Jeremaia 31:14 - Nobonob Baibel

¹⁴ Da heppi, mana mettak danab ag ee elelenab ele daaglag. Ao, da heppi, danab ah dahilad ag elele daaglagnu ehanittak dahil aon, elelenab daaglag.” Yawe Nug anam awa atte.

Jeremaia 31:14 ပူးပေါင်းရင်းမြစ်များ

2 Stori 6:41

Amu O Yawe Kayak, na ahan, lag bau nahip imuppa uɗin daakkutnu oɗ medattem; na amu nahip Tituanak Nainu Kunup, kunup amuam nahip ɠagattag okkainab ippunigtte amu, na kunup amu ele aguppa daakkut. O Yawe Kayak, na mana mettak danab ehanadppeppe, ag na danab ah ehanatte ag padal ii metteb danab ah amelagppa appeg dooglagnu oɗ medattem. Ao, nahipad danab ah ag nahipnu oo metta ii uuak kobol dim lamidtteb amu, ag gamag ahak dooglagnu unuqidttem.

Nehemaia 10:39

Aɗinu? Ig Israel buɗub, amu Lewi buɗubppan mana mettak danab iitta, ag ele, ig oh ee aeg, wain bau, goɗen ele Kayaknu mettid lag, amuppa ee bakkalenu maknu oo laalappa keeke amu maknu daatteb, ig aguppa mekkunig. Oo amuppa amu, Kayak laugppan uɗat haknu keeke maattak daatteb. Mana mettak danab, od gumak danab, ahiettak danab ele, ag oh uɗatppa daanna, aguppa daatteb. Ig genab, ig ihinig Kayak laug, amuppa keeke laanu tutu memanu dabmekkunig.” Nai amuam nai qakkak amuppa dayom.

Sam 107:9

Aɗinu? Nug danab ah ag lenu baalag diitte, le matte, ag elele latteb. Ao, Nug danab ah enug aqatte amu ee matte, ag ee ena laeg, oolag aɗatte.

Sam 132:16

Da mana mettak danab Jerusalem appa daatteb ele ehanadppi, ag padal ii memana. Ao, da heppi, danab ah ag dahilnu oo metta ii uuak kobol dim lamidna, Jerusalem appa daatteb amu, ag gamag ahak doon, ag ahi ettaglag.

Sam 132:9

O Yawe, na mana mettak danab ehanadppeppe, ag kobol genab tutukkuib hekkulagnu oɗ medattem. Ao, nahipad danab ah ag nahipnu oo metta ii uuak kobol dim lamidtteb ele, ag gamag ahak doon, ahi ettaglagnu unuqidttem.” Ig anam amut.

Sam 17:15

Amu da, da genab tutukku hak kobolppa na anidkkul. Haen da niiak abenppanu ahen, na anitten amu, da elelenab dookkul.

Sam 36:8

⌊O Yawe,⌋ danab laa nug laugppa ee kuɗum ele dayeye, danab ah ag hanhan wana, ag ee oh oolag heumnu latteb, na amubia danab ah atognoadttem. Danab laa nug le enanagnab ele dayeye, danab ah ag nuhigppa gona latteb, na amubia dabmattan hettem.

Sam 63:2

Da nahip mettid lagppa appa amu, da na anidkkul. Appa da nahip ɠagattag, nahip binag amahlak oppiaawak ele, da amu ele anidkkul.

Sam 63:5

Danab nug ee ena lanana, oo dittie enanag dootte, amubia da ⌊na lautppa na guguitten dayeye,⌋ da elelenab dookkul. Da ahi oo gamag ahak, na binan maknu ele ettaladkkul.

Sam 63:6

Da abenppa niieye, da nahipnu dabmettem. Ao, tuqan amu, da nahipnuib dabmettem.

Sam 65:4

Danab ah ag nahip daaglagnu na tituanadna, diin uɗie, ag nahip mettid lagnu haɗap-ppa, na guguittak daatteb amu, ag itittak ena aoppig daatteb. Na heppe, ig aun aɗi anam na laut, amuam nahip mettid lag nahipnu tituanak daatte amu, ig amu guguittak haɗap-ppa daattem, ig lag amuppanu itittak ena ena aognignu na oɗ medattem.

Sam 85:13

Yawe Nug uɗia, wan imuppa daakkunu amu, nai awa ukkak danab onig Genab Tutukku Hak Kobol, nug anuqa ukka, ippu babaitteb, Nug dokku.

Sam 90:14

Ig bau daattem haen imuppa ig haen oh oonig gamag ahebeb, ahi ettagnignu amu, buttua oh na heppe, oo mauhaknab kobol nahip ihinigppa daakkunu oɗ medattem.

Solomonnu Ahi 5:1

O ah dahil, na dahil ah daakkutnu awidmi. Da dahil dadppa iikku bemi; dad dahil imuppa amu, da keeke muttuɗig enanag mir, spais digdig ele aomi. Da ippa uppuh leppu ataɗa nette, uppuh leppu teɗppanu ele lainne; da wain, huh ele lami. O ig lainti, aa ee, le ele laiɗ! Ao, danab le elelenab lanana, elele dootte, amubia aa nug oo mauhak doottep ele, aa lapeɗ, eleleppa taɗ!

Aisaia 25:6

Sion qaukoppa, Yawe Nukka Ɠagattag Oh Ele, Nug geha ee lanak hobul okkai okkai, ee enanag digdig appa bappaidkku. Hobul amuppa amu, doɗ digdig teppulag ena ena, am wain digdig enanag lanak baag ubuhinab ele, amu ele daakku. Nug danab ah wan ohppanu ag uɗin, hobul amuppa qagmekkulagnu bappaidkku.

Aisaia 61:6

Ag geha anam henana, ag ag, dahilad danab ah, ag ahilagnu akkulag. ‘Imu, ag am Yawenu ɗo maɗoɗnu maɗi nid daatteb,’ akkulag. Ao, ag geha ag dahilad danab ah ag ahilagnu, ‘Ag am ahilag Kayak, nuhig maɗi nid,’ akkulag. ⌊Danab ah laihnu ag geha ag Israel, ahilagnu anam doona,⌋ ag keeke ena ena ahilkad amu akkan uɗina, ag madappeg, ag amu diina, ag geha ena daaglag. Ao, wanppan wan laala, appan danab ag geha ahilag en okkai ag madappeg, ag gamag ahak okkai dooglag.

Jeremaia 31:25

Aɗinu? Da heppi, danab ag beɗulag bodoedatte ele, ag ɠagattag aoglag. Da heppi, danab ag gai-iittanab daatteb ele, ag eɗun, ena daaglag.

Jeremaia 33:9

Da Israel danab ah dilagppa, Juda danab dilagppa ele anam hewoya, da Jerusalemnu dabmein, da gamag ahak dookkul. Amu wanppan wan ohppan danab ah ag kobol ena ena da Jerusalem appa hekkul anidna, ag onig okkai, binag ele da meɗaglag. Ge, ag da maɗoɗ okkai, enub okkai ele Jerusalem danab ah madakkul anidna, ag dahilnu ebehilag oh bodoetta le meebeb, ag beɗulag hahaɗkku.” Yawe Nug anam atte.

Jeremaia 50:19

Amge da heppi, Israel danab ah ag eɗun, ag wanelagppa daaglag. Sipsip ag Karmel, am Basan ele appa gikkiɗah lanan, ena daatteb, amubia Israel ag ena daaglag. Ag Epraimnu qauko nakokppa, Gileat wanppa ele ee elele aon, oolag dittieb, elele daaglag,” awa atte.

Esekiel 34:14

Da geha ag Israel wanppa sipsip gumak danab nug nuhikkud sipsip qaukoppa gikkiɗah ena daatteppa, amu gikkiɗah aben laa enanagppa ele omalatte gona, appa daanna ee latteb bia ag atognoadkkul. Sipsip ag wanppan aben laala gikkiɗah enanagppa hik aon daanna, ag qaukoppa gikkiɗah enanag latteb, amubia da dabmatte atognoadkkul.

Hagai 2:19

Ag ee aeg, ee tumu keeke, iitta ele. Ag muɗi grep, ad fig, ad pomigranet, olip ad ele eppan, meu ii aoppig, amge da gemu digmein, itittak ena madakkul,” awa atte.

Matyu 5:6

Danab aun aɗi ag Kayak noobppa genab tutukku daaglagnu oolagppa enug qak bia dootteb ele amu, ag itittak ena aoppig daatteb. Aɗinu? Ag amu ambak aoglag.

Epesus 1:3

Ig Kristusnu daattem amunu, Kayak Nug ig hab aabppanu itittak ena oh mekkom. Anam amunu, ig Nug, Nug am ihinig Naɗi Jesus Kristus Mameg amu, ig Nug binag metu!

Epesus 3:19

Aria, da ag Kayaknu oo mauhakppa ɠagattag daaglagnu unuqidttemnu diig laa am, keeke ena ena Kayak Nug nuhigppa ambak daatte amu, Nug keeke amu ahilagppa elele elele madakkunu, ag Kristusnu oo mauhak, danab dilag dabmak eɗidtte amu, ag oo mauhak amu ele dooglagnu elele daaglag.

Duteronomi 33:23

Moses nug amu awowa, nug Israel dilag huu okkai Naptalinu aum. “O Naptali, Yawe Nug ahilagnu ii helo bia me, Nug ehanatta auta aotte; Nug itittak ena huananab ag mattom. Ag wan qaban uɗitteppanu, amu yau uɗitteppanu ele gumadkkulag,” awa aum.

1 Pita 2:9

Amge ag Kristen danab ah amu, ag gatatuppa daaegeg, Kayak Nug diia amahlak enappa maattom, ag Nug ahilagppa ena heum, ag amu miag atiglagnu Nug ag tituanatte daanna, ag am mana mettak danab, king ele daatteb, ag am danab ah Kayaknu ɗo maɗoɗppa daatteb, ag danab ah nuhikkudnab ele daatteb.

Revelesen 5:10

Na he, ag ihinig Kayak waappa daan nuhig uɗat hekkulagnu ag king, amu mana mettak danab ele daatteb. Amu ag wan ele gumaglag.” Ag anam anana, ahi edappig.