Jeremaia 31:10 - Nobonob Baibel

¹⁰ Danab ah wanppan wan ohppanu ag daulag human, Yawe aɗi atte amu doyeg! Ag doon, amu appeg, danab ah wan laalappa daatteb ag doon autna aoglag. Nug Israel danab ah matatun goppig ele eɗua diia, laippu qagmaadkku, aon appeg doyeg! Yo, Nug sipsip gumak danab laa sipsip nuhikkud dabmadatte bia ag dabmadakku.

Jeremaia 31:10 ပူးပေါင်းရင်းမြစ်များ

Genesis 10:5

Amu danab ah amu, ag buɗulkad ag Mediterenia yu ihippa, nudppa ele daappig; ag am Japet buɗub aakku. Amu ag baelkadppa anen anen ele ag appatna, kuɗum bena, oppatna wanppan wan laalappa daanna, ag nailag piɗe piɗe mattinna, aab ikki anen anenppa daappig.

Sam 147:2

Yawe Nug Jerusalem qabatte. Nug diia ukka laih me dayak danab ah eɗua diia, Israel uɗitte.

Sam 23:1

Danab nug sipsip gumattak danab daatte, amubia amu, Yawe Nug dahil gumittak daatte. Nug anam daatte amunu, da bau dayaknu keeke oh elele aɗattem.

Sam 72:10

Tarsisnu king, amu wan umanu king ele, ag en takis bia, aon uɗin mettaglag. Ao, aab aɗit, aa oh onilti am Seba, ahilti king ag keeke ena ena aon, nug gumidna wana, keeke amu nuhig daakkunu hamu mettaglag.

Prowerb 27:23

En okkai am hanhan ii daama; king, nug buɗub ele, ag hanhan king ii daamna. Diig amunu na ⌊keeke ele daakkutnu, na⌋ nahip makau ag attem daatteb doon autna awe! Ao, na nahip sipsip atognona gumatte!

Aisaia 24:14

Danab ah ⌊uug awak haenppa ag uugppa ii mauhppig daatteb ele,⌋ ag baalag okkaippa ekkulag. Ag oo gamag ahak naɗi doon, ag huana ekkulag. Danab ah amu, ag qaban uɗitteppanu ele, ag Yawe Nug dagom onig ɠagattag elenu qalan mattiglag.

Aisaia 27:12

Amu haen amuppa am inam bekku. Yawe Nug le Yupretis appanu uɗia uɗia, le onig Isip Le, le amuppa batak Nug danab nug ee aeg, dappunkkeg ele oh laippu daamanu, nug danab ee aeg mumuɗe, piɗe piɗe daattep, amubia Nug Israel danab ah epeɗia, otiatta heeb, laippu ippanu, laippu appanu amu, ag eɗun, ahilag wanppa daaglag.

Aisaia 40:1

Ag ahilag Kayak, Nug atte. “Ag dahilad danab ah oo mak matteg! Ao, ag ɠagattag qatteg!

Aisaia 40:11

Amu Nug sipsip gumak danab laa nuhikkud sipsip atognoadtte, amubia nuhikkud danab ah atognoadtte. Sipsip gumak danab nug sipsip nakkud diia, momoppa maatta, gamanattatta, anilkad amu qinonob omalatta gotte bia nuhikkud danab ah dilagppa hette.

Aisaia 41:1

Yawe Nug atte. “Ag danab ah wan miagnu, wan umanu ele, ag uɗippeg, ig oh hettoɗiak abenppa daatta, ag da noolppa daanna, oɗelag qamutna, toettan daan, dahil nai doyeg! Ag daanna, ag akka akka ag oolag ɠagattag aqan, ag da ele nai mattignignu bappaidna, ag da noolppa uɗin daan, ag ahilag nai madippeg doyei! Ig oh qagmeta, aun nug nai genab maditte amu, ig anidtu!

Aisaia 42:10

Ag wan atu ohppan danab ah ag Yawenu ahi bau etteg! Ao, ag wan batakppanu ag ahi ettanna, ag Yawe binag meig! Ag danab ag uubppa yu qaɗeppa oitteb, yuppanu keeke oh ele, ag anam heig! Ag danab ah wan miagnu, wan umanu ele, ag oh Yawe binag maknu ahi bau laa etteg!

Aisaia 42:4

Nug amu hekkunu dabmak nug ooppa dayebeb, aɗitai laa ii qeeb nema; nug ooppa ɠagattag ele doyaya, nug uɗat amu ii uuma. Nug heeb, nai doya mala hettoɗia epeɗia elele mettak kobol am danab ah wan ohppa daatteb, ag kobol amu tonatteb oiglag. Danab ah wan miagnu, wan umanu ele, ag nuhig nai amuppanu ena bekkulagnu dabmak aɗan oiglag,” awa atte.

Aisaia 48:20

⌊Yawe Nug atte.⌋ “Ag Babilonnu ahan ukkeg! Ao, ag Babilon oolagppanu ahan, oolna ukkeg! Ag gonana, ag, ‘Yawe Nug ig Jakop buɗub, nuhikkud maɗi nid maɗi ah ele, Nug ig laa eppelagppa dayaknu qagaiettakppanu eɗua uhuqak ha mekkom,’ mattinna eig! Ag wan atu ohppan danab ah dooglagnu nai amu appeg doyeg!

Aisaia 54:7

“Haen tutunab aakkuib da uuatten, laih daami, amge da ool huana matten, ehanatten heppi, ag eɗun dahilppa dokkulag.

Aisaia 60:9

⌊Yawe atte, amubia uub amuam ag wan umanabnu danab ah aon uɗitteb.⌋ Nug atte. “Danab ah wan miagnu, wan umanu ele ag da aniɗna, ehanittak aoglagnu oolag huana hette,” awa atte. Uub tatam uɗitteb amu, ag Tarsisnu. Ag, ag Juda, ag bekkalkad umanabnu aon uɗinna, ag laih appanu danab dilag silwa, gol ele, ag amu ele aon uɗitteb. Ag Yawe, Nug ag Israel, ahilag Kayak Oppiaawak Ele, Nug ag Israel binalag okkainab meum ele amu, ag diig amunu ag silwa, gol amu ele aon uɗin, Nug binag mekkulagnu hetteb.

Aisaia 66:19

Da uɗat naɗi, da heminu at daatte ag oolagppa heppi, ⌊aun laa nug amu antta, da dim lamiɗa amu, nug bau daakku⌋. Laa amu ag bau daaglag amu, da ag oolagppan laala ag maadppi, danab ah huu laa dilagppa gona, ag binag amahlak oppiaawak ele dahilnu ag amelagppa mattiglag. Danab amu ag da onil okkainu nai laanu ii dooppig; ag binag amahlak oppiaawak ele dahil ele ii anidppig daatteb. Danab amu ag am Tarsis, Libia, Lidia, Tubal amu Grik danab, amu nud umanabnu danab ele. Lidia danab ag am lat ewaknu doyak okkai ele.

Jeremaia 23:4

Amu da Yawe, da geha gumak danab huu bau laa otiadppi, ag geha danab ah dahilad, ag sipsip bia amu, ag ag ena gumadkkulag. Ag ena gumadppeppeg, ag keeke laanu ii baɗamna. Keeke laa heeb, ag baɗak eheɗ nau ii doomna. Am geha ag oolagppa laippu laa ii padal mema; iitta,” awa atte.

Jeremaia 25:22

Aria, da Tair, Saidon dilag king anen anen matten, da wan laala yu hippeg laihppa daatteb ele amu, da ahilkad king ele mattami.

Jeremaia 3:15

Da Sion omalatten uɗien, da ag, Israel, da ag gumak danab, sipsip gumak danab bia, da gumak danab ena, ag da ool hette bia oolag hekku, da ag maadppi, ag gumadkkulag. Ag doyak ena, diignu doyak tutukku ele aɗan, ag gumadkkulag.

Jeremaia 50:17

Israel am sipsip ag oolna, matatun gona daatteb bia daatteb. Laion nug sipsip lamatte gona, tamtam daatteb, Israel ag amubia daatteb. Tatam Asiria dilag king nug uɗia, doɗ layag qe mauhe latte bia heeg, Israel nauhom. Dimnab amu, Babilon dilag king Nebukatnesar nug uɗia, nug Juda danab ah he nauhna autna aoppig,” awa atte.

Jeremaia 50:19

Amge da heppi, Israel danab ah ag eɗun, ag wanelagppa daaglag. Sipsip ag Karmel, am Basan ele appa gikkiɗah lanan, ena daatteb, amubia Israel ag ena daaglag. Ag Epraimnu qauko nakokppa, Gileat wanppa ele ee elele aon, oolag dittieb, elele daaglag,” awa atte.

Esekiel 11:16

Ag anam atteb amunu, na inam Jerusalem danab ah amelagppa appe doyeg! Naɗi Yawe Nug inam atte. ‘Am genab, da hei, ag umanab gona, wan laalappa daatteb. Ao, da hei, ag matatun gona, wan laalappa daatteb. Amge haen gamag imunu appa ag adeppa adeppa daatteb amu, danab mettid lag dahilppa ena daatte, amubia dahil ehanittakppa ag appa nakok ena daatteb,’ awa atte.

Esekiel 20:34

Da hei, gemu ag wanppan wan laalappa daatteb. Ao, da hei, gemu ag wan digdigppa matatun gona daatteb. Anam, amge da dahil ɠagattag, da ebehil, dahil oppoɗi bak okkai ele, da amuppa omaladppi, ag wan atu digdig amu uuadna, ag appa ii daamna.

Esekiel 34:12

Sipsip gumak danab ena nug nuhikkud sipsip matatun goppig ele eɗua diia atognoadtte, amubia da dahilad sipsip atognoadkkul. Da ehanadppi, ag atu laih laih matatun goppig daatteb, ag appanu eɗun uɗin, ippa daappeg, da ag atognoadkkul. Deɗ da amu hekkulppa, deɗ amuam lombig hab oh tona dayeb, gatatu manak daakku.

Esekiel 37:24

Da anam heppi, dahil maɗi nid Dawit, nug ahilag king dayaya, nugib ahilag gumak danab, danab sipsip gumadtte bia, daakku. Anam amu Israel ag dahil ɗo iɗu iɗu elele dim lamidkkulag.

Esekiel 5:10

Da amu hekkul amunu, Jerusalem ooppa mamelkad anilkad ag nid ahilkad ladappeppeg, nid ag ele anilkad mamelkad lattaglag. Da ag bu madappi, ag kuɗum mauhkkulag. Amu laa ag ii mauhkkulag amu, da heppi, kekeɗ ag diin, wan laih laih miag, am uma ele gokkulag. Ulah keeke huma awa gotte, amubia kekeɗ ag heppeg, ag Juda ag matatun laih laih gona daaglag,” awa atte.

Esekiel 5:2

Na uɗug amu anam piɗe piɗe mewona, na kekeɗ ag aab laa eɗadkkulagnu oo mattan aqaglagnu meidna daanna hetteb, na amu ippu hak hena malona, na uɗug qagmak laippu aon, aab okkai dottog amu ooppa mena, manappe ewaɗ! Ameg mak laa na aon, aab dottog amu daug ohppa maadna, qep-ppa okkuladppe, naunaunab naɗ! Amu ameg mak laa na aon buɗiadppe attan teeb, ulah awa ukkaɗ! Amge appa ele da heppi, kekeɗ ag aqappeg mauhkkulag.

Daniel 11:18

Kobol amu ii ehanidkku amunu, nug wan digdig yu ihippa daatteb ele ban ha diiadkku, amge nuhig daup gumak danab okkai laa nug heeb, yawalti uɗitteppanu kingnu dada naunab hak kobol amu, kobol amuam iitta mekku. Ge! Kobol amuam eɗuak, nuhigppa bekku.

Lewitikas 26:33

Da heppi, ag tamtam gona, wanppan wan anen anen, amu oolagppa ag daappeg, da heppi, danab ag banelag uɗin, ban heppeg ukkeb ukkeb aqaglag. Ahilag wan am nauhaknab dayeb, aab okkai ahilkad loppaɗe nak daaglag.

Maika 2:12

Yawe Nug tuɗitta atte. “O Jakop buɗub, genab da ⌊ag bu madakkul, amge dimppa da⌋ ag oh qagmaadppi, ag eɗun daaglag. Ao, da genab heppi, Israel danab ah ag oɗo yaak daaglag amu, ag eɗun laippu daaglag. Da am sipsip gumak danab sipsip aɗ ooppa qagmaadtte bia, da Israel danab ah qagmaadkkul. Ao, sipsip gumak danab nug gikkiɗah dad okkai sipsip gikkiɗah lattebppa, nug appa qagmaadtte bia, da Israel danab ah qagmaadkkul. Da anam heppi, ⌊dahilad⌋ danab ah ag appatppeg, wan imu ambak daakku.

Maika 4:6

Yawe Nug atte. “Dimppa, deɗ laappa da danab bu mattami, ag danab autaut oitte bia, da ag qagmatten ⌊heppi, ag eɗun ahilag wanppa daaglag⌋. Ao, da danab ah kekeɗ ag diin gona, wan laappa diia ukka laih me dayak danab ah daaglagnu maatteg daatteb amu, da ag qagmaatten heppi, ag uɗin daaglag. Ge, da danab ah uug mattami ele, da ag qagmaadppi, ⌊ag eɗun wanelagppa daaglag⌋.

Maika 5:4

Amu laa Israel gumadkku Nug hibaitta, nuhikkud danab ah, sipsip gumak danab sipsip nuhikkud gumadtte, amubia nuhikkud danab ah gumadkku. Nug Yawenu ɠagattagppa nuhikkud danab ah gumadkku. Ao, Yawe, Nug dagom onig ɠagattag okkai ele, Nug am laa Israel gumadkkunu Kayak; amu laa Israel gumadkku amu, Nug Yawe onigppa nuhikkud danab ah gumadkku. Nug ag gumadkku amunu, ag ena, baɗak iitta eleppa daaglag. Aɗinu? Haen amuppa Nug onig, ɠagattag elenu nai am aha ukkeb, wan ohppa gokku.

Sepanaia 2:11

Yawe Nug heeb, Moap, Amon ele dilag kayak hambuppuak oh ag padal mekkulag amunu, Moap danab ah, Amon danab ah ele ag Yawenu ebehilag oh bodoetta le mekku. Yawe Nug anam ha maleb, wanppan wan ohppan danab ah ag ahilag wanppa Yawe noobppa dup nona Nug binag mekkulag.

Sepanaia 3:19

Haen amuppa amu, laa ag ag Israel danab ah eheɗ hadappig amu, da ag bu eheɗ madakkul. Da dahilad laa ag eheɗ daatteb ehanadppi, ag eɗun uɗiglag. Ao, kekeɗ ag heeg, ag laih laih matatun gona daatteb amu, da ag qagmaadkkul. Da heppi, wan atu laihppan danab ag dahilad danab ah heeg, laih laih matatun gona daaegeg, appa ag aon aon aqan, uɗa nak madappig ele amu, danab ah amu ag dahilad danab ah binalag mattaglag.

Sekaraia 10:8

Da ag onilagppa ein qagmaadkkul. Ge, haen amuppa da qagaiettakppanu eɗua uhuqak hekkul amunu, ag appatna, kuɗum bena, anukka kuɗum daappig bia daaglag.

Sekaraia 2:6

Amu Yawe Nug atte. “Ag Israel danab ah, kekeɗ ag heeg, ag matatun gona, laih laih daatteb ele amu, ag eɗun uɗieg! Ag yawalti uɗitteppanu uɗieg! Aɗinu? Da hei, ag ulah waɗele uɗittebppanu, amuam kaɗag, yau, qaban, yawalti ele amu, ag aben amu ohppa matatun gona daatteb, ⌊amge ehanittak dahilppa ag aben amu ohppanu ahan, eɗun uɗieg!⌋” awa atte.

Sekaraia 9:16

Deɗ amu uɗieb amu, Yawe, ahilag Kayak, Nug nuhikkud danab ah ehanatteb, ag ii mauhmana. Sipsip gumak danab nug doɗ nau laa nuhikkud sipsip heeb nauhmananu sipsip nuhikkud atognoadtte bia, Yawe Nug nuhikkud danab ah atognoadkku amunu, haen amuppa Israel danab ah ag Yawenu wanppa men daden nob okkainab ele king haɗppa amemɗiag aotte, amubia ag nuhig wanppa anam daaglag.

Luk 12:32

O lailad, ag aib baɗappig. Da Mamel Nug nuhig ɗo maɗoɗ ag madakkunu oo daatte.

Jon 10:27

Sipsip dahilad amu, ag da baal dootteb. Da ag doyadttem, amu ag da dim lamiɗtteb.

Jon 11:52

Amu ele nug Jesus, Juda dilagib mauhkkunu ii aum. Iitta. Nug Jesus mauhkku, amuppa Kayaknu danab ah atu ohppa daatteb amu, Nug ag oh diia qagmaatteb, ag oh laippu daaglagnu aum.

Duteronomi 30:4

Am ag laih uma umanab diia ukka laih me dayak danab ah daaglagtai, me Yawe, ahilag Kayak, Nug ag qagmatta, eɗua diia uɗikku.

Duteronomi 32:26

Da ag matatuadppi, ag tamtam gona daalob. Ao, da heppi, ag iitta mena autna aoppeg, hab waappa amu, danab laa nug ahilagnu baula dab-ii-melo.