Jeremaia 31:1 - Nobonob Baibel

¹ Amu Yawe Nug atte. “Dimppa, haen laappa amu, da Israel dilag aab ikki ohnu Kayak daappi, ag am dahilad danab ah daaglag,” awa atte.

Jeremaia 31:1 ပူးပေါင်းရင်းမြစ်များ

2 Samuel 7:24

Na Israel danab ah tituanatte, ag nahipadnab danab ah aakku daatteb; hanhan anam daaglag. Na, O Yawe, na ahilag Kayak bena daattem.

Sam 144:15

Huu laa ag anam daatteb amu, ag itittak ena aoppig daatteb. Ao, huu laa ag ahilag Kayak am Yawe, huu amu ag ag itittak ena aoppig daatteb.

Sam 48:14

Aɗinu? Kayak Nug ⌊he, keeke amu anam⌋ aakku daatte amunu, ag buɗulkad amelagppa appeg dooglagnu, ag anam antteg! Kayak, Nug am ihinig Kayak hanhannu daatte. Nug omaikkebeb ukkeb, ihinig mauhak batakku.

Aisaia 20:6

Haen Asiria ag uɗin, Isip amu Kus ele aqappeg, danab yu ihippa daatteb ag geha haen amuppa akkulag. ‘Antteg! Wan amuppan danab, ag ig ehanigppeg, Asiria ii iqamna dabmemut ele amu, ag aakku iitta meppig. Ig Asiria dilag qep elab eɗidkkunignu ig ib laa iitta,’ aon akkulag.” Yawe Nug anam aum.

Aisaia 41:10

Da ag ele daattem amunu, ag aib baɗappig. Ao, da ahilag Kayak daattem amunu, ag oolag uug nau aib qeum. Da ɠagattag aqatten ehanadkkul. Ao, da hanhan genab tutukku kobol dim lamitten heinne, da eppel naɗiap-ppa ag nena qemananu aɗualadppi, ag ɠagattag aon daaglag.

Jeremaia 23:6

Haen nug king dayebeb amu, Juda ag geha padal memananu ehanittak aon daaglag. Ao, Israel danab ah ag baɗak iittappa daaglag. Geha ag king amu onig am inam ataɗkkulag. ‘Yawe Nug Kobol Genab Tutukku, Nug Amunu Diig Daatte.’ ” Yawe Nug anam atte.

Jeremaia 3:18

Haen amuppa Juda danab ah, Israel danab ah ele ag oh qagmena, wan laa yawalti uɗitteppanu daatte, ag wan amuppanu ahan uɗin, wan da ag mamelkad aɗi ag aulag daakkunu mattami ele, ag uɗin, wan amuppa daaglag.

Jeremaia 30:10

Amu Yawe Nug atte. “Da amu hekkul amunu, ag Jakop buɗub, ag dahilad maɗi nid amu, ag aib baɗappig. Ao, ag Israel danab ah, ag oolag uug nau aib qeum. Aɗinu? Da genab ag ehanadppi, ag wan laa, wan laa amuam umanab daatte, ag appanu eɗun uɗin, ena daaglag. Ao, da ehanadppi, ag buɗulkad ag wan laappa diia ukka laih me dayak danab ah daaglag amu, ag appanu eɗun uɗin, ena daaglag. Da amu heppi, haen amuppa ag Jakop buɗub, ag maɗoɗ, ɠagattag ele daappeg, laa ag heppeg ii baɗamna.

Jeremaia 30:22

Da anam hekkul amunu, ag am dahilad danab ah daaglag; da am ahilag Kayak daakkul.” Yawe Nug anam awa atte.

Jeremaia 30:24

Yawe Nug bu madakkunu dabmak awe, ɠagattag eppom amunu, nuhig oo nauhak huanaknab am hamu ii iitta mema. Iitta. Bu mattak amu ha malak dimppa, am iitta mekku. Dimppa ag imu oh dabmena, oolag maidkku.

Jeremaia 30:3

Aɗinu? Haen laa dimppa da heppi, Israel danab ah, Juda danab ah ele ag wan laalappa gona, appa diia ukka laih me dayak danab ah daatteb, ⌊daaglag ele amu,⌋ ag appanu eɗun uɗin, wan imu, da ag mamelkad aɗi, ahilag daakkunu mattami amu, ag imuppa daaglag,” awa atte.

Jeremaia 31:33

Amu Yawe Nug imu ele atte. “Anam amunu, nug tituana nai qakkak bau, da heppi, ag Israel danab ah, da ag ele haen amuppa hekkunig am inam. Da heppi, dahil ɗo oh ahilag dabmakppa daakku. Ao, da heppi, dahil ɗo oh ag oolagppa daakku. Da ahilag Kayak daakkul, ag am dahilad danab ah daaglag.

Jeremaia 32:38

Ag dahilad danab ah daaglag, da ahilag Kayak daakkul.

Jeremaia 33:14

Amu Yawe Nug atte. “Deɗ laa uɗitte amu, deɗ amuppa da aɗi nai enanag dahil ɠagattag qetten, Israel danab ah, amu Juda danab ah ele amelagppa ami amu, deɗ amuppa da heppi, meu okku.

Jeremaia 33:7

Da Juda danab ah, Israel danab ah ele ag wan laalappa diia ukka laih me dayak danab ah gona daatteb, ⌊daaglag ele amu,⌋ da omaladppi, ag eɗun uɗin daappeg, da heppi, ag anukka ɠagattag daappig bia, ag haen amuppa eɗun, anam daaglag.

Jeremaia 50:4

Amu Yawe Nug atte. “Haen amuppa amu, Israel danab ah, Juda danab ah ele ag ahan, ag gaanna, ag da, Yawe, ahilag Kayak, ag da aniɗna dim lamiɗkkulagnu mattiɗkkulag.

Esekiel 11:20

Ag dahil ɗo iɗu iɗu pehettak dabmettan dim lamidkkulag. Ag dahil danab ah daappeg, da ahilag Kayak daakkul.

Esekiel 34:24

Da, da Yawe, da ahilag Kayak daappi, king laa, nug dahil maɗi nid Dawit, nug ahilag gumak danab daakku. Da, da Yawe, da nai imu iikku madittem,” awa atte.

Esekiel 34:31

Amu Yawe Nug atte. “Ag Israel, ag am dahilad sipsip. Ag dahil gikkiɗah dadppa daatteb. Ag dahilad danab ah daatteb, da ahilag Kayak daattem.” Naɗi Yawe Nug anam aakku atte.

Esekiel 36:28

Da anam ehanadppi, ag ag mamelkad aɗi da ag wan mattami amu, ag wan amuppa daaglag. Ag dahilad danab ah daappeg, da ahilag Kayak daakkul.

Esekiel 39:22

Da anam heppi, Israel danab ah ag dooglag, da am Yawe, ahilag Kayak. Haen amuppa ag amu doon, haen amu dimppa ele amuib hanhan dooglag.

Esekiel 39:25

Anam amunu, Naɗi Yawe Nug inam atte. “Da hei, Jakop buɗub ag gona, wan laalappa diia ukka laih me dayak danab ah daatteb amu, da heppi, ag eɗun, ahilag wanppa daaglag. Da ahilagnu oo bodoetta le mak dookkul. Laa ag da onil oppiaawaknu, ‘Keeke hamu bia,’ doomnanu, da yag-nab-bak doye hekkul.

Hosea 1:11

Anam dayeb, geha Juda, Israel danab ah ele ag laippu tamanin, ikki danab laippu waappa daan, ag diia ukka, laih me dayakppanu eɗun uɗin, tamanin daaglag. Deɗ amuam geha deɗ naɗinab daakku. Deɗ amunu amu, ag geha, ‘Jesrilnu deɗ,’ akkulag. Aɗinu? Deɗ amuppa, Kayak nug geha danab ah nuhikkud baula nuhig wanppa maatteb daaglag,” awa aum.

Lewitikas 26:12

Da geha ag oolagppa oikkul; da ahilag Kayak daakkul, ag dahil danab ah daaglag.

Sekaraia 13:9

Am Yawe Nug imu ele atte. “Danab nug silwa o gol babaitta epeɗia awak daakkunu uɗat hette, amubia laa bau daaglag amu, da heppi, ag oolag dubuttid iitta daaglag. Ag da onilppa eppeg, da ahilag unuqittak dookkul. Da ahilagnu, imuam dahilad danab ah, appi, ag, Yawe, Nug am ihinig Kayak, akkulag.” Yawe Nug anam awa atte.

Jon 20:17

Nug anam a amu, Jesus aum. “Na da aib aɗailme, da Mame toppa ii gomi. Amge na da oɗel aona, da lailad gumadna gona, amelagppa inam a! ‘Da, da Mamel, Nug am ag Mamelag ele, da dahil Kayak, Nug am ahilag Kayak ele, da Nug gumitte gottem,’ ” awa aum.

2 Korint 6:16

Ig Kayaknu mettid lag amu kayak hambuppuak dottolkad ele ouaqadkkunigte? Amu oh am iitta! Ag dootteb Kayak bauklel ele nuhig mettid lag amu igib iikku. Anukka Kayak Nug nuhikkud danab ah dilagnu inam aum. “Geha da ag ele oh daatta, ag oolagppa oikkul. Da ahilag Kayak daakkul, ag am dahilad danab ah daaglag.”

Hibru 12:16

Danab laa nug gappai kobol dim lamidmanu, o laa nug Esau, nug Kayaknu nuhig haknu ele uuak danab, nug nid danab tatamnu itittak ena amunu hamu doya, Jakop nug ee nakoknab, geha iikkunuib metteb, nug itittak ena amu Jakop medakkunu a mette lawowa, itittak mettom ele amu, laa nug Esau bia oimanu ele dabmeig!