Jeremaia 31:18 - Nobonob Baibel

¹⁸ Amu Yawe Nug atte. “Da genab Israel danab ah ag mahitteb doomi. Ag mahina atteb. ‘Makau nag nug nai ii doyaya, kobol digdig heehe, mameg bu mettom, amubia Kayak, na ig bu anam mekkame. Ig bu aakku aomut. O Yawe, na am ihinig Kayak amunu, na ehanigppe, ig eɗut nahip-ppa uɗignignu oɗ medattem.

Jeremaia 31:18 ပူးပေါင်းရင်းမြစ်များ

Job 5:17

Kayak Nug danab auntai laa tolitta bu medatte ele, danab amu nug itittak ena awom daatte. Anam amunu, na Laa Nukka Ɠagattag Oh Ele Nug na tolitta bu medatte, na amunu ena iinab doyak aib doome.

Sam 118:18

Yawe Nug da ena daakkulnu bu ɠagattag da meɗom, amge Nug da mauhpanu ehaniɗe, da ii mauhmi.

Sam 119:67

Da eheɗ hein, guittak ii aomi haenppa amu, da ib tutukku apiɗitten oimi, amge na bu meɗai, gemu amu da nahip nai dim lamidttem.

Sam 119:75

O Yawe, da imu doottem. Na laa bu medakkutnu henana, na genab tutukku hak kobol dim lamidna hettem. Anam bia amu, na oo metta ii uuak kobol dim lamidna, na da bu meɗame.

Sam 31:15

Da na eppenppa daattem. Kekeɗ ag da iuppeg mauhkkulnu hetteb; laa ag da lamiɗna uɗina, da eɗilkkulagnu hetteb amu, da amu oh dilag qagaiettakppa daapanu na ehaniɗkkutnu oɗ medattem.

Sam 32:9

Na hos, miul ele ag diignu doyak tutukku iitta ele, ag mamelagnu nai dooglagnu, ag muɗippa qakkaladna gokkulagnu ulum mattaegeg gotteb amu, na amubia aib heme.” Yawe Nug anam awa atte.

Sam 80:19

O Yawe Kayak Nakka Ɠagattag Oh Ele, na eɗun aigppe, nagattoppa wakkunignu oɗ medattem. Ao, na ehanigppe, ig padal ii mematanu, na ig ele daagnignu, na oot ihinignu ena daakkunu unuqidttem.

Sam 80:3

O Kayak, na eɗun aigppe, ig nagattoppa wakkunignu oɗ medattem. Ao, na ehanigppe, ig ii padal mematanu, na ig ele daagnignu, na oot ihinignu ena daakkunu unuqidttem.

Sam 80:7

O Kayak Nakka Ɠagattag Oh Ele, na eɗun aigppe, nagattoppa wakkunignu oɗ medattem. Ao, na ehanigppe, ig padal ii mematanu, na ig ele daagnignu, na oot ihinignu ena daakkunu unuqidttem.

Sam 85:4

O Kayak, na Padal ii maknu ehanittak ihinig daattem. Na eɗun aigppe, ig na guguittak daagnignu oɗ medattem. Ao, na ihinignu baula oppoɗin bemanu unuqidttem.

Sam 94:12

O Yawe, danab na toliadna, bu madattem ele amu, ag itittak ena aoppig daatteb. Ao, danab na nahip ɗo ag ippunadttem ele amu, ag itittak ena aoppig daatteb.

Prowerb 26:3

Hos, donki ele ag dabmak ii aotteb amunu, danab nug makkuɗaknu muɗippa hos ulum medatte, o iitta, donki ikki muɗippa qakka eeɗaɗa, ulum medatte; amubia, danab ag Kayak dab-ii-menan ii dim lamidtteb ele, ag buppa ulum aotteb.

Prowerb 29:1

Danab nug oo eɗukkunu daug batak kuɗum awawa, hamu bia doyaya, nug oo eɗumanu dabmak nuhig ɠagattag eppe oitte, nug guittak okkai awa nauhkku; nauhaknu aɗi keeke bette amu, baoliaknu ib laa iitta.

Prowerb 3:11

O Nid dahil, Yawe Nug na ena bekkutnu tolitta, bu nitteb amu, na amunu ootppa uuaknab aib doome. Ge, Nug na ena bekkutnu daut bateb amu, na nuhignu aib eheɗ doome. Aɗinu? Yawe Nug danab laa, Nug ahilagnu oo mauhtte amu, Nug danab amu ena daaglagnu toliatta bu madatte. Ao, danab nug bekkanu enanagnab dootte ele, nug nug ena bekkunu tolitta bu medatte, amubia Yawe Nug danab amunu hette.

Aisaia 1:5

⌊O Israel danab ah,⌋ aɗinu ag nai tappe nak kobol tuɗidna henana oitteb? Aɗinu ag bu baula aoglagnu hetteb? Israel ag nid laa, hibguitta haaha, bu awe, mukki gaɗa laɗue ukke, beɗu laa oh ele ihi mettom, ag amubia nauhppig daatteb. Ao, Israel ag nid laa beɗu oh oɗe ele, amubia ag nauhna autna aoppig daatteb.

Aisaia 51:20

Ahilkad nid danab ag gai-iitta daatteb. Ag ib oɗatleppa doɗ pelemppa teum daatte bia niitteb. Yawe Nug oppoɗi bak doyeye, ag eheɗ aotteb. Ao, ag Israel, ahilag Kayaknu oppoɗi bak ahilkad nid dilagppa ambak daatte.

Aisaia 53:7

Laa ag nug eheɗ hettan, guittak medappig, amge nug nai laa ii mattiom. Ao, danab nug sipsip qekkunu omala, qaaknu abenppa ugekke, sipsip ii gaatte amu, amubia nug eheɗ ag nuhigppa heppignu nai laa ii mattiom. Ge, danab nug sipsip nag uɗig otaɗeɗe, sipsip nug ii gaatte, amubia ag nuhignu nau heppignu oɗe qamuta, toetta dayom.

Aisaia 63:16

Anam, amge o Yawe, na am ig Mamenig. Abraham nug ig ii dooiglo. Ge, Israel nug ihinignu, “Imu, ag am da buɗulad iitta,” alotai. Amge O Yawe, na am ig Mamenig. Na nakka aakkuib, na anukkanu uɗie, gemu ele, na qagaiettakppanu eɗua uhuqaknu ehanittak ihinig daattem.

Aisaia 9:13

Anam bekku, amge Israel danab ah ag amu anidna, amuppa oolag eɗueb, laa ag bu madakku ele gumidna iinab gomana. Ag eɗun, Yawe Nukka Ɠagattag Oh Ele, Nug anidna dim lamidkkulagnu ii mattimna.

Jeremaia 17:14

O Yawe, ⌊na da ehaniɗttem amunu,⌋ da naib binan mettem. ⌊Naib ehaniɗttem⌋ amunu, na heppe, da eɗuen, oɗe iitta ele daakkul dayeb amu, da genab oɗe iitta ele daakkul. Ao, na da padal mepanu ehaniɗkkut dayeb amu, da genab padal ii mepa.

Jeremaia 2:30

Da ag Israel ag oolag eɗukkunu bu mattami, amge ag oolag eɗukkunu uuppig. Ag laion doɗ laa aqe mauhtteb, amubia ag qep elabppa dahil propet aqaeg mauhppig.

Jeremaia 3:25

Ig Yawe, ihinig Kayak, ig nuhigppa hipunin hemut; ig am ig mamenkad ele. Anukkanab ig mamenkad aɗi ag amu digmeeg, uɗie uɗie, gemu ig ele ig oh Yawe, ihinig Kayak, ig Nug oɗe ii dim lamidmut. Anam amunu, ig uɗa nak nau doottem. Ao, uɗa nak nau guittak ele ig tonikkom daatte,” aon atteb.

Jeremaia 31:6

Aɗinu? Amu haen laa dimppa haen laa bekku, amu haen amuppa aɗi uɗitte anittak danab Epraim wanppa, qauko nakok daattebppa daatteb ag, ‘Ahappeg, ig Sion tetu! Ge, ig Yawe, ihinig Kayak, ig Nug gukuidtta gotu!’ aon ekkulag.” Yawe Nug anam atte.

Jeremaia 31:9

Ag gaanna uɗiglag. Yo, ag unuqiɗppeppeg, da omladppi eɗun uɗiglag. Da ag le daugppa noolag awe anuqe goppi gokkunig. Yo, da ag ib laa tutukku, ib ena, baelag ii qekkulag eleppa omaladkkul. Aɗinu? Da Israel mameg daattem; Israel nug am dahil nid danab tatamnu daatte.” Yawe Nug anam awa atte.

Jeremaia 5:3

Yawe Nug anam a amu, da Nug amegppa ami. “O Yawe, na danab aun aɗi ag doyak diig genabib dim lamidkkulagnu hetteb ele, na danab ah amubia mattiadttem, ⌊amge nahip danab ah ag amubia ii hetteb⌋. Na bu mattame, amge ag eheɗ heppignu oolagppa guittak ii dooppig. Na oɗoɗadme, amge ag bu mattak nahip amu ii dabmena, oolag eɗukkunu uuppig. Ag heeg, ag na oɗen dim lamidmananu dabmak ahilag ɠagattag eppom. Ag oolag eɗukkunu uun, iinab heppig,” awe ami.

Gayak Nai 5:21

O Yawe, na heppe, ig eɗut, na gumidta wata, anukka ig na gumidta wata, ena daamut bia daagnignu oɗ medattem.

Esekiel 20:43

Ag amuppa daanna, ag ahilag hak nau, ahilag oiyak eheɗ ele, ag kobol amu heeg, amuppa ag oolagppa dubuttid teum daatte amu, ag amu dabmena, ag akka ag ahilag eheɗ hak amunu ag ahilagnu ag nau gahag bak ele dooglag.

Daniel 9:13

Moses ɗoppa yom bianab uug naunab amu oh ihinigppa beum, amge ig na ihinignu oot gai-iitta doon oot mekkan ehanigkkutnu ig ihinig hipunin ii dimettat, ig na Yawe, na ihinig Kayak, ig nahip doyak diig genabib ii dabmetat dim lamidmut.

Hosea 10:11

Israel danab ah ag gemu attem daatteb, ag amubiaib daaglagnu hetteb. Ag am makau balat laa, nug mameg nug ee aeg mumuɗaknu uɗat ippunitte, amu haknu oo hette bia daatteb. Ag anam daatteb amunu, gemu amu da heppi, Israel danab ah ag keeke ag hekkulagnu oolag ii hette ele amu hekkulag. Ag makau balat nug doɗnu duugppan tuqai uug ele nug baag enanagppa qakkak daye, nug wagai maama, wan buuaknu keeke tuqai amuppa eeɗe, wan buutte bia daaglag. Danab nug makau balat duttune, nug wan buuaknu keeke eɗaɗa, bahi yaak guittak ele dootte bia, Israel danab ah ag uug nau anam aakku dooglag. Ao, danab laa nug he, makau balat nug wan buua buua, bahi yaatte bia, Juda danab ah ag guittak dooglag. Genab, danab laa nug he, makau balat laa wan ɠagattag buutte bia, Jakop buɗub ag uug, guittak ele digdig dooglag,” awa atte.

Hosea 4:16

Israel danab ah ag oɗe dim lamidmananu dabmak ahilag ɠagattag eppom daatte. Ag makau balat laa oɗe dim lamittaknu uua, nuhig dabmak ɠagattag eppe daatte bia daatteb amunu, Yawe Nug ag aɗi keeke ag bau ena daaglagnu madakkunu elele iitta. O gadon, danab nug sipsip gaiɗ hibguitta ii hette ee medette, ena daakkunu elele, amge Yawe Nug amubia Israel dilag anambia hekkunu elele iitta.

Hosea 5:15

Da dahilad danab ah guittak mattoya, da eɗue ukken, da daattemppa daappi ukkeb, dahilad danab ah ag, ‘Ig eheɗ hemut, ig hipunin ele,’ dooglag. Haen amuppa ag da aniɗna dim lamiɗkkulagnu mattiɗkkulag. Ge, ag uug nau doon, ag oolag unuqagppanu da aniɗna dim lamiɗkkulagnu mattiɗkkulag,” awa aum.

Jona 3:10

King nug anam a, danab ah ag anam heeg, Kayak Nug amu antta, Nug ag ahilag eheɗ hak uuppig ele anatta, Nug ahilagnu oo bodoetta, le me, Nug he, ag padal ii meppig.

Sepanaia 3:2

Jerusalem danab ah ag ulum nai laa oɗeppa aoglagnu uun autna aotteb. Ao, laa nug daulag batebeb, ag nai nuhig ii doomna; uuglag. Jerusalemnu danab ah ag Yawenu oolagppa genab ii dootteb. Ag ahilag Kayak ii dim lamidtteb.

Malakai 3:16

Amu laa ag Yawenu anam eheɗ mattin appig, amge laa ag genab Yawenu ebehilag oh bodoetta le mette ele, ag akka akka ⌊Yawenu⌋ mattiak ⌊tutukku⌋ heeg, Yawe Nug ag keeke madippig amu doyom. Nug doya he, laa Nug noobppa daya, laa amu onilag buk itoɗiakppa daakkunu yom. Amuam laa ag Yawenu ebehilag oh bodoetta le mette, ag Nug binag metteb ele, nug ag onilag buk itoɗiak amuppa yom.

Malakai 4:6

Amu da uɗie heppi, ahilag wan eheɗ laa awaknu anak waappa daamanu amu, Elaiya nug uɗia heeb, nid mamelkad ag ahilkad nid dilagnu oolag daakku; amu nug heeb, nid ag ele ag mamelkad dilagnu oolag daakku.” Yawe Nukka Ɠagattag Oh Ele Nug anam atte.

Namba 2:18

Mettid haknu peh lagnu, laih qaban uɗitteppanu, Epraimnu huuppanu danab ag huu naunau anen anen ag ahilag pilak guguittak aben aon, haen tutu dayaknu aab kalan daaglag. Epraim huu dilag ikki danab am, Amihut bekka Elisama. Nuhig huunu ebqak amu 40,500.

Luk 1:17

Nug Kayaknu propet Elaiyanu hak ɠagattag, ebehi ele, nug amubia awa, Naɗi noob awa, anuqa ukka heeb, danab ag ahilkad nid naunau ele oo mak daaglag. Nug heeb amu, nai tappe nak danab ag oolag eɗueb, ag genab tutukku hak danab dilag doyak dabmak ena ele aon daaglag. Nug heeb, danab ah kuɗum Naɗi uɗikkunu babaittak daaglag,” awa aum.

Luk 15:20

Aria nug anam ana, nug aha ukkom, amge nug ugakka, uma uppa piɗe uɗieye, mameg nug antta, nuhignu oo bodoetta le mak doya aut autanab awa, qaiqaɗ ukka bekka aɗa ootuqittom.

Aposel 3:26

Anam amunu Israel danab, Kayak Nug heeb, ag oh anen anen ag hak nau ahilag uun, Nug dim lamidkkulagnu itittak amu madakkunu, Kayak Nug nuhig maɗi nid otia, ahilagppa tatam me uɗiom,” awa aum.

Pilipai 2:13

Aɗinu? Kayak Nug hanhan, ag Nug oo niitte bia, nuhig uɗatnu dabmaknab aon, amu hekkulagnu oolagppa uɗat hette.

Hibru 12:5

Ag oolag ɠagattag qedakkunu Kayak Nug nai laa aum amu ag nai amu ag daulag atiomtai? Nug nai amuppa ahilagnu am Nug bekkod doyaya aum. Nai amuam inam. “O nid dahil, Naɗi Nug na ena bekkutnu tolitta bu nitteb amu, na amunu keeke hamu bia aib doome. Ge, Nug na ena bekkutnu daut bateb amu, na oot bai aib noum.

Revelesen 3:19

Da bekkalad dilagnu ool mauhe, amu da ag tutukku daaglagnu ag daulag batete, ahilag kobol ena bekkulagnu toliadttem amunu, na kobol nahipnu dabmena autna aona, oot eɗuaɗ!