Jeremaia 3:23 - Nobonob Baibel

²³ Anukka ig qauko nakok igippa kayak hambuppuak noolagppa dup nota binalag metata, muttub ele qemut, amge amu oh am ii ehanikkom. Yawe, Nug ig Israel, ihinig Kayak, Nugib ehanikkeb, ig padal ii memata.

Jeremaia 3:23 ပူးပေါင်းရင်းမြစ်များ

Sam 3:8

O Yawe, na ig ehanikke, ig kekeɗ ihinkad eɗadttem. Na nahipad danab ah itadkkutnu oɗ medattem. Sila.

Sam 62:7

Padal ii maknu ehanittak dahil, am Kayak nukka, laa da binal meɗatte ele amu, amu ele am Kayak nukka. Nug am kekeɗ niɗamnanu ehanittak dahil daatte. Nug am padal mak eɗitteb ena dayaknu ehanittak dahil daatte.

Prowerb 21:31

Danab ag hosppa daanna ban hetteb ele, ag hos banppa gokkulagnu bappaladtteb; amge ban eɗittaknu, amuam Yawe, nuhigppaib daatte.

Aisaia 10:20

Amu haen amuppa am inam bekku. Israel danab ah ag oɗo yaak danab ah ⌊daaglag⌋. Ge, Jakop buɗub laippu laippu qagaiettakppa ii mauhadppig amu, ⌊ag daaglag⌋. Ag daanna, ag wanppanu okkai laa nug eheɗ hattom ele, ag nuhignu ehanittak aoglagnu ii dabmemana. Iitta. Haen amuppa Israel ag Yawe, Israel dilag Kayak Oppiaawak Ele, Nug ag ehanadkkunu ag genabnab Nug onigppa enana, ameg mekkulag.

Aisaia 12:2

Genab, Padal ii maknu ehanittak oh da aomi amu, Kayak Nug ehanittak amu oh diig daatte; da nuhignu oolppa genab doye, da geha ii baɗapa. Aɗinu? Yawe, ao Yawe, Nug am ɠagattag dahil. Nug uɗat ena hette, diig amunu da gamag ahak ahi edattem; Nugib dahil Padal ii maknu ehanittak daye, da padal ii memi.” Ag laib laib geha anam ahi ettaglag.

Aisaia 43:11

Da, yo da, da am Yawe daattem. Da aakkuib, da danab ah padal memananu ehanittak daattem. Laa iitta.

Aisaia 44:9

Danab aun aɗi ag kayak hambuppuak dottolkad hadatteb ele, ag ahilag dabmak am kabolia auta autanab awak daatte. Keeke ag oolag huana hette ele am keeke hamunab. Danab laa ehanidkkulagnu elele iitta. Laa ag kayak hambuppuak binalag metteb ele, ag danab nug ameg gaɗue, keeke ii anidtte, ag amubia dabmak genab iitta ele. Ag dabmak iitta, amu amuppa ag uɗa nak aoglag.

Aisaia 45:15

O Israel danab ah, genab ahilag Kayak Nug miag atiakib ii daatte. Iitta. Nug danab ah amelagppa lokkumak ele daatte. Nug am ahilag Kayak; Nug ag Israel, Nug ahilag Padal ii maknu ehanittak daatte.

Aisaia 45:17

Amge Yawe Nug Israel ehanatteb, ag padal iinab memana. Ehanitteb, padal ii mak amuam hanhannu; iitta ii mema. Ao, ag Israel, ag uɗa nak ii aomna; laa noolagppa uɗa nak nau guittak ele ii daamna. Ag hanhan anamib daaglag.

Aisaia 45:20

Yawe Nug imu atte. “Ag danab ah wan atu laih laihnu, ag banppa ii mauhppig ele amu, ag qagmena uɗin, da noolppa daanna, ⌊dahil nai doyeg⌋! Aun aɗi ag kayak hambuppuak dottolkad maon oin, binalag metteb ele, ag am dabmak iitta. Ag kayak hambuppuak amu unuqadtteb, amge kayak hambuppuak amu ag ehanadkkulagnu elele iitta.

Aisaia 63:1

Laa nug Edomnu uɗitte am aun? Nug Bosranu, lamen kokoɗnab laittak ele uɗitte, amge nug am aun? Nuhig lamen am enanagnab, me nug am aun? Nug danab ɠagattag okkai naɗi ele, amu nug huana tappa uɗitte. Danab amu nug nukka, nug am aun daattenu am inam atte. “Imu da, da aɗi madittem amu, nai amuam genab tutukkuib. Da danab ah padal memananu ehanadkkulnu ɠagattag elelenab ele,” awa atte.

Aisaia 63:16

Anam, amge o Yawe, na am ig Mamenig. Abraham nug ig ii dooiglo. Ge, Israel nug ihinignu, “Imu, ag am da buɗulad iitta,” alotai. Amge O Yawe, na am ig Mamenig. Na nakka aakkuib, na anukkanu uɗie, gemu ele, na qagaiettakppanu eɗua uhuqaknu ehanittak ihinig daattem.

Jeremaia 14:8

O Yawe, naib ig Israel ehanigkkutnu elele. Uug nau haenppa naib na ihinig Padal ii maknu ehanittak daattem. Anam amunu, na aab diig danab iitta bia daattemnu, o na danab laih gokkunu oiyaya, tuqan laippu ɗo danab wan laappa dayaya, buttua aha gotte, na amubia daattemnu,

Jeremaia 17:14

O Yawe, ⌊na da ehaniɗttem amunu,⌋ da naib binan mettem. ⌊Naib ehaniɗttem⌋ amunu, na heppe, da eɗuen, oɗe iitta ele daakkul dayeb amu, da genab oɗe iitta ele daakkul. Ao, na da padal mepanu ehaniɗkkut dayeb amu, da genab padal ii mepa.

Jeremaia 17:2

Anam daatte amunu, Juda danab ah ag hipunin amu hekkulagnu daulag ii atitte, hakib heegeg, nid ahilkad ele ag amunu dabmakppa daanna, hipunin amu hetteb. Ag kayak hambuppuak dilag qaɗab, amu kayak hambuppuak Aserah dabmekkulagnu biidod ele ad okkai eppelkad bahia ukkak ele guguittak, qauko nakok okkai igippa,

Jeremaia 3:6

Amu Josaia nug Juda dilag king dayeye, Yawe Nug da, Jeremaia, Nug da amelppa inam aum. “Israel danab ah ag da dimeɗona kayak hambuppuak laala dim lamadna, kobol nau digdig heppig amu, na amu anidmete? Israel danab ah ag ewau pakkua gappai hak bia hena, ag qauko nakok igippa, ad okkai eppelkad bahia ukkak ele oh waalkadppa ele ag kayak hambuppuak digdig noolagppa dup nona binalag meppig.

Jeremaia 31:7

Yawe Nug ⌊ag Israel ehanatteb, ena daaglag amunu,⌋ Nug inam atte. “Ag Israel, ag oo gamag ahak doon ahi etteg! Ao, ag wanppan wan oh oolagppan wan laa anuqak daatte, ag ⌊Yawe ag ehanattomnu gamag ahak doon,⌋ huana eig! Ge, ag Yawe binag humappeg, laa ag, ag doyatteg! Ag ‘O Yawe, na nahipad danab ah, ag oɗo yaak daatteb amu, na ag padal memananu ehanadkkutnu oɗ medattem,’ aon aig!

Esekiel 20:28

Da wan laa ag mamelkad madakkulnu dahil nai ɠagattag qetten mattimi amu, da omalatti, ag wan amuppa gona tena dayona, ag qauko laa nakok okkai anidna, o ag aɗi ad okkai ebekkud bahia ukkak ele anidna amu, ag aben amu ohppa qaɗab aqappig. Ag appa qaɗab aqanna, ag doɗ aon, amuppa main, kayak hambuppuak madappig. Ag keeke laala ele, da ag amu haknu oppoɗi bak doottem, ag keeke amu ahilkad kayak hambuppuak madappig. Ag amuppa kalu danab ile muttuɗig enanag bette ele manan, kayak hambuppuak madappig. Ag amuppa amu henana, ag wain gokkaɗaknu ofa ele amuppa heppig.

Hosea 1:7

Amge da, da Yawe, ahilag Kayak, da geha oo gai-iitta doya oo metta ehanittak kobol Juda danab ah dilagppa hekkul. Da dakka geha ahilkad kekeɗ eppelagppanu eɗuen diiadkkul. Da amuam latppa, o qep elabppa, o banppa, o hosppa, o bannu karisppa ii hepa. Iitta. Da dakkaib, da hekkul,” awa aum.

Jon 4:22

Ag Samaria, ag Kayak noobppa dup nona binag metteb, amge ag nuhig diig pehettak ii dootteb. Amge Kayak Nug he, eɗua diiaknu uɗat amu ig Juda ihinigppa bette amunu, Nug nuhig diig ig ippunikke, ig nuhig diig tutukku dootta, ig Nug noobppa dup nota binag mettem.