Jeremaia 30:16 - Nobonob Baibel

¹⁶ Anam, amge aun aɗi ag, ag Jakop buɗub heppeg nau daaglag amu, huu amu ag nau aakku aoglag. Ag Jakop buɗub, ⌊da heppi,⌋ ahilag kekeɗ ag diia ukka laih me dayak danab ah daan, laih, ag wanelag iittappa gona daaglag. Jakop buɗub, laa ag ag ele ban hena, ag ahilag keeke aon gotteb amu, laa ag kekeɗ amu ele ban hena, ag ahilkad keeke aon gokkulag. Aun aɗi ag uɗin, ag Jakop buɗub dilag keeke, ag ele diin gotteb amu, da heppi, laa ag uɗin, amu dilag keeke akkan gokkulag.

Jeremaia 30:16 ပူးပေါင်းရင်းမြစ်များ

Sam 129:5

Laa oh ag Sionnu nau ninig ele dootteb amu, ag uɗa nak naɗi doon, ag banppanu eɗun ooleg!

Eksodas 23:22

Amge ag nai nuhig pehettaknab doon dim lamidna, keeke oh da ⌊nug oɗeppa⌋ akkul bia hekkulag dayeb amu, aria da geha kekeɗ ahilagnu kekeɗ daappi, laa ag ahilag ib oo nekkulagnu hetteb ele amu, da ahilag ib oo nekkul.

Prowerb 22:23

Aɗinu? Yawe Nug daɗek ehanadkku; Nug danab ag daɗek eheɗ hadatteb ele, Nug ag eheɗ hadakku.

Aisaia 14:2

Amu danab ah wan laappan ag geha eɗun, Israel huu omaladna uɗin, ahilag wanppa maadkkulag. Ag omaladna uɗippeg, Israel ag ahilag wan Yawe tituana mattomppa daanna, appa Israel ag heppeg, buɗub laappan danab ah ag ⌊Israel dilag okkai daappig⌋ amu, ag geha Israel dilag maɗi nid maɗi ah daaglag. Huu laa ag Israel danab ah aɗualadna, diin goppig amu, Israel ag eɗun, huu amu aɗualadppeg, ag eppelagppa daaglag. Ao, huu laa ag heeg, Israel ag maɗi nid maɗi ah ahilkad daappig, amubia Israel ag heppeg, huu amu ag Israel waappa daanna, maɗi ahilag hekkulag.

Aisaia 33:1

Na laa, na hee, laa nauhtteb, laa ag na heitteg ii nauhme amu, nahipnu am gadonnab gadon. Yo, na laa hambuppualadna, nahip nai ag amelagppa ame ii dim lamidttem; laa ag nahipnu anam ii heppig ele amu, nahipnu am gadonnab gadon. Na laa heppe nauhkkulagnu uuppe, danab laa ag na heidppeg nauhkkut. Ao, na laa hambuppualadna, nahip nai ag amelagppa anana, ii dim lamidkkutnu kobol uuppe, laa ag hambuppuidna, na amenppa nai mattinna, ii dim lamidkkulag.

Aisaia 54:15

Amu Yawe Nug atte. “Laa ag ahan, ag Israel ele ban hekkulagnu uɗiglag dayeb amu, ag dahil nai dim lamidna ii hemana. Iitta. Ag akka amu dabmena hekkulag, amu laa ag anam hekkulag dayeb amu, ag Israel, ag eɗadppeg, kekeɗ amu ag ag waalagppa daaglag.

Aisaia 54:17

Da amu oh hettem amunu, da ele heppi, daup ag bannu keeke aɗinab aɗan, ag Israel ele ban hekkulagnu amu, kekeɗ amu ag ag Israel ii eɗadmana. Amu danab ah ag Israel, ahilagnu aɗi hambuppuak nai eheɗ akkulag amu, ag Israel, ag nai amu tabappeg nekku. Ag danab ah, ag da, Yawe, ag dahilad maɗi nid maɗi ah ele daatteb amu, dahil ehanittak amuam ag aulag bia daakkunu madattem. Ao, ag da, Yawe, ag dahilad maɗi nid maɗi ah ele daatteb amu, ehanittak da ag madattem amu, amuppa da hei, tutukku hak ahilag aakku miag atitte.” Yawe Nug anam atte.

Jeremaia 10:25

Wan laalappan danab ah, ag na am Kayak dabmekkulagnu uun, ag na waatppa ele daaglagnu uutteb amu, ag ig Jakop buɗub heikkeg nauhmut. Ag ig heikkeg, ig padal meta autta aomut. Ag ihinig wan ele heeg nauhom. Anam amunu, na amu dilagnu oppoɗin beeb, ag bu madakkutnu ool daatte.

Jeremaia 12:14

Yawe Nug atte. “Da wan laa dahilad danab ah, Israel, ag aulag daakkunu da ag mattami, amge danab laa ag kekeɗ meɗappig, wan amu talilidna daatteb ele amu, ag uɗin, Israel ele ban henana, Israel dilag keeke aon goppig. Ag anam heppig amunu, danab uud hiɗa buɗie gotte, amubia da heppi, laa da kekeɗ meɗappig amu, ahilag kekeɗ ag uɗin, ag diin goppeg, laa da kekeɗ meɗappig ele ag wan laappa diia ukka laih me dayak danab ah daaglag. Amu da Juda danab ah ehanadppi, ag ag eppelagppa baula ii daamna.

Jeremaia 2:3

Ag Israel ag dahilnu tituanak daappig. Ag ee tatam oɗutte dahilnab daatte, ag amubia daappig. Laa mana mettak danab iitta, nug baekkudppa ele iitta, nug ee bau dahilnab amu latte dayeb, nug beɗuppa aab ele daatte, amubia aun nug Israel eheɗ hattom, nug beɗuppa aab ele dayeye, uug naunab nuhigppa te, padal meum.’ Da Yawe, da anam aakku attem,” awa aum.

Jeremaia 25:12

Anam, amge maɗ 70 amu gogppa teeb, da Babilon dilag king, nuhikkud danab ah ele, ag Babilon wanppa daatteb amu, ag eheɗ heppignu, da ag bu madakkul. Da heppi, Babilon wan am hele-ettak, anamib daakku,’ awa atte.

Jeremaia 30:15

Ag danab nug ihi nau ele dayaya gaatte bia gaatteb, amge diig aɗinu ag anam gaatteb? Ag danab nug guittak nau, laa nug heeb, iitta mekkunu elele iitta, nug anam ele dayaya gaatte bia gaatteb, amge diig aɗinu ag anam gaatteb? Amunu diig am, ag beɗulagppa aab nau ele, ag ahilag hipunin huanak amunu, da bu nau amu mattami.

Jeremaia 50:28

Babilon dilag uug awak haen digma beebeb, Israel danab ah laa ag Babilonnu ahan, eɗun oolna Israel wanppa gona, Sion appa ag Yawe, Nug ig Israel, ihinig Kayak, ag Nug Babilon dilag daup anukka nug laug heeg nauhom, gemu Nug kobol nau amu heppignu nob aakku mattomnu madippeg doyeg!

Jeremaia 8:16

Kekeɗ ag uɗin, Dan appa daaegeg, danab nug hos noobppa nokoɗu qe doya, hos miag daatte dootte, amubia ig kekeɗ ag miag daatteb doottem. Danab nug hos dawai gaye, danab doya ottaitte, amubia ig Juda danab ah ohnab ottaittem. Kekeɗ ag wan imu oh, aɗi keeke wan imuppa daatte, ag diippeg, ahilag daaglagnu, ag amu ohnu aɗi hekkulagnu oolag daatte hekkulagnuib uɗitteb. Ao, ag wan imunu aab okkai oh, danab ah appa daatteb ele amu, ag amu oh diippeg, ahilag daaglagnu, ag amu ohnu aɗi hekkulagnu oolag daatte hekkulagnuib uɗitteb.’ Juda danab ah ag anam akkulag,” awa atte.

Gayak Nai 1:21

Danab ah ag ihinig aiqakkak dooppig, amge ag ehanigppeg, oonig mekkunu kobol nakok laa ii heegeg daattem. Ihinkad kekeɗ ag uug nau na, Yawe, na hee, ihinigppa beum doon, ag gamag ahak okkai dootteb. Ag oolag gamag ahatte, amge na ag ele uug nau dooglagnu ame amunu, ag ig daattem bia daaglagnu, na heppe, haen amu bekkunu oɗ medattem!

Gayak Nai 1:22

Laa dilag hak nau na noomppa miagib baɗ! Ge, na ig hipunin heut, diig amunu bu okkai imu mekkame, amubia laa amu dilagppa, na ahilagnu ele anamib hadakkutnu oɗ medattem. Ig Juda, ig aiqakkak okkai hettem, ig oonigppa ɠagattag laa ii daatte.

Esekiel 35:5

Edom danab ah, ag haen elabnab uɗie, gemu ele ag Israel dilag kekeɗ daatteb. Ag anam daanna, haen Israel ag ahilag bu awak haen gogppa teum, haen amuppa kekeɗ ag uɗin, Israel ban hekkulagnu uɗippig amu, ag kekeɗ ehanattegeg, ag Israel huanak qep elabppa aqappig,’ ” awa atte.

Joel 3:8

Am da heppi, ahilkad nid danab, nid ahin ele ag Juda eppelagppa daappeg, ag diin gona heppeg, Sabea danab, ag uma daatteb amu, ag ag ahilkad maɗi nid daaglagnu daden maadna, diin gokkulag.” Yawe Nug anam atte amunu, am anam bekku.

Maika 4:11

Yawe Nug appanu eɗua diiadkku, amge gemu wanppan wan kuɗum dilag daup ag, ag Israel ele ban hekkulagnu qagmeppig daatteb. Ag atteb. “Ig ag eɗadta, ig ahilag na qaknu amu, ig oonig gamag ahak okkainab doognig,” aon atteb.

Maika 7:10

Yawe Nug anam heeb, ihinkad kekeɗ ag anidna, ag uɗa nak naunab nau dooglag. Ao, laa ag ig amenigppa, “Yawe, Nug am ahilag Kayak, Nug adeppa daatte?” appig ele amu, ag uɗa nak anam dooglag. Ag anam nena qekkulag, ig amenigppanab ahilag na qak anidkkunig. Ao, haen amuppa Yawe Nug heeb, danab lekkoh tappa gotte, amubia danab ag ihinkad kekeɗ baelagppa tappaladna oiglag.

Nahum 1:8

Yawe Nug nuhikkud dilagnu anam hette, amge ui naɗinab na, keeke he nauhtte, amubia Yawe Nug heeb, Niniwe nauha auta autanab aokku. Ao, Yawe Nug kekeɗ nuhikkud lamattebeb, ag gatatuppa wakkulag.

Habakuk 2:16

Amge ⌊Babilon dilag okkai⌋ na, nahip-ppa anam bekku. Danab ah ag nahipnu nau dooglag. Ag binag ii memana. Iitta! Na uɗa nak dookkut. Gemu am nahip haen! Na le ɠagattag lappe, kaaka nitteb, lamen uɗona, na uɗan naɗ! Wain amu kap Yawe eppeg naɗiap-ppa daatte, am nahip-ppa aakku uɗitte, amu na amu lawona, na uɗa nak nau guittak ele doon, binan nakok laa ii daama.

Sepanaia 2:8

Yawe Nug inam atte. “Da Moap ag dahilad danab ah dilagnu awa awa qettak nai naunab madippig amu, da ahilag nai amu da doomi. Ge, Amon danab ag dahilad danab ah dilagnu hippeg qakkak nai madippig amu, da ahilag nai amu da doomi. Amu oh ag dahilad danab ah dilagnu awa awa qettak nai naunab madippig, amu da nai amu doomi. Ele amu, da ag oh ag dahilad danab ah eɗadna, ag ahilag wan aoglagnu madippig amu, da amu ele doomi,” awa atte.

Sekaraia 1:14

Yawe Nug engel da amelppa nai mattiom amegppa anam a, engel nug da amelppa aum. “Na danab ah oh nai imu dooglagnu eppe doyeg! Yawe Nukka Ɠagattag Oh Ele Nug inam atte. Da Jerusalemnu, Sionnu ele dilahnu dahil doya laa aomanu doyak aɗe dayak okkai doottem,

Sekaraia 1:15

amge da wanppan wan laala danab ah dilagnu, ag ahilag dabmakppa ag ɠagattag daatteb, ag uug laa ii anidmananu dabmetteb amu, da amu dilagnu ool nauhtte. Da dahilad danab ah dilagnu ool nakokib nauhom, amge da ag amunu bu madakkulnu dabmein, bu qak amu wanppan wan laala eppelagppa memi. Da anam memi amge, wanppan wan laalappan danab ag bu da dabmemi, ag amu eɗittak, bu eheɗ nau ele Israel madappig,” awa atte.

Sekaraia 12:2

“Da heppi, Juda danab ah, laala Jerusalemnu, laa am Juda wanppa laih laihnu amu, ag le ɠagattag bia daappeg, wan laala ag Jerusalem talilidna daatteb ele, ag uɗin Jerusalem oo mattan aqaknu maadna daaglag, Juda ag heppeg, kekeɗ amu ag danab le ɠagattag lawowa, eheɗ daatte bia eheɗ daaglag.

Sekaraia 14:2

Amu Yawe Nug atte. “Deɗ amuppa da wanppan wan ohnu danab ag Jerusalem banelag uɗiglagnu qagmaadkkul. Anam amu, kekeɗ ag uɗin, aab okkai amu eɗadkkulag. Ag laulkadppan keeke akkan gonana, ag ah am eheɗ hattaglag. Kekeɗ ag amu henan, ag aab amuppan danab ah ameg laa diin gona heppeg, ag wan laappa diia ukka laih me dayak danab ah daaglag. Ameg laa ag aab nauhom, amuppa daaglag,” awa atte

Sekaraia 2:12

Wan laa Yawenu tituanak daatte, wan amuppa laih Juda am nuhig aug bia dayebeb, Yawe Nug baula Jerusalem tituaneb, nuhig aabnab daakku.

Sekaraia 2:8

Ag amu hekkulagnu diig am, Yawe Nukka Ɠagattag Oh Ele, Nug da, ⌊Sekaraia, Nug da⌋ Nug binag medakkulnu meiɗe uɗiminu atte. Nug wanppan wan laala, ag ag Israel eɗadna, ahilkad keeke aon goppig ele, Nug amu dilagnu inam atte. “Aun nug ag Israel eheɗ hadatte ele, nug da, Yawe, nug da eheɗ heiɗtte.

Duteronomi 30:7

Ag anamppa oolag eɗukku, amu Yawe, ahilag Kayak, Nug eheɗ laa awaknu anak waappa dayak imu oh amu heeb, eheɗ laa awaknu anaknu waappa dayak amuam kekeɗ ahilag, ag eheɗ hadatteb ele, am ag qaɗelagppa gokku.

Revelesen 13:10

Am aun nug maniguittakppa gokkunu daatte amu, appa gokku. Aun laa nug qep elabppa mauhkkunu daatte amu, nug qep elabppa mauhkku. Kobol amuam Kayaknu danab ah oppiaawak ele, ag tuɗidna uug doyaya eɗittaknuib dabmak awak kobol dim lamidna, ag oo metta ii uuak kobol ele tuɗidna anamib hekkulagoitte ippunigtte

1 Samuel 17:53

Israel ag Pilistia lamattona, ag eɗun uɗin, Pilistia dilag haen tutu dayaknu aab kalakppa nona, keeke oh uun goppig amu, ag agappig.