Jeremaia 30:12 - Nobonob Baibel

¹² Amu Yawe Nug inam awa atte. “Ag Jakop buɗub, ag danab nug layag guittak okkainab mette, ihi nau awe, dokta babaitteb ena daakkunu ib laa iitta bia daatteb. Ao, ag Jakop buɗub ag am danab nug guittak okkainab awe, ihi nau daye, dokta babaitteb, eɗua ena bekkunu ib laa iitta bia daatteb.

Jeremaia 30:12 ပူးပေါင်းရင်းမြစ်များ

2 Stori 36:16

Anam maatte goppig, amge Juda danab ag Kayaknu nai awa ukkak danab nai aon goppig ele, ag nai amunu ena iinab doon, ag Yawenu danab amu aon aon aqanna, ag Yawenu propet ele aon aon aqaegeg, Yawe Nug amunu oppoɗi bak doya, bu madakkunu dabmak awe, laa heeb bu ii aomnanu ib laa ii dayom.

Jeremaia 14:17

Anam amunu, Jeremaia, na gona, danab ah imu amelagppa inam appe doyeg! ‘⌊Qinob, uug naunab amu beppeg, da akkul.⌋ O gadon, da amel leb huanaknab naɗ! Ao amun, tuqan ele anamib hanhan naɗ! Aɗinu? Dahilad danab ah, ag da ele tiinig laippu, ag am da aɗel, ah makkun dahil bia daatteb amu, ag makkuɗakppa ihilag nau ele daatteb. Ao ag maduduɗattakppa guittak okkainab aoppig.

Jeremaia 14:19

O Yawe, na Juda danab ah geɗadna malamete? Na Sion danab ah dilagnu ena iinab doottemte? Na guittak nau mekke, ig eɗut ena daagnignu ib laa iittanu diig dookkulnu oɗ medattem. Ig maɗoɗ ele daagnignu oonig dayom, amge ena laa ihinigppa ii beum. Ao, ig eɗut ena daagnignu haen daakkunu oonig dayom, amge baɗak eheɗ nau ele aakkuib beum daatte.

Jeremaia 15:18

Da anam aakku daami amunu, da tuɗid eleib guittak doyeye oittem, da amunu diig amu, da ool ii maidtte. Ao, laa ag da ihil meɗaeg ii qaɗaiedatteb amu, da amunu diig ele, da ool ii maidtte. Le okkai laala ag qaɗaiettaeg, danab ah appa le ii aotteb. Ao, le qeppuɗia bak laala ag qaɗaiettaeg, danab ah ag le appanu ii aotteb. Am amubia na dahilnu hekkutte?” Da anam ami.

Jeremaia 30:15

Ag danab nug ihi nau ele dayaya gaatte bia gaatteb, amge diig aɗinu ag anam gaatteb? Ag danab nug guittak nau, laa nug heeb, iitta mekkunu elele iitta, nug anam ele dayaya gaatte bia gaatteb, amge diig aɗinu ag anam gaatteb? Amunu diig am, ag beɗulagppa aab nau ele, ag ahilag hipunin huanak amunu, da bu nau amu mattami.

Jeremaia 8:22

Gileat appa marasin oɗe danab ehanadkkunu daatte. Appa dokta danab ah ehanadkkulagnu daatteb. Juda danab ah ag eɗun ena daaglagnu ib ele daatte amunu, aɗinu ag uun, eɗun ena ii daatteb?

Gayak Nai 2:13

O Jerusalem danab ah, da ehanadkkulnu aɗi akkul? Laa guittak ag aoppig bia aoppigte? Ge, O Sion danab ah, ag oolag mekkunu amu; da aun laa ag guittak okkai, ag aoppig bia aoppig ippunadppi, ag ɠagattag aoglag? Amu oh iitta; da am elele iitta. Ag guittak aoppig daatteb am okkainab, yu unuqagnab noa ukkak amubia amunu, aun nug ehanatteb, ag eɗun ena daaglag?

Esekiel 37:11

Aria, ebehilkad oh ag anam bau bena daaegeg, Yawe da amelppa aum. “Danab bekka, Israel danab ah ag am ebehilkad imubia daatteb. Israel ag atteb, ‘Ig ebehinkad am qaɗaiedappig. Ig ena daagnignu dabmak aɗa oiyaknu ib laa iitta. Ig neta qeta auta aomut.’

Hosea 5:13

Amu Israel danab ah ag ahilag oɗe anidna doon, ag Asiria dilag king ehanadkkunu dabmena oɗ medappig. Ge, Juda danab ah ag ag ihilkad anidna, ag Asiria dilag king okkai ehanadkkunu dabmena oɗ medappig. Ag anam heppig, amge Asiria dilag king nug heeb, ag ahilag oɗe iitta mekkunu elele iitta. Ao, Asiria dilag king nug heeb, ag ihilkad iitta mekkunu elele iitta.

Maika 1:9

Aɗinu da anam gaakkul? Samaria nug guittak okkai awom; eɗua ena daakkunu elele iitta. Ao, guittak amu Juda ele aokkunu miag doum daatte. Dahilad danab ah dilag wannu odppanab uɗiom daatte. Am Jerusalem aabppanab beum, aakku daatte.

Nahum 3:19

Ag ihi nau laa, eɗua ena daakkunu ib iitta, ag amubia daatteb. Ag mauhkkulag. Ag danab ah laih laih ohppanu guittak hamu hamu madappig amunu, danab ah amu ag ahilagnu nai imu doon, ag gamag ahak naɗi dooglag. Aɗinu? Ag Niniwe, ag laa guittak mettaknu uug laa ii doon, guittak hamu hamu eheɗ nau ag mattaeg, laa amu oh ag uug amu maoppig.