Kayak Nug manin haen daakkunu akku dayeb amu, laa nug manin amu heeb nauhkkunu elele iitta. Ao, Kayak Nug laa Nug anidmanu iɗu hautkku dayeb amu, laa nug neekkeb ukkeb anidkkunu elele iitta. Ge, Kayak Nug laa, nug Kayaknu, nuhig haknu ele uuak dootte, danab amu nug danab ah dilag gumak danab daamanu, danab amu nug danab ah dilag eheɗ hattamanu, Kayak nug wanppan wan anen anen, danab anen anen ele dilag okkai dayakib daatte.
Jeremaia 30:13 - Nobonob Baibel13 Laa hettoɗiakppa ehanatta, nai laa ii maditte. Ag danab nug ihi nau awe, eɗua ena daakkunu ehanittak laa iitta, ag amubia daatteb. Ao, ag danab oɗe nau awe, eɗua ena daakkunu ehanittak laa iitta, ag amubia daatteb. အခန်းကိုကြည့်ပါ။ |
Jeremaia 30:13
25 ပူးပေါင်းရင်းမြစ်များ
Nug ag amelagppa aum. “Ag da Yawe, ahilag Kayak, ag dahil nai oh tutukku ena doonna, dim lamidkkulag dayeb, ag dahil haknunab anak, ɗo dahil oh ele dabmenana, amu oh dim lamidkkulag dayeb, da oɗe nau digdig Isip danab ah matte, eheɗ nau hattami bia ii hepa. Aɗinu? Da dakka am Yawe, ahilag Kayak; daib aakku ahilag oɗe amu hei, ag eɗun ena daatteb,” awa aum.
Yawe Nug danab ah ehanatteb, padal ii memananu laa ii daye anttom. Ao, Nug laa danab ah ehanatteb, padal ii memananu ii daye antta, Nug eheɗ nau doyom. Nug anam doyom amunu, Nug nukka nuhig ɠagattagppa Nug danab ah ehanatteb padal ii memananu heum. Ao, Nug genab tutukku hak kobol dim lamidtte amu, nug amuppa ɠagattag awa, amu heum.
O Yawe, na Juda danab ah geɗadna malamete? Na Sion danab ah dilagnu ena iinab doottemte? Na guittak nau mekke, ig eɗut ena daagnignu ib laa iittanu diig dookkulnu oɗ medattem. Ig maɗoɗ ele daagnignu oonig dayom, amge ena laa ihinigppa ii beum. Ao, ig eɗut ena daagnignu haen daakkunu oonig dayom, amge baɗak eheɗ nau ele aakkuib beum daatte.
O Jakop buɗub, laa ag ahilagnu nau, danab ah hamu bia dootteb. Ao, ag danab ah Sion daatteb, laa ag ahilagnu oo doyak ii dootteb. Amunu da heppi, danab beɗuppa oɗe nau ele, nug eɗua ena daatte, amubia ag eɗun ena daaglag. Ge, da heppi, ag danab ihi nau ele eɗua ena daatte, ag amubia ena daaglag.” Yawe Nug anam awa atte.
O gadon, ag Isip danab ah ag eɗun ena daaglagnu ag oɗe danab nug Gileat appa marasin ena aokkunu gotte, ag amubia heig! Ag hekkulag, amge ag ib digdigppa eɗun ena daaglagnu hetteb, danab marasin digdig awe ii ehanidtte, amubia ag eɗun ena ii daamna. Ag danab oɗe nau awa, eɗua ena daakkunu marasin laa iitta, amubia ag eɗun, bau daaglagnu ib laa iitta.
O Jerusalem danab ah, da ehanadkkulnu aɗi akkul? Laa guittak ag aoppig bia aoppigte? Ge, O Sion danab ah, ag oolag mekkunu amu; da aun laa ag guittak okkai, ag aoppig bia aoppig ippunadppi, ag ɠagattag aoglag? Amu oh iitta; da am elele iitta. Ag guittak aoppig daatteb am okkainab, yu unuqagnab noa ukkak amubia amunu, aun nug ehanatteb, ag eɗun ena daaglag?
Israel dilag okkai ag nau anam hetteb, hamu aabppan danab ele ag anam hetteb amunu ag bu aoglagnu daatteb. Ag bu aoglagnu anam daatteb, amunu da danab laa nug aabnu aɗ babaitteb, kekeɗ ag wana heppeg, danab ah ii nauhmananu dootte, nug aabnu aɗ giɗo daatteppa dayaya, kekeɗ lamadkkunu dootte amu, da laa amubia heeb, da wain, Israel danab ah hadappi nauhmananu ii hepanu neegmi, amge da laa anam laa ii anidmi.
“Danab bekka, da hei, Isip dilag king Paro, nug gemu ɠagattagnab ii daatte, danab eppeg qiiom, amubia. Da hei, nug anam daye, laa nug ehanitteb, eɗua ɠagattag daakkunu iitta; nug am danab eppeg qiiom, nug eppeg eɗua, ɠagattag beeb, danab nug qep elab aɗakkunu elele daakkunu laa ehanitta, eppeg iteb, plasta ele qataqekkun laa iitta, amubia.” Nug anam aum.
⌊Amu Israel ag oolag unuqagppanu da aniɗna dim lamiɗkkulagnu mattiɗna, ag akka akka akkulag.⌋ “Ahappeg, ig eɗut, Yawe waappa daatu! Aɗinu? Nug ig doɗ layag beɗu pattiɗe, huppu naunau nette bia guittak okkai naɗi mekkom, amge Nug heeb, ig ena daagnig. Genab, Nug ig bu iqe, beɗunkad ihi mettom, amge Nug ig ihinkad nau bappaidkku.
Ag ihi nau laa, eɗua ena daakkunu ib iitta, ag amubia daatteb. Ag mauhkkulag. Ag danab ah laih laih ohppanu guittak hamu hamu madappig amunu, danab ah amu ag ahilagnu nai imu doon, ag gamag ahak naɗi dooglag. Aɗinu? Ag Niniwe, ag laa guittak mettaknu uug laa ii doon, guittak hamu hamu eheɗ nau ag mattaeg, laa amu oh ag uug amu maoppig.
Antteg! Da dakka, da Kayak laippu daattem; kayak laa ⌊ag ehanadkkunu⌋ da heqolppa ii daatte. Da dakka Kayak daattem. Da danab bau dayak madattem, amu da bau dayak amu eɗue aɗattem. Da danab eheɗ hedattem, amu da danab ehanatti, ena daatteb. Auntai laa, dahil hak nuhigppa hekkulnu hettem, nug amu qe-eɗitta, oola gokkunu elelete? Iitta!
ကြော်ငြာတွေ