:13

O Jerusalem danab ah, da ehanadkkulnu aɗi akkul? Laa guittak ag aoppig bia aoppigte? Ge, O Sion danab ah, ag oolag mekkunu amu; da aun laa ag guittak okkai, ag aoppig bia aoppig ippunadppi, ag ɠagattag aoglag? Amu oh iitta; da am elele iitta. Ag guittak aoppig daatteb am okkainab, yu unuqagnab noa ukkak amubia amunu, aun nug ehanatteb, ag eɗun ena daaglag?

Amos 5:2

“Israel wan am ah makkun laa na qa malom, eɗua ii ahama, am amubia daatte. Ao, Israel ag ahilag wanppa na qak anam niitteb; laa ehanatteb ahaglagnu iitta.” ⌊Nai oo doyak ele am anam.⌋

Amos 9:11

Yawe Nug atte. “Ag Israel, ag Edom danab oɗo yaak daaglag gumaglagnu, ag wan atu laa oh danab ag anukka da onil waappa daappig ele, ag ag ele gumaglagnu da danab lag na qeum bappaitte, eɗua enanag daatte, laih atten nauhak daatte bappaitte, dayom bia eɗua daatte, da amubia ag Israel, da ahilagppa hekkul.” Yawe, Nug keeke amu oh heeb bekku amu, Nug anam awa atte.

Luk 15:23

Amu makau nag ittag ele laa aon dona qeppeg, ig latata gamanig ahaɗ!

Aposel 15:16

Naɗi Nug atte. ‘Danab oɗo yaak daaglag ag Naɗi mattin anidkkulagnu hekkulagnu, amu iitta aɗi ag da onil waappa daatteb ele, ag ele da mattiɗna aniɗkkulagnu hekkulagnu, da danab lag na qeum bappaitte, eɗua enanag daatte, laih atten nauhak daatte bappaitte, dayom bia eɗua daatte, da amubia ag Israel, da ahilagppa hekkul.’ Naɗi Nug keeke amu oh heeb bekku amu, Nug anam awa atte.

Ikki Danab 11:34

Jepta aɗi ag Amon anam eɗadna, Jepta nug appag diig Mispa eɗua ukke amu, antte! Nug aɗeg nug anidkkunu, tambarin qaaqa, gamag ahakppa goɗaɗa anuqa, nug uɗa teum. Nug aakkuib am nuhig nid. Nug nid danab, o nid ah laa iitta.