Jeremaia 31:12 - Nobonob Baibel

¹² Israel danab ah ag oolag huana gamag ahakku amunu, ag Sion qaukoppa tena, ag qalan ahi ettaglag. Yo, Yawe Nug ag keeke ohnu madakku amunu, ag oolag huananab gamag ahakku. Nug ag ee aeg, wain bau, amu olip goɗen ele madakku. Nug heeb, sipsip, makau ele nalkad kuɗumnab menuadkkulag. Dad, gu ele awawa, meu huana otte, amubia ag elele daaglag.

Jeremaia 31:12 ပူးပေါင်းရင်းမြစ်များ

Sam 130:4

Amge na am hipunin uhuqa mekkaknu diig daattem amunu, ig danab, ig nahipnu ig ebehinig oh bodoetta le mette.

Aisaia 1:30

Ag ad ok uɗug bunaɗna netteb, ag amubia iitta mekkulag. Ag danab ee eppaeg, aam haenppa bunaɗtte, amubia ag anam qettoɗkkulag.

Aisaia 35:10

Ao, danab ah Yawe Nug ehanatte, ag qagaiettakppa ii daatteb ele, ag eɗun uɗiglag. Ag eɗun uɗin, gamag ahak, amu maɗoɗppan gamag ahak ele Sion tena, hanhan oo gamag ahak amu doon daaglag. Oo gamag ahak amu ahilagppa ambak dayebeb, uugnu oo doyak, oo uug mettak ele amu, ahilagppa nakok laa iinab daama.

Aisaia 51:11

Anam amu, danab ah Yawe Nug ehanatte, ag qagaiettakppa ii daatteb ele, ag eɗun uɗiglag. Ag eɗun uɗin, gamag ahak, amu maɗoɗppan gamag ahak ele Sion tena, hanhan oo gamag ahak amu doon daaglag. Oo gamag ahak amu ahilagppa ambak dayebeb, uugnu oo doyak, oo uug mettak ele amu, ahilagppa nakok laa iinab daama.

Aisaia 52:8

Ag Juda danab ah, ag daulag human doyeg! Ahilag aɗi uɗitte anittak danab ag ⌊laa nai ena awa uɗieb anidna, nuhig nai doon,⌋ ag Yawe Nug eɗua, Sion daakkunu uɗieb, ag amelagppanab anidkkulagnu dooglag. Anam amunu, ahilag aɗi uɗitte anittak danab ag gamag ahak doon, huan ekkulag. Ao, ag gamalag aheb, ag ekkulag.

Aisaia 58:11

Ag amu hekkulagnu dayeb amu, Yawe Nug ulum matta, atu taɗak gakkaɗak nau eleppa Nug le, ee keeke, ag bau daaglagnu laa ele madakku. Nug ag beɗulag ele ɠagattag madakku. Nug amu heeb, ag dad le elelenab aotte bia daaglag. Ag le qeppuɗia bette, deɗ laa ii qaɗaiedatte amu, ag le amubia daaglag.

Aisaia 60:20

Amu gemu aam no, gatatu manatte amu, ag haen amuppa anambia ii anidmana. Kalam gemu ele gatatu manatte amu, ag haen amuppa anambia ii anidmana. Aɗinu? Yawe Nug ahilag amahlak hanhannu daakku. Ao, Nug heeb, ag baula uug, oo doyak keeke iinab anidmana.

Aisaia 65:19

Da Jerusalemnu ool gamag ahakku. Ao, da dahilad danab ah dilagnu enanagnab dookkul. Amu da heppi, dahilad danab ah ag baula ii gaamna, ag ele ii mahimna. Amuam baula ii daamna. Iitta!

Jeremaia 3:14

O Israel danab ah, ag da dimeɗona kayak hambuppuak laala dim lamadppig ele, da Yawe, da ag amelagppa attem. Ag eɗun, dahilppa uɗieg! Aɗinu? Ah nug gamunu daatte, amubia ag am dahilad daatteb. ⌊Ag eɗun, dahilppa uɗiglag dayeb,⌋ ag oolagppan aab anen anennu laippu da nug tituane, omalen, Sion uɗikkul. O ag oolagppanu aab ikki anen anennu aɗit laa da tituanate, da omalatten, Sion uɗikkul.

Jeremaia 31:24

Amu haen amuppa danab ah ag Juda wanppa, wan amunu aab laalappa ele laippu daanna oiglag. Dad gumak danab, sipsip gumak danab ele ag anam daan oiglag.

Jeremaia 31:25

Aɗinu? Da heppi, danab ag beɗulag bodoedatte ele, ag ɠagattag aoglag. Da heppi, danab ag gai-iittanab daatteb ele, ag eɗun, ena daaglag.

Jeremaia 31:4

Da ag Israel danab ah ehanadppi, ag eɗun, ɠagattag daaglag. Ag am ah makkun laa padal mekkunu haaha, eɗua ena daya aha, tambarin eppegppa aɗa, musik haaha, oo gamag ahak okkai ele ahi goɗatte, ag amubia hekkulag.

Jeremaia 31:6

Aɗinu? Amu haen laa dimppa haen laa bekku, amu haen amuppa aɗi uɗitte anittak danab Epraim wanppa, qauko nakok daattebppa daatteb ag, ‘Ahappeg, ig Sion tetu! Ge, ig Yawe, ihinig Kayak, ig Nug gukuidtta gotu!’ aon ekkulag.” Yawe Nug anam atte.

Jeremaia 31:7

Yawe Nug ⌊ag Israel ehanatteb, ena daaglag amunu,⌋ Nug inam atte. “Ag Israel, ag oo gamag ahak doon ahi etteg! Ao, ag wanppan wan oh oolagppan wan laa anuqak daatte, ag ⌊Yawe ag ehanattomnu gamag ahak doon,⌋ huana eig! Ge, ag Yawe binag humappeg, laa ag, ag doyatteg! Ag ‘O Yawe, na nahipad danab ah, ag oɗo yaak daatteb amu, na ag padal memananu ehanadkkutnu oɗ medattem,’ aon aig!

Jeremaia 32:15

Aɗinu na anam hekkut? Yawe Nukka Ɠagattag Oh Ele, Israel dilag Kayak, Nug amunu inam atte. ‘Butti aɗi, Israel danab ag wan imuppa daan, lag, wan, grep dad ele meppeg, laa ag daden mekkulag,’ awa atte.” Da Baruk amegppa anam ami.

Jeremaia 33:12

Amu Yawe Nukka Ɠagattag Oh Ele, Nug inam atte. “Aben imuam qinob hele-ettak daakku, amu danab, doɗ ele imuppa ii daamna, amge amu dimppa da heppi, sipsip gumak danab ag wan imuppa daappeg, gikkiɗah dad sipsip dilag ele dayeb, gumak danab ag sipsip ahilkad appa atognoadkkulag.

Jeremaia 33:13

Amu wan imu ooppa maha laa qauko qauko daatteppa, qauko nakok qauko okkai diigppa daatteb, wan imu ooppa qaban uɗitteppa daatteb, appa, aria, Negeb appa, Benyamin wanppa, aab naunau Jerusalem talilittak daattebppa, amu Judanu aab oh eleppa, aben amu ohppa sipsip gumak danab ag daanna, ahilkad sipsip gumadnana, ag ahilkad sipsip ebaqadkkulag.” Yawe Nug anam awa atte.

Esekiel 17:23

Ge, da geha ad sida eppeg, Israelnu qauko attan appa ebakkul. Da anam eppen malappi, ad amu eppeg benana, meulkad ele okkulag. Am ad enanag daakku. Ai iɗu iɗunu ag ad amu attan teɗ maadkkulag. Ao, ag ebekkud oolagppa appa ena, elele daaglag.

Esekiel 20:40

Amu Naɗi Yawe Nug atte. “Aɗinu ⌊ag heppeg, da onil oppiaawak ele laa dilag neekkakppa nauhak ii daama⌋? Deɗ amu uɗieb amu, ag Israel, ag dahil qauko dahilnu tituanak daatte ele, qauko amuam Israelnu qauko okkainab, ag appa da waalppa daan, ag da oɗel dim lamidkkulag. Ag appa anam heppeg, da ag doyatte diiadkkul. Qauko amuppaib ag doɗ main meɗaglagnu, ag keeke dahil daakkunu hamu meɗaglagnu, ag keeke dahilnu tituanak daatteb ele manan meɗaglagnu haknunab appi dooglag.

Esekiel 34:14

Da geha ag Israel wanppa sipsip gumak danab nug nuhikkud sipsip qaukoppa gikkiɗah ena daatteppa, amu gikkiɗah aben laa enanagppa ele omalatte gona, appa daanna ee latteb bia ag atognoadkkul. Sipsip ag wanppan aben laala gikkiɗah enanagppa hik aon daanna, ag qaukoppa gikkiɗah enanag latteb, amubia da dabmatte atognoadkkul.

Esekiel 36:30

Enug haen be, wanppan wan laalappan danab ah ag deɗ laala amunu aon aon aqatteg, uɗa nak nau guittak ele dooppig amu, ag anam baula doomnanu da heppi, ahilag ad am meu happiak okkulag. Ee laala ebatteb ele anamib.

Hosea 3:5

Anam amu, amu dimppa amu, Israel danab ah ag eɗun, Yawe, ahilag Kayak, ag Nug, amu ahilag king, Dawit buɗubppanu ele anatna dim lamatkkulagnu mattialatkkulag. Ag geha, gog tak haenppa Yawenu, nuhig itittak enanu ele ebehilag oh bodoetta le mekku.

Joel 3:18

Haen amuppa amu, grep dad meu enanag otteb ele, am qauko oh tonadkkulag. Amu ag Israel, ag ahilkad makau, meeme ele qaukoppa gikkiɗah lanan daanna, huh huanaknab mattaglag. Le nakok Juda wanppa daatteb amu, ag ii qaɗaiettamna. Laa ele, Yawenu mettid lag ooppanu amu, le laa uɗiaya, oolnu noak ad akasia betteb amu, aben amu oh le madakku.

Hagai 2:19

Ag ee aeg, ee tumu keeke, iitta ele. Ag muɗi grep, ad fig, ad pomigranet, olip ad ele eppan, meu ii aoppig, amge da gemu digmein, itittak ena madakkul,” awa atte.

Sekaraia 8:12

Am Yawe Nug atte. “Anam amunu, da heppi, Israel danab ah ag aɗi eppaglag am meu okku. Grep muɗi ahilag meu oobob, dad ahilag ele ee meu oobob, gu ele elele nekku. Da Yawe, da Israel danab ah oɗo yaak daatteb, da ag aulag daakkunu ag anam madakkul.

Jon 16:22

Anamnab aakku. Gemu amu ag oolagppa oo doyak ele daatteb, amge da geha ag eɗue anadkkul, amu haen amuppa ag maɗoɗppan gamag ahak okkai dooglag. Amu laa nug ahilag maɗoɗppan gamag ahak amu qeeb nekkunu elele iitta,” awa aum.

Rom 2:4

Kayak Nug nahipnu ena ha auta awawa, oo bodoettak kobol dim lamittatta, amen mak haen elab dayaya, Nug oo maɗoɗ kobol dim lamidtte amu, na amunu keeke hamu biate doottem? Amu na Kayak Nug na oot eɗukkunu oo daatte amunu, Nug nahipnu kobol enanag hette iite doottem?

Revelesen 21:4

Kayak Nug heeb, amelag leb am iitta mekku. Danab ah ag baula ii mauhmana, ag baula ii mahimna, ag baula ii gaamna, amu ag guittak ele baula ii doomna. Aɗinu? Anukkan keeke amu oh iitta meum.”

Revelesen 7:17

Aɗinu? Sipsip Nag Nug gamagppa sia king ⌊anuqak⌋ guguittak daatte amu, Nug ahilag gumak danab ena dayaya, geha gumattebeb gona, moɗ laappa, le qeppuɗia bette ele, amuppa ag bauklel le aoglag. Amu Kayak nug geha amelag leb oh amelagppanu obikku,” awa aum.