Jeremaia 3:6 - Nobonob Baibel

⁶ Amu Josaia nug Juda dilag king dayeye, Yawe Nug da, Jeremaia, Nug da amelppa inam aum. “Israel danab ah ag da dimeɗona kayak hambuppuak laala dim lamadna, kobol nau digdig heppig amu, na amu anidmete? Israel danab ah ag ewau pakkua gappai hak bia hena, ag qauko nakok igippa, ad okkai eppelkad bahia ukkak ele oh waalkadppa ele ag kayak hambuppuak digdig noolagppa dup nona binalag meppig.

Jeremaia 3:6 ပူးပေါင်းရင်းမြစ်များ

1 King 14:23

Juda ag gemu kayak hambuppuak dilag mettid lag nakok, kayak hambuppuak Aserah dabmekkulagnu biidod, amu men gappi ele qauko nakok okkai oh ikkilkadppa, amu ad okkai eppelkad bahia ukkak ele oh waalkadppa bappaladna maadppig.

2 Stori 34:1

Josaia nug maɗ eblaih ewamppaib dayaya, nug king ba dayom. Nug king ba, nug maɗ 31 Jerusalem appa king dayom.

Sam 106:39

Ahilag hak nau amuppa, ag Kayaknu neekkakppa, ag oolagppa dubuttid tak ele daappig. Ag dottog hattak dilagnu dup nona binalag meppig, amuppa ag Yawe amegppa laa nug gappai awom bia heppig.

Aisaia 57:3

Yawe Nug atte, “Ag danab ah eheɗ hetteb ele, ag uɗin, dahil nai doyeg! Ag emaɗ hak ah bekkod bia daatteb. Ag danab ag ahilkad ah uuadna ah laa ele oitteb aɗelkad bekkalkad bia daatteb. Ag am ib baag ah ele aɗelkad bekkalkad bia daatteb.

Aisaia 57:7

Ag qauko attan ikkilkadppa tena, doɗ keeke main, ahilkad kayak hambuppuak mattanna, appa bappaidppigppa ag ib baag ah kayak hambuppuak amu noolagppa dup nona binalag metteb ele, ag ag ele kobol eheɗ hetteb.

Jeremaia 1:2

Amu Juda dilag king onig Amon, Nug bekka Josaia, nug mameg abenab awa, Juda dilag king abenab awa, nuhig king dayaknu maɗ 13ppa, Yawe Nug digma, Nug nuhig nai Jeremaia mettom.

Jeremaia 11:10

Ag mamelkad aɗi dahil nai dooglagnu uuppig, ag hipunin heppig, gemu danab ah imu ag hipunin amuib hetteb. Ag kayak hambuppuak dim lamadna, ag noolagppa dup nona, ag binalag metteb. Israel danab ah, Juda danab ah ele ag nug tituana nai qakkak nai da hei, da ag mamelkad aɗi ele bappaidta, ag nai amu waappa daan oinna, ag nai amu tippalna, ii dim lamidppig amu, laa gemu daatteb, ag ele anamib.” Yawe Nug anam awa aum.

Jeremaia 17:2

Anam daatte amunu, Juda danab ah ag hipunin amu hekkulagnu daulag ii atitte, hakib heegeg, nid ahilkad ele ag amunu dabmakppa daanna, hipunin amu hetteb. Ag kayak hambuppuak dilag qaɗab, amu kayak hambuppuak Aserah dabmekkulagnu biidod ele ad okkai eppelkad bahia ukkak ele guguittak, qauko nakok okkai igippa,

Jeremaia 3:8

Juda ag Israel da dimeɗona kayak hambuppuak laala dim lamadppig anidna, ag da danab nug ah nuhig ewau pakkua gappai hette, diig amunu lamidtte bia, da Israel danab ah ahilag eheɗ haknu nob nau matten lamadmi anidppig, amge Juda danab ah, ag da ippunadmi bia, da dim lamiɗkkulagnu uun henana, ii baɗappig. Iitta. Ag ele ah gamu uuitta ukke, danab laa ele oittep bia, ag da uuiɗna, kayak hambuppuak kuɗum noolagppa dup nona binalag meppig.

Jeremaia 31:22

O Israel danab ah, ag am nid ah laa, nug mameg oɗe ii doyaya, kobol digdig hette, ag amubia da dimeɗona kayak hambuppuak laala dim lamadtteb; amu haen gane laa ele ukkeb, ag kobol amu uun, eɗun Yawe ele laippu daaglag? ⌊Yawe Nug heeb, ag eɗun uɗiglag⌋ am kobol baunab aakku. Ah ag digmena, danab gumalob amuam kobol baunab aakku daalo, amubia Yawe Nug heeb, ag eɗun uɗiglag am kobol baunab aakku.

Jeremaia 5:11

Da amu hekkulnu diig am, Israel danab ah, Juda danab ah ele ag da ippunadmi bia da dim lamiɗkkulagnu uun autna aoppig.” Yawe Nug anam aakku atte.

Jeremaia 7:24

Da anam ag amelagppa ami, amge ag dahil nai ii dooppig; ag daulag human nai doon, elele ii dabmedappig. Iitta. Ag da oɗel dim lamidmananu dabmak ahilag ɠagattag eppe, ag oolagppa ahilag dabmak nau atten dayom amu, ag amu dim lamidppig. Ag da ii dim lamiɗppig. Iitta. Ag gomelag da meɗan goppig.

Esekiel 16:31

Am laa amu, na aabppa ib oɗatle ohppa kobol nahip dim lamidkkutnu aben bappaidna, na aabppan haɗap ohppa ele kayak hambuppuak dilag mettid lag nakok ele heme, haen amuppa na danab ele niippig amu, na ib baag ah bia ag eppelagppanu men doɗo nakok laa ii aome. Iitta. Na ag ele hamu niippig. Na ib baag ah dilag nau hak amu aakku eɗidme!

Esekiel 16:35

Anam amunu Jerusalem, na ib baag ah, na Yawenu nai doye!

Esekiel 20:28

Da wan laa ag mamelkad madakkulnu dahil nai ɠagattag qetten mattimi amu, da omalatti, ag wan amuppa gona tena dayona, ag qauko laa nakok okkai anidna, o ag aɗi ad okkai ebekkud bahia ukkak ele anidna amu, ag aben amu ohppa qaɗab aqappig. Ag appa qaɗab aqanna, ag doɗ aon, amuppa main, kayak hambuppuak madappig. Ag keeke laala ele, da ag amu haknu oppoɗi bak doottem, ag keeke amu ahilkad kayak hambuppuak madappig. Ag amuppa kalu danab ile muttuɗig enanag bette ele manan, kayak hambuppuak madappig. Ag amuppa amu henana, ag wain gokkaɗaknu ofa ele amuppa heppig.

Esekiel 23:11

Amu Oholah nug anam he, nuhigppa anam be, nug makkeg Oholibah nug anttom, amge nug danab laala ele niiglagnu oo hak nau doya, ib baag ah kobol haaha, nug danab kuɗum ele niippig. Oholah nug eheɗ heum am huana heum, amge nug makkeg Oholibah, nug eheɗ naunab nau huana heum.

Esekiel 23:4

Ee makkeg apag amu onig Oholah; makkeg onig am Oholibah. Ah aɗit aa am da Yawe, dahilaɗ daapiɗ. Aa anam daayya, aa nid danab, nid ah ele menuatpiɗ. ⌊Amge ah aɗit am piksa ippunittak daattep.⌋ Oholah nug Samaria ⌊Israel danab ahnu piksa⌋ daatte, amu Oholibah am Jerusalem ⌊Juda danab ahnu piksa⌋ daatte.

Hosea 11:7

Danab ah dahilad ag da dimeɗan, kayak hambuppuak laala dim lamadkkulagnu dabmak aoeg ɠagattag eppom daatte. Propet ag Israel ag eɗun dagattolppa uɗiglagnu onilagppa etteb, amge laippu laa da binal mekkunu ii hette.

Hosea 4:13

Danab dahilad ag qauko attan kayak hambuppuak dottolkad noolagppa, ag amu dilagnu mana mettak hetteb. Ao, ag qauko nakokppa tena, ad ok, ad popla, ad terebint ele waalkadppa lokko ena daatte, diig amunu ag aguppa daanna, ag kalu danab ile muttuɗig enanag bette ele, ag kayak hambuppuak dilagnu ilatteb. O dahilad danab ah, diig amunu ag aɗelkad ag ib baag ah betteb. Ao, ag ahipalkad, nid danab waalkad amu, ag laa ele ewau pakkua gappai hak kobol hetteb.

Ikki Danab 2:17

Yawe anam heum, me Israel ag daulag human, ahilkad epeɗiak danab dilag nai ii dooppig. Iitta. Ag kayak laala noolagppa dup nona binalag meppig. Ag pahanab ag mamelkad aɗi dilag ib apiɗidna, laih goppig. Ag mamelkad aɗi amu, ag Yawenu haknunab anak dim lamidttappig, amge ag dimulkadppan, ag anam ii heppig.